Mangalam News

ഇന്ത്യയിലെ പാമ്പ് ഗ്രാമത്തിൽ പോകാം, മൂർഖനും അണലിയുമൊത്ത് കഴിയാം!

Wed, 20 May 2026 09:50:06 +0000

ഇന്ത്യയിലെ സർപ്പങ്ങളുടെ ഗ്രാമം ഏതെന്ന് അറിയുമോ? മഹാരാഷ്ട്രയിലെ സോലാപൂർ ജില്ലയിലെ മൊഹോൾ താലൂക്കിൽ സ്ഥിതിചെയ്യുന്ന ഒരു ചെറിയ ഗ്രാമമാണ് ഷെറ്റ്ഫൽ. ഇവിടെയാണ് വിഷപ്പാമ്പുകളും മനുഷ്യരും അസാധാരണമായ സഹവർത്തിത്വത്തോടെ കഴിയുന്നത്. ഇവിടെ കുട്ടികൾ പോലും പാമ്പുകളുമായി ഇടപഴകുന്നത് അസാധാരണ സംഭവമല്ല. വിഷപ്പാമ്പുകളുമൊത്ത് കഴിയുന്നത് ഗ്രാമീണരുടെ വിശ്വാസങ്ങളിലും പാരമ്പര്യങ്ങളിലും അധിഷ്ഠിതമായ ഒരു ജീവിതരീതിയാണ്. ഭൂരിഭാഗം ആളുകളും ഒരു പാമ്പിനെ കണ്ടാൽ അത് അടുത്തതായി എന്ത് ചെയ്യുമെന്ന് നോക്കി നിൽക്കാറില്ല. പെട്ടെന്ന് തന്നെ ഒരടി പിന്നോട്ട് മാറി, സുരക്ഷിതമായ അകലം പാലിക്കും. പാമ്പുകളുടെ സാന്നിധ്യം യാതൊരുവിധ പരിഭ്രാന്തിയോ ആശങ്കയോ ഉണ്ടാക്കുന്നില്ല. ഇവിടുത്തുകാർ ചെറുപ്പം മുതലേ കണ്ടുവളർന്നതും, മനസ്സിലാക്കിയതും, ദൈനംദിന ജീവിതത്തിന്റെ ഭാഗമായി ക്രമേണ അംഗീകരിച്ചതുമായ ഒന്നാണിത്. തലമുറകളായി കൈമാറി വന്ന പ്രാദേശിക വിശ്വാസങ്ങളും ആചാരങ്ങളും ഈ ബന്ധത്തെ അരക്കിട്ടുറപ്പിച്ചു. ഇന്ത്യയിലെ 'പാമ്പ് ഗ്രാമം' എന്നാണ് ഷെറ്റ്ഫൽ പരക്കെ അറിയപ്പെടുന്നത്. നിവാസികളും പാമ്പുകളും, പ്രത്യേകിച്ച് മൂർഖൻ പാമ്പുകളും തമ്മിലുള്ള അസാധാരണമായ സഹവർത്തിത്വത്തിന് ഈ ഗ്രാമം പ്രശസ്തമാണ്. ഷെറ്റ്ഫലിനെ വേറിട്ടു നിർത്തുന്നത് എന്തെന്നാൽ, ഇവിടുത്തെ പല വീടുകളിലും പാമ്പുകൾക്ക് വിശ്രമിക്കാനായി പ്രത്യേക സ്ഥലങ്ങളോ ഇടങ്ങളോ ഒരുക്കിയിട്ടുണ്ടെന്നാണ് വിശ്വസിക്കപ്പെടുന്നത്. പ്രദേശവാസികൾ പാമ്പുകളെ ഭയത്തോടെയല്ല, മറിച്ച് ആദരവോടെയാണ് കാണുന്നത്. ഇവിടുത്തെ പ്രത്യേകതകൾ ഇനി പറയുന്നു. ഗ്രാമവാസികൾ മൂർഖൻ പാമ്പുകളെ വിശുദ്ധമായി കരുതുന്നു. വീടുകൾക്കുള്ളിൽ പാമ്പുകൾക്കായി പരമ്പരാഗതമായ ഇടങ്ങൾ മാറ്റിവെക്കുന്നു. ഹൈന്ദവ പാരമ്പര്യത്തിലെ നാഗാരാധനയുമായി ബന്ധപ്പെട്ട സാംസ്കാരിക ആദരവ്. തലമുറകളായി കൈമാറിവന്ന പ്രാദേശിക കഥകളും വിശ്വാസങ്ങളും എല്ലാം ചേർന്ന് പാമ്പുകളുമൊത്തുള്ള ജീവിതം സാധാരണമാക്കുന്നു. ഈ പരസ്പര സഹവർത്തിത്വം കാരണം പാമ്പുകൾ തങ്ങളെ ഉപദ്രവിക്കില്ലെന്നാണ് ഗ്രാമവാസികളിൽ പലരും വിശ്വസിക്കുന്നത്. ഇന്ത്യയുടെ പല ഭാഗങ്ങളിലും നൂറ്റാണ്ടുകളായി നാഗാരാധന നിലനിൽക്കുന്നുണ്ട്, എന്നാൽ ഷെത്ഫലിൽ, ഈ ആദരവ് കേവലം വാർഷിക ചടങ്ങുകളിൽ മാത്രം ഒതുങ്ങുന്നില്ല, മറിച്ച് അത് അവരുടെ ദൈനംദിന ജീവിതത്തിന്റെ ഭാഗമാണ്. ഇവിടേക്ക് വരുന്നവർ ശ്രദ്ധിക്കേണ്ട പ്രധാനപ്പെട്ട കാര്യങ്ങളുണ്ട്. പാമ്പുകളെ തൊടാനോ കൈകാര്യം ചെയ്യാനോ ശ്രമിക്കരുത്. സന്ദർശന വേളയിൽ പ്രദേശവാസികളുടെ നിർദ്ദേശങ്ങൾ പാലിക്കുക. ഗ്രാമവുമായി ബന്ധപ്പെട്ട പ്രാദേശിക ആചാരങ്ങളെയും വിശ്വാസങ്ങളെയും മാനിക്കുക. ഈ യാത്ര ഒരു സാഹസികത എന്നതിലുപരി പ്രാദേശിക സംസ്കാരത്തെ മനസ്സിലാക്കുന്നതിനെക്കുറിച്ചാണ് എന്ന ബോധ്യം സൂക്ഷിക്കുക.

‘മേയ് മാസം കൊണ്ടുവന്ന ഭാഗ്യങ്ങളിൽ ഒന്നു കൂടി’; 'കറുപ്പി'ന്റെ വിജയത്തിലും തൃഷയുടെ പോസ്റ്റിൽ 'വിജയ്'യെ കണ്ടെത്തി ആരാധകർ

Wed, 20 May 2026 09:17:26 +0000

സൂര്യയെയും തൃഷയെയും പ്രധാന കഥാപാത്രങ്ങളാക്കി ബാലാജി സംവിധാനം ചെയ്ത 'കറുപ്പ്' തിയേറ്ററുകളിൽ വിജയകരമായി പ്രദർശനം തുടരുകയാണ്. ഇപ്പോഴിതാ, ചിത്രത്തിന്റെ ബിടിഎസ് വിശേഷങ്ങൾ പങ്കുവെച്ച് എത്തിയിരിക്കുകയാണ് നായിക തൃഷ കൃഷ്ണൻ. സെറ്റിൽ നിന്നുള്ള ചിത്രങ്ങളും വീഡിയോകളും നടി തന്റെ ഇൻസ്റ്റാഗ്രാം പേജിൽ പോസ്റ്റ് ചെയ്തതോടെ സോഷ്യൽ മീഡിയയിൽ ഇത് വലിയ ചർച്ചയായിട്ടുണ്ട്. എന്നാൽ, ലൊക്കേഷൻ ദൃശ്യങ്ങളേക്കാൾ ആരാധകരുടെ ശ്രദ്ധ കവർന്നത് തൃഷ അതിന് നൽകിയ അടിക്കുറിപ്പാണ്. ‘മേയ് മാസം കൊണ്ടുവന്ന ഭാഗ്യങ്ങളിൽ ഒന്ന് കൂടി, എല്ലാം ദൈവഹിതം...’എന്നായിരുന്നു തൃഷ കുറിച്ചത്. ഇത് സിനിമയുടെ വിജയത്തെ മാത്രമല്ല, അടുത്തിടെ തമിഴ്‌നാട് മുഖ്യമന്ത്രിയായി രാഷ്ട്രീയത്തിൽ വൻ വിജയം നേടിയ നടൻ വിജയ്‌യെ പരോക്ഷമായി സൂചിപ്പിക്കുന്നതാണെന്നാണ് ആരാധകരുടെ കണ്ടെത്തൽ. "ക്യാപ്ഷൻ കാണുന്നത് വരെ എല്ലാം നന്നായിരുന്നു", "ഈ ക്യാപ്ഷൻ കൊണ്ട് എന്താണ് ഉദ്ദേശിച്ചതെന്ന് കൃത്യമായി അറിയാം" എന്നിങ്ങനെ പോകുന്നു പോസ്റ്റിന് താഴെ വരുന്ന കമന്റുകള്‍.

View this post on Instagram

A post shared by Trish (@trishakrishnan)

വിജയ്‌യെ പരോക്ഷമായി പിന്തുണച്ചുകൊണ്ടോ സൂചിപ്പിച്ചുകൊണ്ടോ തൃഷ സോഷ്യൽ മീഡിയയിൽ പോസ്റ്റിടുന്നത് ഇതാദ്യമായല്ല.തൃഷയുടെ ജന്മദിനമായ മേയ് നാലിനായിരുന്നു വിജയ്‌യുടെ പാർട്ടിയായ ടി.വി.കെ റെക്കോർഡ് ഭൂരിപക്ഷത്തോടെ തമിഴ്‌നാട് നിയമസഭാ തിരഞ്ഞെടുപ്പിൽ വിജയം കൊയ്തത്. വിജയ്‌യുടെ മുഖ്യമന്ത്രിയായുള്ള സത്യപ്രതിജ്ഞാ ചടങ്ങിൽ തൃഷ നേരിട്ടെത്തി പങ്കെടുത്തത് വലിയ വാർത്തയായിരുന്നു. അന്ന് ചടങ്ങിൽ ധരിച്ച സാരിയിലുള്ള ചിത്രങ്ങൾ പങ്കുവെച്ചുകൊണ്ട് തൃഷ നൽകിയ ക്യാപ്ഷനും ശ്രദ്ധേയമായിരുന്നു. "സ്നേഹം എപ്പോഴും വിളിച്ചറിയിക്കപ്പെടേണ്ട ഒന്നാണ്" എന്നായിരുന്നു നടി അന്ന് കുറിച്ചത്. ഇതിന് പിന്നാലെയാണ് 'മേയ് മാസം കൊണ്ടുവന്ന ഭാഗ്യങ്ങളെ'ക്കുറിച്ചുള്ള പുതിയ പോസ്റ്റും എത്തിയിരിക്കുന്നത്. ഇതോടെ, വിജയ്‌യും തൃഷയും തമ്മിലുള്ള സൗഹൃദത്തെക്കുറിച്ചും ബന്ധത്തെക്കുറിച്ചുമുള്ള ചർച്ചകൾക്ക് സോഷ്യൽ മീഡിയയിൽ വീണ്ടും ജീവൻ വെച്ചിരിക്കുകയാണ്.

പുരുഷന്മാര്‍ ഭൂമിക്ക് ഭീഷണിയോ? ടോക്‌സിക്ക് മാസ്‌കുലിനിറ്റി ഗുരുതര ദോഷം ചെയ്യുന്നുവെന്ന് പഠനം

Wed, 20 May 2026 09:09:15 +0000

ടോക്‌സിക്ക് മാസ്‌കുലിനിറ്റിയും പുരുഷാധിപത്യ മനോഭാവവും പ്രകൃതിക്ക് ഗുരുതരമായ ദോഷം ചെയ്യുന്നുവെന്ന് പുതിയ പഠന റിപ്പോര്‍ട്ട്. പുരുഷന്മാരുടെ ജീവിതശൈലിയും ഉപഭോഗരീതികളും ഭൂമിയുടെ നിലനില്‍പ്പിനെത്തന്നെ ബാധിച്ചേക്കാമെന്നാണ് ഗവേഷകര്‍ മുന്നറിയിപ്പ് നല്‍കുന്നത്. 'ഇന്റര്‍നാഷണല്‍ ജേര്‍ണല്‍ ഫോര്‍ മാസ്‌കുലിനിറ്റി സ്റ്റഡീസ്' എന്ന ജേര്‍ണലില്‍ പ്രസിദ്ധീകരിച്ച ഈ പഠനം, 13 രാജ്യങ്ങളില്‍ നിന്നുള്ള 22 ഗവേഷകരുടെ നേതൃത്വത്തിലാണ് തയ്യാറാക്കിയത്. സ്ത്രീകളെ അപേക്ഷിച്ച് പുരുഷന്മാരുടെ പെരുമാറ്റശീലങ്ങളാണ് പരിസ്ഥിതിക്ക് കൂടുതല്‍ ആഘാതം സൃഷ്ടിക്കുന്നതെന്ന് പഠനം വ്യക്തമാക്കുന്നു. വിനോദസഞ്ചാരത്തിനും യാത്രകള്‍ക്കുമായി പുരുഷന്മാര്‍ കൂടുതല്‍ ഇന്ധനം ഉപയോഗിക്കുന്നുണ്ടെന്നാണ് കണ്ടെത്തല്‍. കൂടാതെ, ഹരിത രാഷ്ട്രീയത്തോടും പരിസ്ഥിതി പ്രവര്‍ത്തനങ്ങളോടും പുരുഷന്മാര്‍ക്ക് പൊതുവെ വിമുഖതയുണ്ടെന്നും റിപ്പോര്‍ട്ടില്‍ പറയുന്നു. രാസവസ്തുക്കളുടെ ഉപയോഗം, ഖനനം, കാര്‍ബണ്‍ പുറന്തള്ളുന്ന വ്യവസായങ്ങള്‍ തുടങ്ങിയ പ്രകൃതിയെ ചൂഷണം ചെയ്യുന്ന വന്‍കിട മേഖലകളുടെ നിയന്ത്രണം പുരുഷന്മാരുടെ കൈകളിലാണ്. ആഗോള പ്രതിസന്ധികള്‍ക്ക് കാരണമാകുന്ന യുദ്ധങ്ങളും സൈനിക നീക്കങ്ങളും നയിക്കുന്നതും പുരുഷന്മാരാണെന്ന് പഠനം ആരോപിക്കുന്നു. പ്രകൃതിക്കുമേല്‍ ഏറ്റവും കൂടുതല്‍ ആഘാതം സൃഷ്ടിക്കുന്നത് വികസിത പാശ്ചാത്യ രാജ്യങ്ങളിലെ ഉന്നതവിഭാഗത്തില്‍പെട്ട വെളുത്തവര്‍ഗക്കാരായ പുരുഷന്മാരാണെന്നും, തീവ്ര വലതുപക്ഷ രാഷ്ട്രീയത്തിലുള്ളവര്‍ കാലാവസ്ഥാ വ്യതിയാനത്തെ വ്യാജ പ്രചാരണമായി തള്ളിക്കളയുകയാണെന്നും ഗവേഷകര്‍ ചൂണ്ടിക്കാണിക്കുന്നു. സുസ്ഥിര വികസന ചര്‍ച്ചകളില്‍ പുരുഷന്മാരുടെ ഇത്തരം പെരുമാറ്റരീതികള്‍ പരിഗണിക്കപ്പെടാത്തത് അത്ഭുതപ്പെടുത്തുന്നുവെന്ന് യുകെയിലെ ഹഡേഴ്‌സ്ഫീല്‍ഡ് സര്‍വകലാശാലയിലെ സോഷ്യോളജി പ്രൊഫസര്‍ ജെഫ് ഹേണ്‍ വ്യക്തമാക്കുന്നു. എന്നാല്‍, ഈ പഠനത്തിനെതിരെ കടുത്ത വിമര്‍ശനങ്ങളും ഉയരുന്നുണ്ട്. പരിസ്ഥിതി ചര്‍ച്ചകളെ ലിംഗവിവേചനത്തിലേക്ക് വലിച്ചിഴക്കരുതെന്നും, കാലാവസ്ഥാ വ്യതിയാനത്തിന് ലിംഗഭേദമന്യേ ശാസ്ത്രീയമായ പരിഹാരങ്ങളാണ് കണ്ടെത്തേണ്ടതെന്നുമാണ് വിമര്‍ശകരുടെ വാദം.

സംസ്ഥാനത്ത് മിൽമ പാൽ വിലകൂട്ടി; ലിറ്ററിന് 4 രൂപ വര്‍ധിപ്പിച്ചു; ജൂണ്‍ 1മുതല്‍ പ്രാബല്യത്തില്‍ വരും

Wed, 20 May 2026 08:59:09 +0000

തിരുവനന്തപുരം: സംസ്ഥാനത്ത് മിൽമ പാൽ വിലകൂട്ടി. ലിറ്ററിന് 4 രൂപയാണ് കൂട്ടിയത്. ഇന്ന് ചേർന്ന മിൽമ ഡയറക്ടർ ബോർഡിലാണ് തീരുമാനം. ജൂൺ ഒന്നുമുതൽ വില പ്രാബല്യത്തിൽ വരും. നേരത്തെ, പാൽവില കൂട്ടുമെന്ന് വിവരം പുറത്തുവന്നിരുന്നു. ലിറ്ററിന് നാല് മുതൽ ആറ് രൂപ വരെ കൂട്ടണമെന്നായിരുന്നു മിൽമയുടെ ആവശ്യം. പാൽവില കൂട്ടി കർഷകരെ സഹായിക്കണമെന്ന് മേഖല യൂണിയനുകൾ നിരന്തരം ആവശ്യപ്പെട്ടിരുന്നു. തെരഞ്ഞെടുപ്പായതിനാൽ വില വ‌ർധനയ്ക്ക് സർക്കാർ അനുമതി നൽകിയിരുന്നില്ല. മിൽമയുടെ നിരന്തര ആവശ്യം പരിഗണിച്ചാണ് പാൽവില കൂട്ടാനുള്ള അനുമതി നൽകിയത്.

'' അഭിനയിക്കുമ്പോള്‍ ലാലേട്ടന്‍ ഒന്നും ചെയ്യുന്നില്ല എന്ന് തോന്നും, മോണിറ്ററില്‍ പോയി നോക്കുമ്പോള്‍ ഇതൊക്കെ എപ്പോള്‍ ചെയ്തു എന്ന് തോന്നും' ; വീണ നന്ദകുമാര്‍

Wed, 20 May 2026 08:50:33 +0000

ജീത്തു ജോസഫ്- മോഹന്‍ലാല്‍ ചിത്രം ' ദൃശ്യം 3' നാളെ തിയേറ്ററുകളിലെത്തുകയാണ്. നടി വീണ നന്ദകുമാറും ചിത്രത്തില്‍ ഒരു പ്രധാന വേഷത്തിലെത്തുന്നുണ്ട്. ഇപ്പോഴിതാ ' ദൃശ്യം' പോലെ സൂപ്പര്‍ ഹിറ്റായ ഒരു ഫ്രാഞ്ചൈസിയുടെ ഭാഗമാകാന്‍ കഴിഞ്ഞതില്‍ വളരെ സന്തോഷമുണ്ടെന്ന് പറയുകയാണ് വീണയിപ്പോള്‍. ആശിര്‍വാദ് സിനിമാസിന്റെ അഭിമുഖത്തില്‍ സംസാരിക്കുകയായിരുന്നു വീണ. മോഹന്‍ലാലിനൊപ്പം അഭിനയിച്ചതിനെക്കുറിച്ചും വീണ പറഞ്ഞു. "ജീത്തു സാറിനും ആന്റണി ചേട്ടനും മൂന്നാം ഭാഗം എടുക്കാൻ തോന്നിയത് എന്റെ ഭാഗ്യം. അല്ലെങ്കിൽ എനിക്കൊരിക്കലും ദൃശ്യം യൂണിവേഴ്സിൽ ജോയിൻ ചെയ്യാൻ പറ്റില്ലായിരുന്നു. ഒരു ഇൻവസ്റ്റിഗേറ്റീവ് ജേർണലിസ്റ്റ് ആയിട്ടാണ് ഞാൻ ദൃശ്യം 3യിൽ വരുന്നത്. എല്ലാവരും പുറത്തെടുക്കുന്ന പണി ഞാൻ ഇതിനകത്ത് നിന്ന് എടുക്കുന്നു. ശരിക്കും ഞാൻ ഭയങ്കര ആവേശത്തിലായിരുന്നു. ജീത്തു സാർ എന്നെ വിളിച്ച് കഴിഞ്ഞ്, ഫോൺ കട്ട് ചെയ്തിട്ട് ഞാൻ കുറേ നേരം ആലോചിച്ചു. ലാലേട്ടനോടൊപ്പമുള്ള എന്റെ ആദ്യത്തെ സിനിമയാണ്. ഇത്രയും സൂപ്പർ ഹിറ്റായ ഒരു ഫ്രാഞ്ചൈസിയുടെ ഭാഗമായി ലാലേട്ടനൊപ്പം എത്താൻ പറ്റിയതിൽ വളരെ സന്തോഷം. പിന്നെ കാരക്ടറിന്റെ ഒരു ഔട്ട്‌ലൈൻ തന്നിരുന്നു. അത് കേട്ടപ്പോൾ എനിക്ക് വളരെ കൗതുകകരമായി തോന്നി. ലാലേട്ടന്റെ കൂടെ അഭിനയിക്കുമ്പോൾ, നമ്മൾ നോക്കുമ്പോൾ അദ്ദേഹം ഒന്നും ചെയ്യുന്നില്ല എന്ന് തോന്നും. മോണിറ്ററിൽ പോയി നോക്കുമ്പോഴാണ്, ഇതിനിടയിൽ ഇതൊക്കെ എപ്പോൾ ചെയ്തു എന്ന് തോന്നുന്നത്. അപ്പോഴാണ് നമുക്ക് മനസിലാകുന്നത് ചെറിയൊരു എക്സ്പ്രഷൻ പോലും മോണിറ്ററിൽ കാണുന്ന രീതിയിൽ ചെയ്യുക എന്ന് പറയുന്നത് തന്നെ ഒരു കഴിവല്ലേ". - വീണ നന്ദകുമാർ പറഞ്ഞു.

'പഴയ ഫ്രീക്കൻ ആണല്ലോ'; ലാൽ ജോസിന്റെ ചിത്രത്തിന് കമന്റുമായി ആരാധകൻ

Wed, 20 May 2026 08:34:54 +0000

സംവിധായകൻ ലാൽ ജോസ് പങ്കുവെച്ച മോഹൻലാലിനൊപ്പമുള്ള ഒരു അപൂർവ്വ ചിത്രമാണ് സോഷ്യൽ മീഡിയയിൽ ഇപ്പോൾ ശ്രദ്ധനേടുന്നത്. തമ്പി കണ്ണന്താനത്തിന്റെ സംവിധാനത്തിൽ 1995ൽ പുറത്തിറങ്ങിയ 'മാന്ത്രികം' എന്ന ചിത്രത്തിന്റെ ലൊക്കേഷനിൽ നിന്നു പകർത്തിയ ചിത്രമാണ് ലാൽ ജോസ് ഇൻസ്റ്റഗ്രാമിൽ പങ്കുവച്ചത്. അന്ന് ചിത്രത്തിന്റെ അസ്സോസിയേറ്റ് ഡയറക്ടറായി ലാൽ ജോസ് പ്രവർത്തിച്ചിരുന്നു. ലാൽ ജോസിനൊപ്പം അസിസ്റ്റന്റ് ഡയറക്ടർ ജൂഡി ഞാറക്കലിനെയും ഫോട്ടോയിൽ കാണാം. പഴയകാല ലുക്കിലുള്ള മോഹൻലാലിന്റെയും ലാൽ ജോസിന്റെയും ചിത്രം കണ്ട കൗതുകത്തിലാണ് ആരാധകർ.

View this post on Instagram

A post shared by Laljose Mechery (@laljosemechery)

'പഴയ ഫ്രീക്കൻ ആണല്ലോ ലാലു ചേട്ടാ' എന്നാണ് പോസ്റ്റിൽ ഒരാൾ രസകരമായി കമന്റു ചെയ്തിരിക്കുന്നത്. മാന്ത്രികത്തിൽ ശ്രദ്ധേയ വേഷം അവതരിപ്പിച്ച നടൻ മധുപാലും ചിത്രത്തിൽ കമന്റു ചെയ്തിട്ടുണ്ട്.

ഹിമാലയത്തെ വിഴുങ്ങി പ്ലാസ്റ്റിക് മാലിന്യം: രാജ്യത്തെ മിക്ക സംസ്ഥാനങ്ങളിലും മാലിന്യക്കൂമ്പാരങ്ങള്‍

Wed, 20 May 2026 08:22:41 +0000

വര്‍ഷങ്ങളോളം നീണ്ട ശുചിത്വ പദ്ധതികള്‍ നടപ്പാക്കിയിട്ടും ഇന്ത്യയില്‍ പ്ലാസ്റ്റിക് മലിനീകരണം വന്‍ ഭീഷണിയായി തുടരുന്നു. എന്നാല്‍, രാജ്യത്തെ ഗ്രാമീണമലയോര മേഖലകളിലെ മാലിന്യത്തിന്റെ അളവിനെക്കുറിച്ച് ശാസ്ത്രീയമായ ഒരു വിവരവും സര്‍ക്കാരിന്റെ പക്കലില്ലെന്ന് പരിസ്ഥിതി പ്രവര്‍ത്തകര്‍ ആരോപിക്കുന്നു. മലിനീകരണ നിയന്ത്രണ ബോര്‍ഡുകള്‍ നല്‍കുന്ന പല കണക്കുകളും തദ്ദേശ സ്ഥാപനങ്ങളുടെ ഏകദേശ വിവരങ്ങള്‍ മാത്രമാണ്. ടൂറിസവും തീര്‍ത്ഥാടനവും തഴച്ചുവളരുന്ന ഹിമാചല്‍ പ്രദേശിലും ഉത്തരാഖണ്ഡിലും ഔദ്യോഗിക കണക്കുകളില്‍ കാണിക്കുന്ന പ്ലാസ്റ്റിക് മാലിന്യത്തിന്റെ അളവ് യാഥാര്‍ത്ഥ്യവുമായി യാതൊരു ബന്ധവുമില്ലാത്തതാണെന്ന് വിദഗ്ധര്‍ ചൂണ്ടിക്കാണിക്കുന്നു. ചാര്‍ ധാം സര്‍ക്യൂട്ടിലും ഹിമാലയന്‍ ഹൈവേകളിലും ലക്ഷക്കണക്കിന് സഞ്ചാരികള്‍ ഉപേക്ഷിക്കുന്ന പ്ലാസ്റ്റിക് കുപ്പികളും മാലിന്യങ്ങളും എങ്ങോട്ട് പോകുന്നു എന്നതിന് കൃത്യമായ രേഖകളില്ല. ഹിമാലയന്‍ മേഖലകളിലെ ഗ്രാമങ്ങളില്‍ മാലിന്യങ്ങള്‍ ശേഖരിക്കാനോ നിരീക്ഷിക്കാനോ ഉള്ള ഔദ്യോഗിക സംവിധാനമില്ലാത്തതിനാല്‍ ഷിംല, മണാലി, നൈനിറ്റാള്‍ തുടങ്ങിയ ഇടങ്ങളിലെ റോഡരികുകളിലും വനങ്ങളിലും കൊക്കകളിലും മാലിന്യം തള്ളുന്നത് തുടരുകയാണ്. മഴക്കാലത്ത് ഇവ നേരിട്ട് നദികളിലേക്കും കുടിവെള്ള സ്രോതസ്സുകളിലേക്കും ഒഴുകിയെത്തുന്നത് ഗുരുതരമായ പാരിസ്ഥിതിക ആഘാതം സൃഷ്ടിക്കുന്നു. പ്ലാസ്റ്റിക് മലിനീകരണം തടയാന്‍ ഡ്രോണുകളും സാറ്റലൈറ്റ് മാപ്പിംഗും ഉപയോഗിച്ച് മാലിന്യ നിക്ഷേപങ്ങള്‍ കണ്ടെത്തണമെന്നും ടൂറിസം മേഖലകളില്‍ കര്‍ശന നിയന്ത്രണം വേണമെന്നും വിദഗ്ധര്‍ ആവശ്യപ്പെടുന്നു. അധികൃതരുടെ ഭാഗത്തുനിന്നും കൃത്യമായ പരിശോധനകളും കര്‍ശന നടപടികളും ഉണ്ടായില്ലെങ്കില്‍ വരുംതലമുറ നേരിടേണ്ടി വരുന്നത് അതിഭീകരമായ ദുരന്തമായിരിക്കുമെന്നും അവര്‍ മുന്നറിയിപ്പ് നല്‍കുന്നു.

' അത്ഭുതദ്വീപില്‍ അഭിനയിച്ച പ്രിയ കലാകാരന്‍' ; ഇസ്മയിലിന് ആദരാഞ്ജലികള്‍ അര്‍പ്പിച്ച് വിനയന്‍

Wed, 20 May 2026 08:17:17 +0000

വാഹനാപകടത്തില്‍ മരണപ്പെട്ട നടന്‍ ഇസ്മയിലിന് ആദരാഞ്ജലികള്‍ അര്‍പ്പിച്ച് സംവിധായകന്‍ വിനയന്‍. വിനയന്‍ സംവിധാനം ചെയ്ത അത്ഭുതദ്വീപ് എന്ന സിനിമയില്‍ ഇസ്മയില്‍ അഭിനയിച്ചിട്ടുണ്ട്. ''അത്ഭുതദ്വീപില്‍ അഭിനയിച്ച പ്രിയ കലാകാരന്‍ ഇസ്മയില്‍ വാഹനാപകടത്തില്‍ അന്തരിച്ചു.ആദരാഞ്ജലികള്‍'', വിനയന്‍ ഫേസ്ബുക്കില്‍ കുറിച്ചു. റോഡരികിലൂടെ നടന്നുപോവുകയായിരുന്ന ഇസ്മയിലിനെയും സുഹൃത്തിനെയും കണ്ണവത്ത് വച്ച് കാര്‍ ഇടിച്ചു തെറിപ്പിക്കുകയായിരുന്നു. ഉടന്‍ തന്നെ സമീപത്തെ ആശുപത്രയില്‍ എത്തിച്ചെങ്കിലും രക്ഷിക്കാനായില്ല. അത്ഭുതദ്വീപിന് പുറമെ മറ്റ് നിരവധി സിനിമകളിലും ഇസ്മയില്‍ അഭിനയിച്ചിട്ടുണ്ട്.

മന്ത്രിമാരുടെ വകുപ്പുകളില്‍ വ്യക്തത: ഫിഷറീസ് ലീഗിന് തന്നെ; ലിസ്റ്റ് ഗവര്‍ണര്‍ക്ക് കൈമാറി

Wed, 20 May 2026 08:14:48 +0000

തിരുവനന്തപുരം: പുതിയ യു.ഡി.എഫ് സര്‍ക്കാരിലെ മന്ത്രിമാരുടെ വകുപ്പുകള്‍ മാറ്റുമെന്ന അഭ്യൂഹങ്ങള്‍ തള്ളി മുഖ്യമന്ത്രി വി.ഡി. സതീശന്‍. മന്ത്രിമാരുടെ വകുപ്പ് വിഭജനം പൂര്‍ത്തിയാക്കി മുഖ്യമന്ത്രി ഗവര്‍ണര്‍ക്ക് അന്തിമ പട്ടിക സമര്‍പ്പിച്ചു. ഏറെ ചര്‍ച്ച ചെയ്യപ്പെട്ട ഫിഷറീസ് വകുപ്പ് മുസ്ലിം ലീഗില്‍ തന്നെ നിലനിര്‍ത്തിയിട്ടുണ്ട്. സത്യപ്രതിജ്ഞ നടന്ന ദിവസം രാത്രി തന്നെ വകുപ്പുകളുടെ കാര്യത്തില്‍ അന്തിമ തീരുമാനമായിരുന്നുവെന്നും, ഗവര്‍ണര്‍ തിരുവനന്തപുരത്ത് ഇല്ലാതിരുന്നതിനാലാണ് പട്ടിക കൈമാറാന്‍ ഇന്നു രാവിലെ വരെ കാത്തിരുന്നതെന്നും മുഖ്യമന്ത്രി വാര്‍ത്താസമ്മേളനത്തില്‍ വ്യക്തമാക്കി. മാത്യു കുഴല്‍നാടനെ മന്ത്രിസഭയില്‍ ഉള്‍പ്പെടുത്താത്തതിനെതിരെ മൂവാറ്റുപുഴയില്‍ പരസ്യ പ്രതിഷേധം ഉയര്‍ന്നു. കഴിഞ്ഞ പിണറായി സര്‍ക്കാരിനെതിരെ നിരവധി അഴിമതി ആരോപണങ്ങളും ശക്തമായ രാഷ്ട്രീയ പോരാട്ടങ്ങളും നയിച്ച കുഴല്‍നാടനെ മന്ത്രിസ്ഥാനത്ത് നിന്ന് ഒഴിവാക്കിയത് കടുത്ത അനീതിയാണെന്ന് ചൂണ്ടിക്കാട്ടി കമ്മിറ്റി പ്രമേയം പാസാക്കുകയും ചെയ്തു. കെ. മുരളീധരന്‍ ആരോഗ്യം, ദേവസ്വം, വി.ഇ. അബ്ദുള്‍ ഗഫൂര്‍ ഫിഷറീസ്, അനില്‍ കുമാര്‍ റവന്യൂ, സണ്ണി ജോസഫ് വൈദ്യുതി, പി.കെ. ബഷീര്‍ പൊതുമരാമത്ത്, കെ.എം. ഷാജി തദ്ദേശസ്വയംഭരണം, ബിന്ദു കൃഷ്ണ തൊഴില്‍, പി.സി. വിഷ്ണുനാഥ് ടൂറിസം, സാംസ്‌കാരികം, സിനിമ , എം. ലിജു സഹകരണം, എക്‌സൈസ് എന്‍. ഷംസുദീന്‍ പൊതുവിദ്യാഭ്യാസം, ന്യൂനപക്ഷ ക്ഷേമം, ഹജ്ജ്, ടി. സിദ്ദിഖ് കൃഷി സി.പി. ജോണ്‍ ഗതാഗതം, അനൂപ് ജേക്കബ് സിവില്‍ സപ്ലൈസ് തുളസി പിന്നാക്ക ക്ഷേമം ഒ.ജെ. ജനീഷ് യുവജന ക്ഷേമം

സി.പി.എം പിന്തുണ പിന്‍വലിക്കില്ല; സഖ്യത്തിലേക്ക് എ.ഐ.എ.ഡി.എം.കെ വിഭാഗത്തെ സ്വാഗതം ചെയ്ത് ടി.വി.കെ

Wed, 20 May 2026 07:59:12 +0000

ചെന്നൈ: എ.ഐ.എ.ഡി.എം.കെ (അണ്ണാ ഡി.എം.കെ)യെ സഖ്യത്തിലേക്ക് സ്വാഗതം ചെയ്തത് കൊണ്ട് വിജയ് യ്ക്കുള്ള പിന്തുണ സിപിഐഎം പിന്‍വലിക്കില്ലെന്ന് ടിവികെ. സഖ്യത്തിലേക്ക് എ.ഐ.എ.ഡി.എം.കെ യെയോ അതിന്റെ ഏതെങ്കിലും വിഭാഗങ്ങളെയോ ചേര്‍ത്താല്‍ പിന്തുണ പിന്‍വലിക്കുമെന്ന വാര്‍ത്തകള്‍ തമിഴ്നാട്ടിലെ ഭരണകക്ഷിയായ ടി.വി.കെ തള്ളി. ഭരണത്തില്‍ പങ്കാളികളാകാന്‍ സി.പി.എമ്മിനും വി.സി.കെ ഉള്‍പ്പെടെയുള്ള മറ്റ് മൂന്ന് സഖ്യകക്ഷികള്‍ക്കും നല്‍കിയ ക്ഷണം ടി.വി.കെ നേതാവ് ആദവ് അര്‍ജുന വീണ്ടും ആവര്‍ത്തിച്ചു. തിരഞ്ഞെടുപ്പ് ഫലം വന്നതിന് പിന്നാലെ രാഷ്ട്രീയ നാടകങ്ങള്‍ക്കൊടുവിലാണ് വി.സി.കെ സര്‍ക്കാരിന് പിന്തുണ പ്രഖ്യാപിച്ചിരുന്നത്. എന്നാല്‍, മന്ത്രിസഭാ വികസനത്തിന്റെ കൂടുതല്‍ വിവരങ്ങള്‍ വെളിപ്പെടുത്താന്‍ തയ്യാറാകാതിരുന്ന അര്‍ജുന, പാര്‍ട്ടി അധ്യക്ഷന്‍ വിജയ് ഇത് സംബന്ധിച്ച ഔദ്യോഗിക പ്രഖ്യാപനം ഉടന്‍ നടത്തുമെന്ന് മാധ്യമപ്രവര്‍ത്തകരെ അറിയിച്ചു. അഞ്ച് സീറ്റുകളുള്ള ടി.വി.കെയുടെ ഏറ്റവും വലിയ സഖ്യകക്ഷിയായ കോണ്‍ഗ്രസ് ഭരണത്തില്‍ പങ്കാളിയാകുമെന്ന് പൊതുമരാമത്ത്-കായിക വകുപ്പ് മന്ത്രി കൂടിയായ ആദവ് അര്‍ജുന സ്ഥിരീകരിച്ചു. എന്നാല്‍ സി.പി.എം, വി.സി.കെ, സി.പി.ഐ, ഇന്ത്യന്‍ യൂണിയന്‍ മുസ്ലിം ലീഗ് (ഐ.യു.എം.എല്‍) എന്നീ പാര്‍ട്ടികള്‍ (ആകെ 8 സീറ്റുകള്‍) നിലവില്‍ സര്‍ക്കാരിന് പുറത്തുനിന്നുള്ള പിന്തുണയാണ് നല്‍കുന്നത്. വി.സി.കെ അധ്യക്ഷന്‍ തോല്‍ തിരുമാവളവനെ പേരെടുത്ത് പരാമര്‍ശിച്ചുകൊണ്ട്, സഖ്യകക്ഷികളെല്ലാം ഭരണത്തില്‍ പങ്കാളികളാകണമെന്നത് മുഖ്യമന്ത്രി വിജയന്റെ ആഗ്രഹവും സ്വപ്നവുമാണെന്ന് അദ്ദേഹം കൂട്ടിച്ചേര്‍ത്തു. ടി.വി.കെ എപ്പോഴും സാമൂഹിക നീതിക്ക് ഒപ്പമേ നില്‍ക്കൂ എന്ന് വ്യക്തമാക്കിയ അര്‍ജുന, ഏപ്രില്‍ 23-ന് നടന്ന തിരഞ്ഞെടുപ്പിലെ ജനവിധി അട്ടിമറിക്കാന്‍ ഡി.എം.കെയിലെ ഒരു വിഭാഗവും എ.ഐ.എ.ഡി.എം.കെ തലവന്‍ എടപ്പാടി കെ. പളനിസ്വാമിയും ചേര്‍ന്ന് സഖ്യമുണ്ടാക്കാന്‍ ശ്രമിച്ചതായി ആരോപിച്ചു. തമിഴ്നാട്ടിലെ 234 സീറ്റുകളില്‍ 108 എണ്ണത്തിലും വിജയിച്ച് ഏറ്റവും വലിയ ഒറ്റക്കക്ഷിയായെങ്കിലും കേവലഭൂരിപക്ഷത്തിന് 10 സീറ്റുകള്‍ കുറവായിരുന്നു ടി.വി.കെയ്ക്ക്. കഴിഞ്ഞ 62 വര്‍ഷമായി തമിഴക രാഷ്ട്രീയം ഭരിച്ചിരുന്ന ഡി.എം.കെയും എ.ഐ.എ.ഡി.എം.കെയും തമ്മില്‍ അസാധ്യമായ ഒരു സഖ്യത്തിന് വരെ ഈ സാഹചര്യം വഴിവെച്ചിരുന്നു. എന്നാല്‍ ഒടുവില്‍ കോണ്‍ഗ്രസ്, വി.സി.കെ, ഇടതുപക്ഷ പാര്‍ട്ടികള്‍, ലീഗ് എന്നിവരുടെ പിന്തുണയോടെ വിജയ് അധികാരം ഉറപ്പിക്കുകയും ജെ. ജയലളിതയ്ക്ക് ശേഷം തമിഴ്നാടിന്റെ ഭരണത്തലവനാകുന്ന ആദ്യ സിനിമാതാരമായി വിജയ് മാറി. നിലവില്‍ ഭൂരിപക്ഷത്തേക്കാള്‍ വെറും രണ്ട് സീറ്റുകള്‍ മാത്രമാണ് സര്‍ക്കാരിന് അധികമുള്ളത്.

' അച്ഛന്‍ എപ്പോഴും എന്റെ കൂടെയുണ്ടെന്ന് എനിക്കറിയാം' ; കൊല്ലം സുധിയുടെ പിറന്നാള്‍ ദിനത്തില്‍ കുറിപ്പുമായി കിച്ചു

Wed, 20 May 2026 07:49:45 +0000

മലയാളികള്‍ക്ക് ഏറെ പ്രിയപ്പെട്ട മിമിക്രി കലാകാരനും നടനുമായിരുന്നു കൊല്ലം സുധി. മൂന്ന് വര്‍ഷം മുമ്പാണ് ഒരു കാര്‍ അപകടത്തില്‍ താരം മരണപ്പെട്ടത്. ഇപ്പോഴിതാ സുധിയുടെ നാല്‍പ്പത്തിയേഴാം പിറന്നാള്‍ ദിനത്തില്‍ ഹൃദയസ്പര്‍ശിയായ കുറിപ്പ് പങ്കുവച്ചിരിക്കുകയാണ് മകന്‍ കിച്ചു. സുധി ജീവിച്ചിരുന്നപ്പോള്‍ അവസാനമായി ആഘോഷിച്ച ജന്മദിനത്തിന്റെ വീഡിയോയും ചിത്രങ്ങളും പങ്കുവച്ചാണ് കിച്ചുവിന്റെ ആശംസ. ' പിറന്നാള്‍ ആശംസകള്‍ അച്ഛാ... നിങ്ങള്‍ എപ്പോഴും എന്റെ കൂടെയുണ്ടെന്ന് എനിക്കറിയാം...' എന്നാണ് കിച്ചു കുറിച്ചത്.

View this post on Instagram

A post shared by ʀᴀʜᴜʟ ᴅᴀꜱ (@kichu_r_d)

കൊല്ലം സുധിയുടെ ആദ്യത്തെ വിവാഹത്തിലുളള മകനാണ് കിച്ചു. പിന്നീടാണ് രേണുവിനെ സുധി കല്യാണം കഴിക്കുന്നത്. സമൂഹമാധ്യമങ്ങളിലെ വൈറല്‍ താരമാണ് ഇപ്പോള്‍ രേണു.

നരേന്ദ്ര മോദിക്ക് വംശീയ ആക്ഷേപം ; 'പാമ്പാട്ടി'യായി ചിത്രീകരിച്ചു നോര്‍വീജിയന്‍ പത്രം; വന്‍ പ്രതിഷേധം

Wed, 20 May 2026 07:45:02 +0000

ന്യൂഡല്‍ഹി: പ്രധാനമന്ത്രി നരേന്ദ്ര മോദിയെ പാമ്പാട്ടിയായി ചിത്രീകരിച്ച് കാര്‍ട്ടൂണ്‍ പ്രസിദ്ധീകരിച്ച നോര്‍വേയിലെ പ്രമുഖ പത്രം ഇന്ത്യാക്കാരുടെ പ്രതിഷേധം വിളിച്ചുവരുത്തുന്നു. നടപടി നയതന്ത്ര തര്‍ക്കങ്ങള്‍ക്കും വലിയ രീതിയിലുള്ള സാംസ്‌കാരിക പ്രതിഷേധങ്ങള്‍ക്കും വഴിവെച്ചിരിക്കുകയാണ്. നോര്‍വേയിലെ ഏറ്റവും വലിയ അച്ചടി മാധ്യമമായ 'ആഫ്റ്റന്‍പോസ്റ്റന്‍' പ്രസിദ്ധീകരിച്ച കാര്‍ട്ടൂണ്‍ അങ്ങേയറ്റം അപകീര്‍ത്തികരവും പഴയ കൊളോണിയല്‍ ചിന്താഗതികളുടെ പ്രതിഫലനവുമാണെന്ന് കടുത്ത വിമര്‍ശനം ഉയര്‍ന്നിട്ടുണ്ട്. ഇന്ധനവില വര്‍ധനവിനെ സൂചിപ്പിച്ചുകൊണ്ട്, ഒരു പെട്രോള്‍ പമ്പിന്റെ നോസില്‍ രൂപത്തിലുള്ള പാമ്പിനെ മയക്കാന്‍ പ്രധാനമന്ത്രി മകുടിയൂതുന്ന രീതിയിലാണ് കാര്‍ട്ടൂണ്‍. നോര്‍വീജിയന്‍ ഭാഷയിലുള്ള ഒരു നിരീക്ഷണ ലേഖനത്തിനൊപ്പമാണ് ഈ ചിത്രം നല്‍കിയിരുന്നത്. ആ ലേഖനത്തിന്റെ തലക്കെട്ടിന്റെ പരിഭാഷ 'ബുദ്ധിമാനും എന്നാല്‍ അല്പം അലോസരപ്പെടുത്തുന്നവനുമായ മനുഷ്യന്‍' എന്നാണ്. ഈ വിവാദത്തില്‍ പ്രധാനമന്ത്രിയുടെ ഓഫീസോ ഇന്ത്യന്‍ സര്‍ക്കാരോ ഇതുവരെ ഔദ്യോഗികമായി പ്രതികരിച്ചിട്ടില്ല. നേരത്തെ 2022 ഒക്ടോബറിലും സ്പാനിഷ് പത്രമായ 'ലാ വാന്‍ഗാര്‍ഡിയ' ഇന്ത്യയുടെ സാമ്പത്തിക വളര്‍ച്ചയെക്കുറിച്ച് ചര്‍ച്ച ചെയ്യുമ്പോള്‍ സമാനമായ രീതിയില്‍ പാമ്പാട്ടിയുടെ പ്രതീകം ഉപയോഗിച്ച് വിവാദം സൃഷ്ടിച്ചിരുന്നു. സാമൂഹിക മാധ്യമമായ എക്‌സില്‍ ഈ കാര്‍ട്ടൂണിനെതിരെ വലിയ പ്രതിഷേധമാണ് ഉയരുന്നത്. വിദേശികള്‍ ഇന്ത്യയെ 'പാമ്പാട്ടികളുടെ നാട്' എന്ന് വിശേഷിപ്പിച്ചിരുന്നതിനെക്കുറിച്ച് 2014-ല്‍ ന്യൂയോര്‍ക്കിലെ മാഡിസണ്‍ സ്‌ക്വയര്‍ ഗാര്‍ഡനില്‍ വെച്ച് പ്രധാനമന്ത്രി നടത്തിയ പ്രസംഗം ഓര്‍മ്മിപ്പിച്ചുകൊണ്ട് പലരും രംഗത്തെത്തി. അന്ന് അദ്ദേഹം പറഞ്ഞത്, ഒരിക്കല്‍ പാമ്പാട്ടികളുമായി ബന്ധപ്പെടുത്തിയിരുന്ന ഇന്ത്യ ഇന്ന് കമ്പ്യൂട്ടര്‍ മൗസുകള്‍ ചലിപ്പിക്കുന്ന 'മൗസ് ചാര്‍മര്‍മാരുടെ' രാജ്യമായി മാറിയിരിക്കുന്നു എന്നാണ്. 'ഇത് അംഗീകരിക്കാനാകില്ല! ആവിഷ്‌കാര സ്വാതന്ത്ര്യം മറ്റുള്ളവരെ അപമാനിക്കാനുള്ളതല്ല...' എന്ന് ഒരു ഉപയോക്താവ് കുറിച്ചപ്പോള്‍, 'ലോകത്തിലെ ഏറ്റവും മികച്ച മാധ്യമ സ്വാതന്ത്ര്യമുണ്ടെന്ന് അവകാശപ്പെടുന്ന നോര്‍വേ ഇപ്പോഴും പത്തൊമ്പതാം നൂറ്റാണ്ടിലെ കൊളോണിയല്‍ ചിന്താഗതിയിലാണ് ജീവിക്കുന്നത്. ലോകത്തെ മുഴുവന്‍ ഇന്ത്യയുടെ താളത്തിനൊത്ത് തുള്ളിച്ച നേതാവാണ് പ്രധാനമന്ത്രി മോദി. ഇന്ത്യയുടെ വളര്‍ച്ച അവര്‍ക്ക് ദഹിക്കുന്നില്ല,' എന്ന് മറ്റൊരാള്‍ വിമര്‍ശിച്ചു. പ്രതിഷേധങ്ങളെ ചോദ്യം ചെയ്ത് ഒരു വിഭാഗം ആളുകളും രംഗത്തെത്തിയിട്ടുണ്ട്. കേന്ദ്രസര്‍ക്കാരിനോട് കടുത്ത ചോദ്യങ്ങള്‍ ചോദിക്കുകയാണ് നിങ്ങളുടെ ജോലി. അതിന് ധൈര്യമില്ലാത്തതുകൊണ്ട് വിദേശ മാധ്യമങ്ങള്‍ അത് ചെയ്യുമ്പോള്‍ നിങ്ങള്‍ എന്തിനാണ് കരയുന്നത്?' എന്ന് ചിലര്‍ ചോദിച്ചു. നേരത്തെ, നോര്‍വീജിയന്‍ പ്രധാനമന്ത്രി ജോനാസ് ഗഹര്‍ സ്റ്റോറുമായി നടത്തിയ സംയുക്ത വാര്‍ത്താ സമ്മേളനത്തില്‍ പ്രധാനമന്ത്രി മോദി എന്തുകൊണ്ടാണ് മാധ്യമങ്ങളുടെ ചോദ്യങ്ങള്‍ക്ക് മറുപടി നല്‍കാത്തത് എന്ന് നോര്‍വീജിയന്‍ പത്രപ്രവര്‍ത്തകയായ ഹെല്ലെ ലിംഗ് ചോദ്യം ചെയ്തിരുന്നു. ഇതിന് പിന്നാലെയാണ് പുതിയ കാര്‍ട്ടൂണ്‍ വിവാദവും ഉണ്ടായിരിക്കുന്നത്.

കാസർഗോഡ് പെരിയ ഇരട്ടകൊലപാതക കേസ് പ്രതികൾക്ക്‌ വീണ്ടും പരോൾ

Wed, 20 May 2026 07:39:44 +0000

കാസർഗോഡ് പെരിയ ഇരട്ടകൊലപാതക കേസ് പ്രതികൾക്ക്‌ വീണ്ടും പരോൾ. ഒന്നാം പ്രതി പീതാംബരൻ ഉൾപ്പടെ അഞ്ച് പ്രതികൾക്കാണ് പരോൾ അനുവദിച്ചത്. ഹൈക്കോടതി ഉത്തരവ് പ്രകാരമുള്ള പരോളെന്ന് ജയിൽ അധികൃതർ പറഞ്ഞു. ഒന്നാംപ്രതി പീതാംബരൻ, നാലാം പ്രതി അനിൽ, അഞ്ചാംപ്രതി ഗിജിൻ, ഏഴാം പ്രതി അശ്വിൻ, പതിനഞ്ചാം പ്രതി സുരേന്ദ്രൻ എന്നിവർക്കാണ് പരോൾ അനുവദിച്ചത്. ഇവർ അഞ്ച് പേരും കണ്ണൂർ സെൻട്രൽ ജയിലിലായിരുന്നു ഉണ്ടായിരുന്നത്. എൽഡിഎഫ് സർക്കാർ അധികാരം ഒഴിയും മുമ്പ് ഇരുപത് ദിവസത്തേയ്ക്ക് പരോൾ അനുവദിച്ചിരുന്നു. കണ്ണൂർ സെൻട്രൽ ജയിലിൽ കഴിയുകയായിരുന്ന ഇവർ നാട്ടിലെത്തി. ഇത് മൂന്നാം തവണയാണ് പീതാംബരന് പരോൾ ലഭിക്കുന്നത്. നേരത്തെ കേസിൽ വിചാരണ പൂർത്തിയാക്കി ശിക്ഷിക്കപ്പെട്ട് ആറുമാസത്തിനുള്ളിൽ തന്നെ പ്രതികൾക്ക് പരോൾ ലഭിച്ചിരുന്നു. മുൻപ് ബേക്കൽ പൊലീസ് സ്റ്റേഷൻ പരിധിയിൽ പ്രവേശിക്കുന്നതിന് വിലക്കുണ്ടായിരുന്നെങ്കിൽ ഇത്തവണ പരോൾ വ്യവസ്ഥയിൽ അതില്ല. അതേസമയം, പ്രതികൾ നാട്ടിലെത്തിയാൽ സംഘർഷ സാധ്യതയുണ്ടാകുമെന്ന പൊലീസ് റിപ്പോർട്ട് അവഗണിച്ച് ജയിൽ ഉപദേശക സമിതി പ്രതികൾക്ക് അനുകൂലമായി റിപ്പോർട്ട് നൽകി എന്ന ആക്ഷേപവും ഇതിനകം ഉയർന്നിട്ടുണ്ട്.

വേറിട്ട പ്രമേയം. ശക്തമായ അവതരണം. എസ് എസ് ജിഷ്‌ണുദേവിൻ്റെ സുധിപുരാണം ഒടിടിയിൽ ട്രെൻഡിംഗ്

Wed, 20 May 2026 07:29:30 +0000

എസ് എസ് ജിഷ്ണു ദേവ് തിരക്കഥ എഴുതി സംവിധാനം നിർവഹിച്ച "സുധിപുരാണം" എന്ന സിനിമ എ ബി സി ടാക്കീസ് (ABC talkies) ഒ ടി ടി പ്ലാറ്റ്ഫോമിലൂടെ റിലീസ് ആയിരിക്കുകയാണ്. എഫ് ജി എഫ് എം (ഫെഡറേഷൻ ഓഫ് ഗ്ലോബൽ ഫിലിം മേക്കേഴ്സ്) ബാനറിൽ ആദ്യമായി പുറത്തിറങ്ങുന്ന സിനിമയാണ് സുധിപുരാണം.കോമഡി സറ്റയർ വിഭാഗത്തിൽ ഉൾപെടുത്താവുന്ന ഈ സിനിമയിൽ അഭിഷേക് ശ്രീകുമാർ നായകനായി എത്തുമ്പോൾ എഫ് ജി എഫ് എം സംഘടനയുടെ ഭാഗമായി പ്രവർത്തിക്കുന്ന നിരവധി അഭിനേതാക്കക്കൾ അണിനിരക്കുന്നു. സൈലൻ തിമതിയോസ്, ഷീല സൈലൻ, അനിൽ വേട്ടമുക്ക്, അനിത അനിൽ, വരദ, രാജൻ ഉമ്മനൂർ , ബിജി ജോയ്, വിനീത് കോട്ടയം, ബാബു ശാന്തിവിള, അഡ്വ ജോയ് തോമസ് , വസന്തകുമാരി , വിബിൽ രാജ്, ശിവാത്മിക, ഗാമി, അക്ഷയ് , സിദ്ദിഖ് കുഴൽമന്നം, ബാബു സ്റ്റീഫൻ , വിൽഫ്രഡ് എന്നിവർക്കൊപ്പം പാരനോർമൽ പ്രൊജക്റ്റ്, റോട്ടൻ സൊസൈറ്റി എന്നീ സിനിമകളിലൂടെ പ്രസിദ്ധരായ പ്രിൻസ് ജോൺസൺ, രമേശ് ആറ്റുകാൽ, അരുൺ എന്നിവരും പ്രധാന വേഷങ്ങളിൽ എത്തിച്ചേരുന്നു. സിനിമാ സംവിധാനം എന്ന ആഗ്രഹത്തിൽ നടക്കുന്ന സുധീഷ് രവീന്ദ്രൻ എന്ന ചെറുപ്പക്കാരൻ അവന്റെ കഴിവിനേക്കാൾ അന്ധമായ ചില വിശ്വാസങ്ങളിൽ അകപ്പെടുന്നു. എത്രയും വേഗം പ്രസിദ്ധനാകണം എന്ന ആഗ്രഹത്തിൽ ഒരു മന്ത്രവാദിയുടെ സഹായത്തോടെ ചാത്തന്റെ പ്രതിമ സ്വന്തമാക്കുന്നതും തുടർന്ന് അവന്റെ ജീവിതത്തിൽ സംഭവിക്കുന്ന രസകരമായ മാറ്റങ്ങളുമാണ് സിനിമയുടെ ഇതിവൃത്തം. അന്ധവിശ്വാസങ്ങളെ ശക്തമായി വിമർശിക്കുന്ന ഒരു സിനിമ കൂടിയാണ് സുധിപുരാണം. ഈ സിനിമ എ ബി സി ടാക്കീസിൽ 5-ൽ 4.2 ക്യുറേറ്റർ റേറ്റിങ്ങോടെ ഇപ്പോൾ ട്രെൻഡിങ് ആണ്. സിനിമയുടെ ഛായാഗ്രഹണം കൈകാര്യം ചെയ്യുന്നത് ദിപിൻ എ വി യാണ്. ദേവസംഗീത് ആണ് പശ്ചാത്തല സംഗീതം ഒരുക്കിയത് . സിനിമയുടെ എഡിറ്റിങ് നിർവഹിച്ചിരിക്കുന്നത് സംവിധായകനായ എസ് എസ് ജിഷ്ണു ദേവ് തന്നെയാണ്. പബ്ലിസിറ്റി ഡിസൈൻ പ്രജിൻ ഡിസൈൻസ്, പി ആർ ഓ അജയ് തുണ്ടത്തിൽ.

ഡാളസിൽ എസ്സൻസ് ഫെസ്റ്റ് യുഎസ്എ '26 മെയ് 30-ന്; ശാസ്ത്ര-സ്വതന്ത്രചിന്താ സെമിനാറിനായി ഒരുക്കങ്ങൾ പൂർത്തിയായി

Wed, 20 May 2026 07:25:55 +0000

ഡാളസ്: യുണൈറ്റഡ് സ്റ്റേറ്റ്സിലെ പ്രവാസി മലയാളി സ്വതന്ത്രചിന്തകരുടെ കൂട്ടായ്മയായ 'എസ്സൻസ് ഗ്ലോബൽ' സംഘടിപ്പിക്കുന്ന ശാസ്ത്ര-സ്വതന്ത്രചിന്താ സെമിനാർ "എസ്സൻസ് ഫെസ്റ്റ് യുഎസ്എ '26" മെയ് 30 ശനിയാഴ്ച ഡാളസിൽ വെച്ച് നടക്കും. ഗാർലന്റിലെ കേരള അസോസിയേഷൻ ഓഫ് ഡാളസ് ഹാളാണ് (3821 Broadway Blvd, Garland, TX 75043) ഈ വിജ്ഞാനോത്സവത്തിന് വേദിയാകുന്നത്. കേരളത്തിലെയും വിദേശത്തെയും പ്രമുഖ സ്വതന്ത്രചിന്തകരും പ്രഭാഷകരും പങ്കെടുക്കുന്ന വിപുലമായ പരിപാടികളാണ് സെമിനാറിന്റെ ഭാഗമായി ക്രമീകരിച്ചിരിക്കുന്നത്.സെമിനാറിലെ ഏറ്റവും പ്രധാനപ്പെട്ട ആകർഷണം 'പ്രാർത്ഥന ഫലിക്കുമോ?' എന്ന വിഷയത്തിൽ നടക്കുന്ന സംവാദമാണ്. പ്രമുഖ സ്വതന്ത്രചിന്തകൻ ജെയിംസ് കുരീക്കാട്ടിലും, പ്രശസ്ത ക്രൈസ്തവ പ്രഭാഷകൻ പാസ്റ്റർ ഷിബു പീടിയേക്കലും തമ്മിലാണ് ഈ വിഷയത്തിൽ സംവദിക്കുന്നത്. പ്രശസ്ത നടനും എഴുത്തുകാരനുമായ തമ്പി ആന്റണി വിശ്വാസം വിദ്വേഷമാകുമ്പോൾ:ഈ വിഷയത്തിൽ സംസാരിക്കും. തീവ്രവാദ ആക്രമണത്തിന് ഇരയായിട്ടും തന്റെ നിലപാടുകളിൽ ഉറച്ചുനിന്ന പ്രമുഖ വ്യക്തിത്വവും അധ്യാപകനുമായ പ്രൊഫ. ടി. ജെ. ജോസഫ് ചടങ്ങിൽ മുഖ്യാതിഥിയായി പങ്കെടുക്കുകയും സംസാരിക്കുകയും ചെയ്യും. ശാസ്ത്രീയ മനോവൃത്തിയും യുക്തിചിന്തയും സമൂഹത്തിൽ വളർത്തുക എന്ന ലക്ഷ്യത്തോടെയാണ് എസ്സൻസ് ഗ്ലോബൽ ഈ സെമിനാർ സംഘടിപ്പിക്കുന്നത്. അമേരിക്കയുടെ വിവിധ ഭാഗങ്ങളിൽ നിന്നുള്ള മലയാളി പ്രവാസികൾ പരിപാടിയിൽ പങ്കെടുക്കാൻ എത്തുമെന്നാണ് സംഘാടകർ പ്രതീക്ഷിക്കുന്നത്. പരിപാടിയിൽ പങ്കെടുക്കാൻ താല്പര്യമുള്ളവർക്കായി ക്യുആർ കോഡ് (QR Code) വഴിയുള്ള രജിസ്ട്രേഷൻ സൗകര്യം ഒരുക്കിയിട്ടുണ്ട്. കൂടുതൽ വിവരങ്ങൾക്ക് താഴെ പറയുന്ന നമ്പറുകളിൽ ബന്ധപ്പെടാവുന്നതാണ്: പി പി ചെറിയാൻ

ഐസിസി വെനെസ്‌ഡേ ഫിയസ്റ്റയിൽ ‘ലാലിസം’ ജനസാഗരമായി

Wed, 20 May 2026 07:24:38 +0000

ദോഹ: ഇന്ത്യൻ കൾച്ചറൽ സെന്ററും മോഹൻലാൽ ഫാൻസ്‌ അസോസിയേഷനും സംയുക്തമായി സംഘടിപ്പിച്ച 'ലാലിസം' ഐ സി സി പ്രതിവാരകലാവിരുന്നായ വെനെസ്‌ഡേഫിയസ്റ്റ ആവേശക്കടലായി. ഐ സി സി അശോകഹാളിൽ നടന്ന പരിപാടിക്ക് നാന്ദികുറിച്ചുകൊണ്ടുനടന്ന ഔദ്യോഗിക ചടങ്ങിൽ ഐസിസി പ്രസിഡന്റ് എ.പി മണികണ്ഠൻ,ഐ സി സി ജനറൽ സെക്രട്ടറി എബ്രഹാം ജോസഫ് എന്നിവരും ദോഹയിലെ കലാസാംസ്കാരിക പ്രമുഖരും സാന്നിധ്യംവഹിച്ചു. ലാലേട്ടന്റെ സിനിമയിലെ വിസ്മയങ്ങൾ കോർത്തിണക്കി ദോഹയിലെ കലാകാരന്മാരും ഫാൻസ് അംഗങ്ങളും വേദിയിൽ തകർത്താടി. കാണികൾ ഓരോ പാട്ടിനൊപ്പവും ചുവടുവെച്ചും കൈയടിച്ചും പാടിയും ആവേശം വാനോളമുയർത്തി. ലാലേട്ടന്റെ മാസ് ഡയലോഗുകൾ അലയടിച്ചപ്പോൾ സദസ്സിൽ ആരവമുയർന്നു.പ്രിയതാരത്തിന്റെ ജന്മദിനാഘോഷത്തിന്റെ ഭാഗമായി കൂറ്റൻ കേക്ക് മുറിച്ച് മധുരം പങ്കുവച്ചപ്പോൾ ഹാളിൽ ഉയർന്ന ‘ലാലേട്ടൻ’ വിളികൾ പ്രവാസക്കരയിലെ ആരാധകരുടെ അടങ്ങാത്ത സ്നേഹത്തിന്റെ അടയാളമായി. അന്താരാഷ്ട്ര നഴ്സസ് ദിനത്തിന്റെ ഭാഗമായി നേഴ്സസ് അസോസിയേഷനായ ‘യൂണീഖ് ’ ഭാരവാഹികളെ ചടങ്ങിൽ ആദരിച്ചു. മോഹൻലാൽ ഫാൻസ്‌ അസോസിയേഷൻ ഖത്തർ പ്രസിഡന്റ്ദീപക്,ജനറൽ സെക്രട്ടറി അഖിൽ, അഡ്വവൈസറികൗൺസിൽ ചെയർപേഴ്സൺ മിനിബെന്നി,ഫാൻസ്‌ അസോസിയേഷൻ പ്രതിനിധികളായ വിമൽ കുമാർ, നന്ദകുമാർഎന്നിവർ ആഘോഷപരിപാടികൾക്ക് നേതൃത്വംനൽകി. അക്ബർ അലി, മഞ്ജു മനോജ്, ശാന്തി എന്നിവർഅവതാരകരായിരുന്നു. ഷഫീക്ക് അറയ്ക്കൽ

വേളംകോട് സെന്റ് മേരീസ് ഓർത്തഡോക്സ് പള്ളിയിൽ മൂറോൻ അഭിഷേക കൂദാശ മെയ് 21 മുതൽ

Wed, 20 May 2026 07:22:45 +0000

വേളംകോട്: മലബാറിലെ കുടിയേറ്റ വിശ്വാസി സമൂഹത്തിന്റെ ആത്മീയ കേന്ദ്രമായ വേളംകോട് സെന്റ് മേരീസ് ഓർത്തഡോക്സ് ദേവാലയത്തിന്റെ പുതിയ മന്ദിരത്തിന്റെ വിശുദ്ധ മൂറോൻ അഭിഷേക കൂദാശ മെയ് 21, 22, 23 (വ്യാഴം, വെള്ളി, ശനി) തീയതികളിൽ നടക്കും. മലങ്കര സഭയുടെ പരമാധ്യക്ഷൻ പരിശുദ്ധ മോറാൻ മാർ ബസേലിയോസ് മാർത്തോമ്മാ മാത്യൂസ് തൃതീയൻ കാതോലിക്കാ ബാവായുടെ മുഖ്യകാർമ്മികത്വത്തിലാണ് ചടങ്ങുകൾ നടക്കുന്നത്. മലബാർ ഭദ്രാസന മെത്രാപ്പോലീത്ത അഭി വന്ദ്യ ഗീവർഗ്ഗീസ് മാർ പക്കോമിയോസ് തിരുമേനി, മദ്രാസ് ഭദ്രാസന മെത്രാപ്പോലീത്ത അഭി വന്ദ്യ ഗീവർഗ്ഗീസ് മാർ പീലക്സിനോസ് തിരുമേനി എന്നിവർ സഹകാർമ്മികരായിരിക്കും. 1960-കളിൽ സ്ഥാപിതമായ പഴയ ചാപ്പലിന്റെ ജീർണ്ണാവസ്ഥയെത്തുടർന്ന് 2022 ഡിസംബറിലാണ് പുതിയ ദേവാലയത്തിന്റെ നിർമ്മാണ ജോലികൾ ആരംഭിച്ചത്. മൂന്ന് ദിവസങ്ങളിലായി നടക്കുന്ന ചടങ്ങുകളിൽ പുതിയ ദേവാലയത്തിന്റെ കൂദാശയ്ക്ക് പുറമെ, തിരുശേഷിപ്പ് പുനഃസ്ഥാപനം, പുതിയ പാഴ്സനേജ്, കൽക്കുരിശ്, കൊടിമരം എന്നിവയുടെ കൂദാശകളും നിർവ്വഹിക്കപ്പെടും. വിശുദ്ധ ചടങ്ങുകളിൽ എല്ലാ വിശ്വാസികളും പങ്കുചേരണമെന്ന് വികാരി ഫാ. ഷിബു വിൽസൺ, സെക്രട്ടറി ബിജു കുര്യാക്കോസ്, ട്രസ്റ്റിമാരായ സി. ജെ. പൗലോസ്, ബിനു കുര്യാക്കോസ് എന്നിവർ അറിയിച്ചു. പി. പി. ചെറിയാൻ

കനത്ത മഴ; കണ്ണൂരില്‍ ഡെങ്കിപനി പടരുന്നു, ജാഗ്രത പാലിക്കണമെന്ന് ആരോഗ്യ വകുപ്പ്

Wed, 20 May 2026 07:20:12 +0000

കണ്ണൂര്‍: മഴ കനത്തു തുടങ്ങിയതോടെ കണ്ണൂര്‍ ജില്ലയില്‍ പകര്‍ച്ചവ്യാധികളും പടരുന്നു. ഡെങ്കിപ്പനി ബാധിതരുടെ എണ്ണത്തിലും വന്‍വര്‍ധനവുണ്ടായി. 42,376 പേരാണ് പനി ബാധിച്ച് ചികിത്സ തേടിയത്. 692 പേര്‍ കിടത്തി ചികിത്സയും തേടി. നിലവില്‍ ജില്ലയില്‍ 237 ഡെങ്കി കേസുകളാണ് റിപ്പോര്‍ട്ട് ചെയ്തത്. മൂന്ന് മരണവുമുണ്ട്. ഏറ്റവും കൂടുതല്‍ ഡെങ്കി കേസുകള്‍ റിപ്പോര്‍ട്ട് ചെയ്തത് മാങ്ങാട്ടിടം പഞ്ചായത്തിലാണ്. 22 കേസുകള്‍. അഴീക്കോട്, എടക്കാട്, കുന്നോത്തു പറമ്പ് എന്നിവിടങ്ങളിലാണ് ഡെങ്കിപ്പനി മരണങ്ങള്‍ റിപ്പോര്‍ട്ട് ചെയ്തത്. കണ്ണൂര്‍ കോര്‍പ്പറേഷനില്‍ 17, ചെങ്ങളായി 12, ചപ്പാരപ്പടവ് 12, മട്ടന്നൂര്‍ നഗരസഭ 11, പിണറായി 10, വേങ്ങാട് 9, തലശേരി നഗരസഭ 8, ആറളം 8, ഉളിക്കല്‍ 7 എന്നിങ്ങനെയാണ് ജില്ലയില്‍ മറ്റു ഡെങ്കി കേസുകള്‍ റിപ്പോര്‍ട്ട് ചെയ്തത്. ഇടവിട്ടുള്ള മഴ ഡെങ്കി കേസുകള്‍ വര്‍ധിപ്പിക്കാന്‍ സാധ്യതയുണ്ട്. വീട്ടിലും പരിസരങ്ങളിലും കൊതുക് വളരുന്ന സാഹചര്യം ഇല്ലായെന്ന് ഉറപ്പ് വരുത്തണം. മാലിന്യങ്ങള്‍ ഉറവിടങ്ങളില്‍ തന്നെ നിര്‍മാര്‍ജ്ജനം ചെയ്യണം.

സ്റ്റുഡൻ്റ്സ് ഇന്ത്യ ഖത്തറിന് പുതിയ നേതൃത്വം

Wed, 20 May 2026 07:18:37 +0000

ദോഹ: ഖത്തറിലെ വിദ്യാർത്ഥി കൂട്ടായ്മയായ സ്റ്റുഡൻസ് ഇന്ത്യ ഖത്തറിൻ്റെ (എസ്.ഐ.ക്യു) 2026-2027 പ്രവർത്തന കാലയളവിലേക്കുള്ള കേന്ദ്ര ഭാരവാഹികൾ ചുമതലയേറ്റു. പ്രസിഡൻ്റായി ഫാദിൽ അൻവർ ജനറൽ സെക്രട്ടറിയായി ആദിൽ മൻസൂർ എന്നിവർ തെരഞ്ഞെടുക്കപ്പെട്ടു. അമാൻ ഷഹീൻ, റൈഹാൻ സിദ്ദീഖ് എന്നിവരാണ് വൈസ് പ്രസിഡൻ്റുമാർ. ആദം മേലേതിലാണ് ജോയിൻ സെക്രട്ടറി. വിവിധ വകുപ്പ് കൺവീനർമാരായി മുഹമ്മദ് സാക്കി (സ്‌പോർട്സ്),ഇബ്റാഹീം സഫർ (മീഡിയ), ഇർഫാൻ യാസീൻ (സർവീസ്), അയാൻ (തർബിയ),ഇഹ്സാൻ മുഹമ്മദ് (ആർട്സ്) എന്നിവരെയും തെരഞ്ഞെടുത്തു. സി.ഐ.സി ഹാളിൽ നടന്ന തെരഞ്ഞെടുപ്പ് യോഗത്തിൽ ഖത്തറിലെ വിവിധ പ്രാദേശിക യൂണിറ്റ് ഭാരവാഹികൾ പങ്കെടുത്തു. സി.ഐ.സി പ്രസിഡന്റ് ആർ.എസ് അബ്ദുൽ ജലീൽ, റിയാസ് ടി റസാഖ് എന്നിവർ വിദ്യാർത്ഥികളുമായി സംവദിച്ചു. നബീൽ പുത്തൂർ, അനസ് എടവണ്ണ എന്നിവർ ഐസ് ബ്രേക്കിങ് സെഷൻ നയിച്ചു. ഫാദിൽ അൻവർ ഖുർആൻ ക്ലാസ് നടത്തി.ഷമീം ഇസ്സുദ്ദീൻ, സാഫിർ കെ എന്നിവർ തെരഞ്ഞെടുപ്പ് നിയന്ത്രിച്ചു. ഷുക്കൂർ എ.എം, സമദ് കൊടിഞ്ഞി തുടങ്ങിയവർ നേതൃത്വം നൽകി. ഷഫീക്ക് അറയ്ക്കൽ

’ദൃശ്യം ചെയ്യില്ലെന്ന് ഉറപ്പിച്ചതാണ്, മമ്മൂക്കയാണ് നിർബന്ധിച്ചത്; അന്ന് പറഞ്ഞത് എന്ത് വിഡ്ഢിത്തമെന്ന് ഇപ്പോൾ തോന്നുന്നു’: മീന

Wed, 20 May 2026 07:12:44 +0000

ഇന്ത്യൻ സിനിമയിൽ തന്നെ ഏറ്റവും കൂടുതൽ പ്രേക്ഷകർ കാത്തിരിക്കുന്ന ചിത്രമാണ് ദൃശ്യം 3. മലയാളത്തിൽ ആദ്യം പുറത്തിറങ്ങിയ ചിത്രം പിന്നീട് നിരവധി ഭാഷകളിലാണ് റീമേയ്ക്ക് ചെയ്ത് പുറത്തിറങ്ങിയത്. ദൃശ്യം 3 യ്ക്കായുള്ള കാത്തിരിപ്പിലാണ് ആരാധകർ. മെയ് 21 നാണ് സിനിമ പുറത്തിറങ്ങുന്നത്. ഇപ്പോഴിതാ ദൃശ്യം ചെയ്യാൻ തനിക്ക് പ്ലാൻ ഇല്ലായിരുന്നുവെന്ന് പറയുകയാണ് മീന. ആദ്യഭാഗത്തിന്റെ തിരക്കഥ കേട്ടപ്പോൾ ചെയ്യുന്നില്ല എന്നായിരുന്നു തീരുമാനം എന്നും ജിത്തുവിനെ കാണും മുന്നേ മമ്മൂക്കയാണ് സിനിമയിൽ നല്ല വേഷമാണെന്നു പറഞ്ഞ് നിർബന്ധിച്ചതെന്നും മീന പറഞ്ഞു. 'ദൃശ്യം ആദ്യഭാഗത്തിൽ അഭിനയിക്കാമോ എന്ന് ചോദിച്ചപ്പോൾ ഞാൻ വേണ്ട എന്ന് പറഞ്ഞതാണ്. എന്ത് വിഢിത്തമാണ് ഞാൻ പറഞ്ഞതെന്ന് ഇപ്പോൾ തോന്നുന്നു. എന്റെ മകൾക്കപ്പോൾ രണ്ട് വയസുമാത്രമായിരുന്നു ഉണ്ടായിരുന്നത്. അവളെ വിട്ടിട്ട് വരാൻ പറ്റില്ലെന്ന് വിചാരിച്ചിട്ടാണ് അങ്ങനെ പറഞ്ഞത്. നല്ല തിരക്കഥയും കഥാപാത്രവുമൊക്കെയാണെങ്കിലും മകളെക്കുറിച്ചോർത്ത് വരാൻ പറ്റില്ലെന്ന് ആന്റണിയോട് പറ‍ഞ്ഞു.ജീത്തു എന്നെ വന്ന് കാണുന്നതിനും മുൻപ് ചിത്രത്തേക്കുറിച്ച് മമ്മൂക്ക പറഞ്ഞിരുന്നു. നല്ല കഥാപാത്രമാണ്. നിനക്ക് നന്നായി ചേരും. ജീത്തു വന്ന് കഥ പറയും എന്നൊക്കെ അദ്ദേഹം പറഞ്ഞു. പക്ഷേ എനിക്ക് അപ്പോഴും ഉറപ്പില്ലായിരുന്നു. ആ കഥാപാത്രത്തെ പരിപൂർണതയിൽ അവതരിപ്പിക്കാൻ പറ്റുമോ എന്ന ആശങ്കയുണ്ടായിരുന്നു. കുറേ ആശയക്കുഴപ്പങ്ങളുണ്ടായിരുന്നു. എങ്കിലും എനിക്കുവേണ്ടി എന്ത് സൗകര്യവും ചെയ്തുതരാമെന്ന് ആന്റണി പറഞ്ഞിരുന്നു. അങ്ങനെ ‍ഞാൻ റാണി എന്ന കഥാപാത്രത്തോട് യെസ് പറഞ്ഞു,' മീനയുടെ വാക്കുകൾ. ജോര്‍ജ്കുട്ടി എന്ന കഥാപാത്രത്തിന് നാല് വര്‍ഷത്തിന് ശേഷമുണ്ടാകുന്ന മാറ്റങ്ങളെ ആണ് മൂന്നാം ഭാഗത്തില്‍ കൊണ്ടുവരുന്നതെന്ന് ജീത്തു ജോസഫ് നേരത്തെ പറഞ്ഞിരുന്നു. ആദ്യ രണ്ട് ഭാഗങ്ങളെപ്പോലെ ഒരു ഹെവി ഇന്റലിജെന്റ് സിനിമയല്ല മൂന്നാം ഭാഗമെന്നും ജീത്തു ജോസഫ് വ്യക്തമാക്കി. ആദ്യ ഭാഗങ്ങളൊരുക്കിയ ജീത്തു ജോസഫ് തന്നെ വീണ്ടും തിരക്കഥയും സംവിധാനവും നിർവഹിക്കുന്ന ചിത്രം ഇത്തവണയും വലിയ വിജയം നേടുമെന്നാണ് പ്രതീക്ഷിക്കുന്നത്. ചിത്രത്തിന്റെ ടീസറും ട്രെയിലറും പ്രേക്ഷകരുടെ ആകാംക്ഷ് കൂട്ടിയിട്ടുണ്ട്. മീന, എസ്തർ അനിൽ, അൻസിബ, മുരളി ഗോപി, ആശ ശരത്, സിദ്ദിഖ്, സാന്തി മായാദേവി, വീണ നന്ദകുമാർ, ശിവ ഹരിഹരൻ എന്നിവരാണ് സിനിമയിൽ പ്രധാന വേഷങ്ങളിൽ എത്തുന്നത്.

വി.ഡി. എസ് സര്‍ക്കാരിന്റെ നിര്‍ണ്ണായക തീരുമാനം; ഡോ. ബി. അശോകിനെ തിരിച്ചെടുത്തു; സുപ്രധാന പദവി നല്‍കും

Wed, 20 May 2026 07:10:56 +0000

തിരുവനന്തപുരം: മുന്‍ ഇടത് സര്‍ക്കാരിന്റെ അവസാന നാളുകളില്‍ കടുത്ത രാഷ്ട്രീയ തര്‍ക്കങ്ങള്‍ക്കും ഭരണഘടനാപരമായ വടംവലികള്‍ക്കും കാരണമായ മുതിര്‍ന്ന ഐ.എ.എസ് ഉദ്യോഗസ്ഥന്‍ ഡോ. ബി. അശോകിന്റെ സസ്പെന്‍ഷന്‍ ഉത്തരവ് പൂര്‍ണ്ണമായി റദ്ദാക്കാന്‍ മന്ത്രിസഭാ യോഗം തീരുമാനിച്ചു. മുഖ്യമന്ത്രി വി.ഡി. സതീശനെ രാവിലെ ബി.അശോക് വന്ന് കണ്ടിരുന്നു. തുടർന്ന് സസ്പെൻഷൻ പിൻവലിക്കുകയായിരുന്നു. ജില്ലാ കലക്ടർമാർക്കും മാറ്റമുണ്ട്. കഴിഞ്ഞ സര്‍ക്കാരിന്റെ നയങ്ങളെയും അധികാര വികേന്ദ്രീകരണ രീതികളെയും പരസ്യമായി വിമര്‍ശിച്ചതിന്റെ പേരില്‍ അച്ചടക്ക ലംഘനം ചുമത്തിയാണ് 1998 ബാച്ച് ഉദ്യോഗസ്ഥനായ ബി. അശോകിനെ ഏപ്രില്‍ അവസാന വാരത്തില്‍ അന്നത്തെ എല്‍.ഡി.എഫ് സര്‍ക്കാര്‍ സസ്പെന്‍ഡ് ചെയ്തത്. ഈ നടപടി പൂര്‍ണ്ണമായി പിന്‍വലിച്ച് അദ്ദേഹത്തെ സര്‍വീസിലേക്ക് ഉടനടി തിരിച്ചെടുക്കാനും അര്‍ഹമായ സുപ്രധാന പദവി (താക്കോല്‍ സ്ഥാനം) നല്‍കി നിയമിക്കാനുമാണ് പുതിയ യു.ഡി.എഫ് സര്‍ക്കാരിന്റെ ഔദ്യോഗിക തീരുമാനം. ഭരണമാറ്റത്തിന് തൊട്ടുമുന്‍പ് മാധ്യമങ്ങളിലൂടെയും സാമൂഹിക മാധ്യമങ്ങളിലൂടെയും മുന്‍ സര്‍ക്കാരിന്റെ ഭരണ പരാജയങ്ങളെയും കിഫ്ബി അടക്കമുള്ള സ്ഥാപനങ്ങളിലെ ഫണ്ട് വിനിയോഗത്തെയും ബി. അശോക് രൂക്ഷമായി വിമര്‍ശിച്ചിരുന്നു. ഇതേത്തുടര്‍ന്ന് ചീഫ് സെക്രട്ടറിയുടെ നിര്‍ദ്ദേശപ്രകാരം അടിയന്തരമായി പുറപ്പെടുവിച്ച സസ്പെന്‍ഷന്‍ ഉത്തരവിനെ 'ജനങ്ങളാല്‍ തള്ളപ്പെട്ട ഒരു കെയര്‍ടേക്കര്‍ സര്‍ക്കാരിന്റെ പ്രതികാര നടപടി' എന്നാണ് അശോക് അന്ന് വിശേഷിപ്പിച്ചത്. പുതിയ സര്‍ക്കാര്‍ അധികാരത്തില്‍ വരുമ്പോള്‍ ഈ ഉത്തരവ് സ്വാഭാവികമായും റദ്ദാക്കപ്പെടുമെന്നും താന്‍ ഇതിനെതിരെ ട്രിബ്യൂണലിനെ സമീപിക്കില്ലെന്നും അദ്ദേഹം വ്യക്തമാക്കിയിരുന്നു. അശോകിന്റെ ആ പ്രവചനം ശരിവെക്കുന്ന രീതിയിലാണ് വി.ഡി. സതീശന്‍ സര്‍ക്കാരിന്റെ ആദ്യകാല ഫയല്‍ തീര്‍പ്പാക്കലുകളില്‍ ഒന്നായി ഈ തീരുമാനം പുറത്തുവരിക. സെക്രട്ടേറിയറ്റിലെ ഉന്നത ഭരണതലത്തില്‍ വലിയ അഴിച്ചുപണികള്‍ക്ക് പുതിയ സര്‍ക്കാര്‍ തുടക്കം കുറിക്കുന്നതിന്റെ വ്യക്തമായ സൂചന കൂടിയാണ് ബി. അശോകിന്റെ ഈ തിരിച്ചുവരവ്. മുന്‍പ് അഗ്രികള്‍ച്ചറല്‍ യൂണിവേഴ്‌സിറ്റി വിസി, സൈനിക ക്ഷേമ വകുപ്പ് പ്രിന്‍സിപ്പല്‍ സെക്രട്ടറി തുടങ്ങിയ പദവികള്‍ വഹിച്ചിരുന്ന അദ്ദേഹത്തിന്, അതീവ പ്രാധാന്യമുള്ള ഏതെങ്കിലും പ്രധാന വകുപ്പിന്റെ തലപ്പത്തേക്ക് നിയമനം നല്‍കാനാണ് ഭരണപക്ഷം ആലോചിക്കുന്നത്. ഉദ്യോഗസ്ഥ മേധാവിത്വത്തിനെതിരെയുള്ള മുന്‍ സര്‍ക്കാരിന്റെ പകപോക്കലുകള്‍ക്ക് ഇരയായവര്‍ക്ക് നീതി ഉറപ്പാക്കുമെന്ന യു.ഡി.എഫിന്റെ രാഷ്ട്രീയ പ്രഖ്യാപനം കൂടിയാണ് ഈ അടിയന്തര ഉത്തരവിലൂടെ നടപ്പിലായിരിക്കുന്നത്.

' ദയവായി അവര്‍ക്കൊപ്പം ഉണ്ടാവുക, പരിചരണം നല്‍കുക' ; കറുപ്പ് കാണാന്‍ വരുന്ന പ്രേക്ഷകരോട് അഭ്യര്‍ത്ഥനയുമായി സംവിധായകന്‍

Wed, 20 May 2026 07:03:13 +0000

സൂര്യയെ നായകനാക്കി ആര്‍ജെ ബാലാജി സംവിധാനം ചെയ്ത ചിത്രമാണ് ' കറുപ്പ്'. മികച്ച പ്രതികരണമാണ് ചിത്രത്തിന് ലഭിച്ചുകൊണ്ടിരിക്കുന്നത്. ഇപ്പോഴിതാ ' കറുപ്പി' നെ ഏറ്റെടുത്ത പ്രേക്ഷകര്‍ക്ക് നന്ദി അറിയിച്ച് എത്തിയിരിക്കുകയാണ് സംവിധായകന്‍ ആര്‍ജെ ബാലാജി. തമിഴ്‌നാട്ടില്‍ ഒരുപാട് ആരാധനാലയങ്ങളുളള കറുപ്പ് സാമി എന്ന ദൈവത്തിന്റെ കഥ പറയുന്ന ഈ ചിത്രം തിയേറ്ററില്‍ കണ്ടുകൊണ്ടിരുന്ന പല പ്രേക്ഷരും ഭക്തിമൂത്തു തുളളാന്‍ തുടങ്ങുകയും ചെയ്യുന്ന ദൃശ്യങ്ങള്‍ സമൂഹമാധ്യമങ്ങളില്‍ വ്യാപകമായി പ്രചരിക്കുന്നുണ്ട്. അങ്ങനെയുളളവരെ തിയേറ്ററുകളില്‍ കണ്ടാല്‍ അവരോട് ദയയോടെ പെരുമാറണമെന്ന് പ്രേക്ഷകരോട് ആര്‍.ജെ. ബാലാജി അഭ്യര്‍ത്ഥിച്ചു. 'ദയവായി അവര്‍ക്കൊപ്പം ഉണ്ടാവുക. അവര്‍ക്ക് കുടിക്കാന്‍ വെള്ളം നല്‍കിയും, ആവശ്യത്തിന് സ്ഥലം നല്‍കിയും, താങ്ങായി നിന്നുകൊണ്ടും സഹായിക്കുക. അവര്‍ക്ക് അര്‍ഹമായ ബഹുമാനത്തോടെ പരിചരണം ലഭിക്കുന്നുണ്ടെന്ന് ഉറപ്പാക്കാന്‍ തിയേറ്റര്‍ ജീവനക്കാരെ വിവരമറിയിക്കുക. അപരിചിതനായ ഒരാളില്‍ നിന്ന് ലഭിക്കുന്ന ഒരു നിമിഷത്തെ കാരുണ്യം പോലും ഒരു പുണ്യപ്രവര്‍ത്തിയാണ്,' എന്ന് കുറിച്ച അദ്ദേഹം, സംസ്ഥാനത്തുടനീളമുള്ള തിയേറ്റര്‍ ഉടമകളോടും പങ്കാളികളോടും ഇതേ അഭ്യര്‍ത്ഥന നടത്തി. 'ഈ നിമിഷങ്ങളെ വളരെ വെകാരികതയോടെ കൈകാര്യം ചെയ്യാനും നിങ്ങളുടെ ജീവനക്കാരെ ഇതിനായി സജ്ജരാക്കി നിര്‍ത്താനും ഞങ്ങള്‍ വിനയപൂര്‍വ്വം അഭ്യര്‍ത്ഥിക്കുന്നു. ഇത്തരം ഓരോ നിമിഷങ്ങളെയും അത് അര്‍ഹിക്കുന്ന ആദരവോടെയും പവിത്രതയോടെയും ദയവായി പരിഗണിക്കുക. 'കറുപ്പ്' ഇപ്പോള്‍ ജനങ്ങളുടേതാണ്. നിങ്ങള്‍ തിയേറ്ററുകളിലേക്ക് കൊണ്ടുവന്ന ആ വിശ്വാസമാണ് ഈ സിനിമയെ ഇന്നത്തെ നിലയില്‍ എത്തിച്ചത്. ആ വിശ്വാസത്തെ നമുക്ക് ഒരുമിച്ച്, അന്തസ്സോടെ സംരക്ഷിക്കാം,' അദ്ദേഹം കുറിച്ചു.

#Karuppu ❤️❤️❤️🙏🙏🙏 pic.twitter.com/TbK9vlLXVc
— RJ Balaji (@RJ_Balaji) May 18, 2026

തൃഷ നായികയാവുന്ന കറുപ്പില്‍ യോഗി ബാബു, ഇന്ദ്രന്‍സ്, ശിവദ, സ്വാസിക, നട്ടി, സുപ്രീത് റെഡ്ഡി, അനഘ മായ രവി എന്നിവരാണ് മറ്റ് പ്രധാന വേഷങ്ങളില്‍ അണിനിരക്കുന്നത്. ചിത്രത്തില്‍ ആര്‍.ജെ. ബാലാജിയും ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്.

'ആണ്‍സുഹൃത്തിനേയും ഭാര്യയേയും പലരും കണ്ടു, അതും പലയിടങ്ങളില്‍'; അവിഹിതം തെളിയിക്കാന്‍ സാഹചര്യത്തെളിവ് മതിയെന്ന് മദ്രാസ് ഹൈക്കോടതി

Wed, 20 May 2026 06:47:31 +0000

ചെന്നൈ: ദാമ്പത്യബന്ധങ്ങള്‍ക്കിടയിലെ അവിഹിതബന്ധം സ്ഥാപിക്കാന്‍ സാഹചര്യത്തെളിവുകള്‍ മതിയെന്ന് മദ്രാസ് ഹൈക്കോടതി. വിവാഹേതര ലൈംഗികബന്ധം നടക്കുന്നത് അതിരഹസ്യമായിട്ടായിരിക്കും. അതിന് നേരിട്ടുള്ള തെളിവ് ഹാജരാക്കുന്നത് ബുദ്ധിമുട്ടായിരിക്കുമെന്ന് ജസ്റ്റിസ് സി വി കാര്‍ത്തികേയനും ജസ്റ്റിസ് കെ രാജശേഖറുമടങ്ങുന്ന ബെഞ്ച് അഭിപ്രായപ്പെട്ടു. ഭാര്യക്ക് മറ്റൊരാളുമായി അവിഹിതബന്ധമുണ്ടെന്നു കാണിച്ച് ഭര്‍ത്താവ് നല്‍കിയ വിവാഹമോചന ഹര്‍ജി അനുവദിച്ചുകൊണ്ടാണ് ഹൈക്കോടതിയുടെ നിരീക്ഷണം. അവിഹിതബന്ധത്തിന് തെളിവില്ലെന്നു പറഞ്ഞ് കുടുംബക്കോടതി നേരത്തെ ഹര്‍ജി തള്ളിയിരുന്നു. അതിനെതിരെ ഭര്‍ത്താവ് നല്‍കിയ അപ്പീലിലാണ് ഹൈക്കോടതി അനുകൂലവിധി പുറപ്പെടുവിച്ചത്. സിആര്‍പിഎഫ് ജീവനക്കാരനായ ഭര്‍ത്താവ് ജോലിയാവശ്യത്തിനായി പലപ്പോഴും വീട്ടില്‍നിന്ന് മാറി നില്‍ക്കാറുണ്ട്. ഈ സമയത്ത് ഭാര്യ മറ്റൊരാളുമായി അടുപ്പത്തിലായെന്നാണ് പരാതി. ഭാര്യയെയും ആണ്‍സുഹൃത്തിനെയും പലയിടത്തുവെച്ചും പലരും കണ്ടതിന് ഭര്‍ത്താവ് തെളിവ് ഹാജരാക്കിയിരുന്നു. തന്റെ ഭര്‍ത്താവിന് ഹര്‍ജിയില്‍ പറയുന്ന സ്ത്രീയുമായി ബന്ധമുണ്ടെന്നു കാണിച്ച് ആണ്‍സുഹൃത്തിന്റെ ഭാര്യ പൊലീസില്‍ പരാതി നല്‍കിയതിന്റെ രേഖയും ഹാജരാക്കി. എന്നാല്‍, ഹര്‍ജിക്കാരന്റെ ഭാര്യയും മറ്റൊരാളും തമ്മില്‍ ലൈംഗികബന്ധമുണ്ടെന്നതിന് ഈ തെളിവുപോരെന്നായിരുന്നു കുടുംബക്കോടതിയുടെ അഭിപ്രായം. വിവാഹേതരബന്ധത്തിന്റെപേരില്‍ വിവാഹമോചനം അനുവദിക്കണമെങ്കില്‍ ദമ്പതിമാരിലൊരാള്‍ അവിഹിത ലൈംഗികബന്ധത്തിലേര്‍പ്പെട്ടെന്ന് തെളിയിക്കണം. അതിന് നേരിട്ടുള്ള തെളിവ് ഹാജരാക്കുന്നത് തികച്ചും ദുഷ്‌കരമാണുതാനും. അങ്ങനെവരുമ്പോള്‍ സാഹചര്യത്തെളിവുകളെ ആശ്രയിക്കേണ്ടിവരും. ഈ കേസില്‍ ഭര്‍ത്താവ് ഹാജരാക്കിയ സാഹചര്യത്തെളിവുകളുടെ അടിസ്ഥാനത്തില്‍ വിവാഹമോചനം അനുവദിക്കാവുന്നതാണെന്ന് ഹൈക്കോടതി വ്യക്തമാക്കി.

ചോരയിൽ കുളിച്ച് 74കാരി, കൊട്ടാരക്കരയിൽ കോഴിയുടെ ആക്രമണത്തിൽ 74കാരിക്ക് ഗുരുതര പരിക്ക്

Wed, 20 May 2026 06:45:51 +0000

കൊല്ലം: കടയിൽ പോയി മടങ്ങിയ 74 കാരിക്ക് നേരെ തലങ്ങും വിലങ്ങും ആക്രമണം. പ്രതിസ്ഥാനത്ത് പൂവൻ കോഴി. റോഷൻ ആൻഡ്രൂസിന്റെ സിനിമയുടെ കാര്യമല്ല. സംഭവം കൊട്ടാരക്കര പൂയപ്പള്ളിയിൽ പൂവൻ കോഴി നടത്തിയ ആക്രമണത്തിന് ഇര ഒരു പാവം വയോധികയാണ്. പൂവൻകോഴിയുടെ ആക്രമണത്തിൽ പരുക്കേറ്റ വയോധികയുടെ മുഖത്ത് 12 തുന്നലുകളാണ് വേണ്ടി വന്നത്. പൂയപ്പള്ളി മരുതമൺപള്ളി സുജിത്ത് ഭവനിൽ ജോയിസ് (74) ആണ് പൂവൻ കോഴിയുടെ ആക്രമണത്തിൽ മുഖത്ത് സാരമായി പരിക്കേറ്റ് ചികിത്സയിൽ കഴിയുന്നത്. കഴിഞ്ഞ ദിവസം രാവിലെയായിരുന്നു കോഴിയുടെ ആക്രമണം. സമീപത്തെ കടയിൽ പോയി വീട്ടിലേക്കു മടങ്ങുമ്പോഴാണ് കോഴി ജോയിസിന് മേൽ ചാടി കയറിയത്. തലയിൽ കയറിയ ശേഷം തലയിലും മൂക്കിന്റെ വശത്തും ഇടതു പുരികത്തിനു സമീപവും കൊത്തി. ജോയ്സിന്റെ നിലവിളി കേട്ട് സമീപവാസി ഓടി എത്തി. അപ്പോഴേക്കും ജോയിസ് ചോരയിൽ കുളിച്ചു കഴിഞ്ഞു. അപ്പോഴും തലയിൽ കയറി നിന്നു പൂവൻകോഴി കൊത്തികൊണ്ടിരുന്നു. ഓടി എത്തി കോഴിയെ ഉടൻ തന്നെ ജോയ്സിനെ പാരിപ്പള്ളി മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. കണ്ണിലടക്കം കൊത്തേറ്റ ജോയിസിന്റെ മുറിവുകളിൽ 12 തുന്നൽ വേണ്ടി വന്നു. വീട്ടുകാർ പൂയപ്പള്ളിപൊലീസിൽ പരാതി നൽകിയെങ്കിലും കോഴിയെ കോടതി കേറ്റാൻ മനസില്ലാത്ത വിശാല മനസ്കനായ ജോയിസ് കോഴിയോട് ക്ഷമിക്കുകയായിരുന്നു. മുൻപും പൂവന്റെ കൊത്തിന് ഇരയാകേണ്ടി വന്നവർ തലനാരിഴയ്ക് രക്ഷപെട്ട സംഭവങ്ങളുണ്ട്.

ടിസി വാങ്ങാനെത്തിയ രക്ഷിതാവിനോട് 200 രൂപ കൈക്കൂലി ചോദിച്ചു: സ്‌കൂള്‍ പ്രിന്‍സിപ്പാളിനെതിരെ വ്യാപക പ്രതിഷേധം

Wed, 20 May 2026 06:44:15 +0000

ഡല്‍ഹിയിലെ ഒരു സ്വകാര്യ സ്‌കൂളില്‍ നിന്നും വിടുതല്‍ സര്‍ട്ടിഫിക്കറ്റ് (ടിസി) വാങ്ങാനെത്തിയ രക്ഷിതാവിനോട് പ്രിന്‍സിപ്പാള്‍ 200 രൂപ അധികമായി ആവശ്യപ്പെട്ട സംഭവമാണ് ഇപ്പോള്‍ സമൂഹമാധ്യമങ്ങളില്‍ വലിയ ചര്‍ച്ചയാകുന്നത്. 'രമാനന്ദ്' എന്ന എക്‌സ് ഹാന്‍ഡിലിലൂടെയാണ് സ്‌കൂളില്‍ നിന്നുമുണ്ടായ ഈ ദുരനുഭവം ചിത്രങ്ങള്‍ സഹിതം പങ്കുവെക്കപ്പെട്ടത്. മകന്റെ സ്‌കൂളിലെ മുഴുവന്‍ കുടിശ്ശികയും തീര്‍ത്തതിന് ശേഷമാണ് ഇദ്ദേഹം ടിസി വാങ്ങാന്‍ എത്തിയത്. എന്നാല്‍ സര്‍ട്ടിഫിക്കറ്റ് കൈമാറണമെങ്കില്‍ 200 രൂപ കൂടി അടയ്ക്കണമെന്ന് പ്രിന്‍സിപ്പാള്‍ നിര്‍ബന്ധം പിടിക്കുകയായിരുന്നു. മുഴുവന്‍ ഫീസും അടച്ചുതീര്‍ത്ത സാഹചര്യത്തില്‍ എന്തിനാണ് ടിസിക്ക് അധിക തുക ഈടാക്കുന്നത് എന്ന് പിതാവ് ചോദ്യം ചെയ്തതോടെ പ്രിന്‍സിപ്പാള്‍ പണം തിരികെ നല്‍കിയെങ്കിലും, അപ്പോഴേക്കും ഇതിന്റെ തെളിവുകള്‍ രക്ഷിതാവ് മൊബൈലില്‍ രേഖപ്പെടുത്തിക്കഴിഞ്ഞിരുന്നു. 'ട്രാന്‍സ്ഫര്‍ സര്‍ട്ടിഫിക്കറ്റിന് 200 രൂപയോ? ചില സ്വകാര്യ സ്‌കൂളുകള്‍ വിദ്യാഭ്യാസത്തിനുള്ള സ്ഥലത്തിന് പകരം ബിസിനസ്സ് കേന്ദ്രങ്ങളായി മാറുകയാണോ?' എന്ന ചോദ്യത്തോടെയാണ് പിതാവ് ഈ വിഷയം ഓണ്‍ലൈനില്‍ പങ്കുവെച്ചത്. നിമിഷങ്ങള്‍ക്കകം തന്നെ ഈ കുറിപ്പ് സോഷ്യല്‍ മീഡിയയില്‍ വൈറലായി മാറി. ഈ സംഭവത്തിന് പിന്നാലെ സ്വകാര്യ സ്‌കൂളുകളുടെ അമിത പണപ്പിരിവിനും ചൂഷണത്തിനുമെതിരെ നിരവധി പേരാണ് പരാതികളുമായി രംഗത്തെത്തുന്നത്. വിദ്യാഭ്യാസം ഒരു സേവനമായി കണ്ടിരുന്ന കാലം കഴിഞ്ഞെന്നും ഇന്ന് ഇന്ത്യയില്‍ മറ്റേതൊരു മേഖലയെയും പോലെ ഇതും വെറും കച്ചവടമായി മാറിയെന്നും സോഷ്യല്‍ മീഡിയ ഉപയോക്താക്കള്‍ വിമര്‍ശിക്കുന്നു. പണമുണ്ടാക്കാനുള്ള സ്ഥാപനങ്ങളായി സ്‌കൂളുകള്‍ അധഃപതിക്കുന്നതിനെതിരെ ശക്തമായ നടപടിയുണ്ടാകണമെന്ന ആവശ്യവും ഇതിനോടകം ഉയര്‍ന്നു കഴിഞ്ഞു.

200₹ for a transfer certificate?

A father visited a private school in Delhi to collect his son’s TC , but the principal allegedly demanded ₹200 first, only then you’ll get the certificate .

After paying the father’s question when all fees are already cleared, why charged… pic.twitter.com/Rcasa0P7wJ
— Ramanand (@Ramanand06X) May 15, 2026

പിണറായി വിജയനും ഞങ്ങളെപ്പോലെ ഒരു എം.എല്‍.എ ; വ്യക്തിപരമായ ശത്രുതയില്ലെന്ന് ജി സുധാകരന്‍

Wed, 20 May 2026 06:22:45 +0000

തിരുവനന്തപുരം: പിണറായി വിജയനും ഞങ്ങളെപ്പോലെ ഒരു എം.എല്‍.എ മാത്രമാണെന്നും വ്യക്തിപരമായ ശത്രുതയില്ലെന്നും ജി. സുധാകരന്‍. പതിനാറാം കേരള നിയമസഭയുടെ പ്രോടെം സ്പീക്കറായി നിയമിതനായ മുതിര്‍ന്ന നേതാവ് ജി.സുധാകരന്‍ ഔദ്യോഗികമായി സത്യപ്രതിജ്ഞ ചെയ്ത് അധികാരമേറ്റു. ഇനി പിണറായി വിജയനും സജി ചെറിയാനും അടക്കമുള്ളവര്‍ക്ക് സത്യപ്രതിജ്ഞ ചൊല്ലിക്കൊടുക്കുന്നത് ജി.സുധാകരനായിരിക്കും. മുഖ്യമന്ത്രി വി.ഡി. സതീശന്റെയും മറ്റ് മന്ത്രിമാരുടേയും സാന്നിദ്ധ്യത്തില്‍ രാജ്ഭവനില്‍ നടന്ന ചടങ്ങില്‍ ഗവര്‍ണര്‍ രാജേന്ദ്ര അര്‍ലേക്കര്‍ മുന്‍പാകെ യായിരുന്നു സത്യപ്രതിജ്ഞ. നാളെ നിയമസഭ സമ്മേളിക്കുമ്പോള്‍ മുന്‍ മുഖ്യമന്ത്രി പിണറായി വിജയന്‍ ഉള്‍പ്പെടെയുള്ള ജനപ്രതിനിധികള്‍ക്ക് സത്യപ്രതിജ്ഞ ചൊല്ലിക്കൊടുക്കുന്നത് ജി.സുധാകരനായിരിക്കും. തനിക്ക് മുന്നില്‍ പിണറായി വിജയന്‍ സത്യപ്രതിജ്ഞ ചെയ്യുമോ എന്ന തരത്തില്‍ മാധ്യമങ്ങളില്‍ ഉയരുന്ന ചര്‍ച്ചകളെ ജി.സുധാകരന്‍ തള്ളി. ''മുന്‍പ് രണ്ടുതവണ അദ്ദേഹം മുഖ്യമന്ത്രിയായിരുന്നു, ഒരു തവണ ആ മന്ത്രിസഭയില്‍ ഞാനും അംഗമായിരുന്നു. പാര്‍ട്ടി തീരുമാനിക്കുന്ന ഒരാള്‍ മുഖ്യമന്ത്രിയാകുന്നു, അത്രമാത്രം. എനിക്ക് ആരോടും വ്യക്തിപരമായ ശത്രുതയില്ല. രാഷ്ട്രീയത്തില്‍ അത്തരം പക സൂക്ഷിക്കുന്നവര്‍ക്ക് നാശമേ ഉണ്ടാവുകയുള്ളൂ.' ജി.സുധാകരന്‍ വ്യക്തമാക്കി. ജി.സുധാകരനെ പ്രോടെം സ്പീക്കറായി മന്ത്രിസഭ നിശ്ചയിച്ചത് മുതല്‍, സി.പി.എം നേതാക്കളായ പിണറായി വിജയനും സജി ചെറിയാനും അദ്ദേഹത്തിന് മുന്നില്‍ സത്യപ്രതിജ്ഞ ചെയ്യാന്‍ എത്തുമോ എന്നതിനെച്ചൊല്ലി രാഷ്ട്രീയ വൃത്തങ്ങളില്‍ വലിയ ചര്‍ച്ചകള്‍ നടന്നിരുന്നു. തിരഞ്ഞെടുക്കപ്പെട്ട പുതിയ അംഗങ്ങളെ സത്യപ്രതിജ്ഞ ചെയ്യിക്കുക എന്നത് മാത്രമാണ് പ്രോടെം സ്പീക്കറുടെ പ്രധാന ഉത്തരവാദിത്തം. ആദ്യദിവസം പൊതുചടങ്ങില്‍ സത്യപ്രതിജ്ഞ ചെയ്യാന്‍ സാധിക്കാത്തവര്‍ക്ക് പിന്നീട് സ്പീക്കറുടെ ചേംബറിലെത്തി പ്രതിജ്ഞ ചെയ്ത് എം.എല്‍.എ സ്ഥാനം ഏറ്റെടുക്കാന്‍ നിയമപരമായി തടസ്സമില്ല. മേയ് 21-ന് നടക്കുന്ന പൊതുസത്യപ്രതിജ്ഞയില്‍ പങ്കെടുക്കാത്ത അംഗങ്ങള്‍ക്ക്, തൊട്ടടുത്ത ദിവസമായ മേയ് 22-ന് നടക്കുന്ന പുതിയ സ്പീക്കര്‍ തിരഞ്ഞെടുപ്പില്‍ വോട്ട് രേഖപ്പെടുത്താന്‍ യോഗ്യതയുണ്ടായിരിക്കില്ല.

കെ.റെയിലുമായി ബന്ധപ്പെട്ട് എല്ലാ വിജ്ഞാപനവും റദ്ദാക്കി ; പിഎസ് സി കാലാവധി നവംബര്‍ വരെ നീട്ടി

Wed, 20 May 2026 06:18:01 +0000

തിരുവനന്തപുരം: കഴിഞ്ഞ സര്‍ക്കാരിന്റെ സ്വപ്‌നപദ്ധതിയായ സില്‍വര്‍ലൈന്‍ പദ്ധതിയുമായി ബന്ധപ്പെട്ട എല്ലാ വിജ്ഞാപനങ്ങളും റദ്ദാക്കി. കെ.റെയിലുമായി ബന്ധപ്പെട്ട കുറ്റികള്‍ പിഴുതു മാറ്റുകയും ഭൂമിയേറ്റെടുക്കലിനുമായി പുറപ്പെടുവിച്ച വിജ്ഞാപനവും റദ്ദാക്കി. രണ്ടാം മന്ത്രിസഭാ യോഗത്തിന് പിന്നാലെ നടത്തിയ വാര്‍ത്താസമ്മേളനത്തില്‍ മുഖ്യമന്ത്രിയാണ് തീരുമാനം പ്രഖ്യാപിച്ചത്. ഭൂമി വില്‍ക്കാനോ പണയപ്പെടുത്താനോ കഴിയാതെ അനേകകരാണ് വിഷമിക്കുന്ന സാഹചര്യത്തിലാണ് തീരുമാനം. സില്‍വര്‍ ലൈന്‍ സമരവുമായി ബന്ധപ്പെട്ട് നിലനില്‍ക്കുന്ന അനേകം കേസുകളുണ്ട്. കേസുകളുടെ സ്വഭാവം അനുസരിച്ച് പിന്‍വലിക്കാനുള്ള ശുപാര്‍ശ കോടതിക്ക് മുമ്പാകെ വെക്കും. പദ്ധതിയുടെ ഭാഗമായ മഞ്ഞക്കുറ്റികള്‍ മാറ്റാന്‍ റവന്യൂവകുപ്പിന് നിര്‍ദേശം നല്‍കി. 2026 ഓഗസ്റ്റിന് 31 ന് കാലവധി അവസാനിക്കുന്ന പിഎസ് സിയുടെ എല്ലാ റാങ്ക് ലിസ്റ്റുകളുടെ കാലാവധി എല്ലാ റാങ്കുപട്ടികകളുടെ കാലവധി നവംബര്‍ 30 വരെ നീട്ടും. തെരഞ്ഞെടുപ്പുമായി ബന്ധപ്പെട്ട് ഒുര അപ്പോയ്ന്‍മെന്റുകളും നടപ്പാക്കാത്ത സാഹചര്യത്തില്‍ അനേകം ചെറുപ്പക്കാരായ ഉദ്യോഗാര്‍ത്ഥികള്‍ക്ക് ഗുണകരമാകുന്ന നിലയിലാണ് തീരുമാനം എടുത്തിരിക്കുന്നത്. പത്മപുരസ്‌ക്കാരാം തയ്യാറാക്കാനുള്ള ക്യാബിനറ്റ് കമ്മറ്റി രൂപീകരിച്ചു. ഹൈക്കോടതി അഡീഷണല്‍ അഡ്വ. ജനറലായി അഡ്വ. മുഹമ്മദ് ഷായെ നിയോഗിച്ചു എന്നിവയായിരുന്നു തീരുമാനം. യുഡിഎഫ് പ്രകടനപത്രികയില്‍ പറഞ്ഞിട്ടുള്ള കാര്യങ്ങള്‍ നടപ്പാക്കാന്‍ പ്രഖ്യാപനങ്ങള്‍ അതാതു വകുപ്പുകള്‍ക്ക് വിഭജിച്ച് നല്‍കി. വിഷന്‍ 2030 എന്നാണ് അതിന് നല്‍കിയിരിക്കുന്ന പേര്. സര്‍ക്കാരിന്റെ കാലാവധി പൂര്‍ത്തിയാകുന്നതിന് മുമ്പായി എല്ലാം നടപ്പാക്കും. ജൂണ്‍ 1 മുതല്‍ 100 ദിവസത്തിനുള്ളില്‍ ഏറ്റവും അത്യാവശ്യമായി എളുപ്പം ചെയ്യാന്‍ കഴിയുന്ന കാര്യങ്ങളില്‍ വകുപ്പുകളില്‍ നിന്നുള്ള പ്രൊപ്പോസല്‍ ക്ഷണിക്കും.

ചതിക്കുക എന്നത് അവരുടെ ഡിഎന്‍എയില്‍ ഉള്ളതാണ്, നിങ്ങളുടെ പ്രവൃത്തികളാണ് നിങ്ങളെന്താണെന്ന് തെളിയിക്കുന്നത്; രവി മോഹന് മറുപടിയുമായി ഖുശ്ബു

Wed, 20 May 2026 06:16:11 +0000

നടന്‍ രവി മോഹന്റെ ആരോപണങ്ങള്‍ക്ക് മറുപടിയുമായി നടി ഖുശ്ബു. തന്നെ ലക്ഷ്യമിട്ട് രവി മോഹന്‍ ഉന്നയിച്ച ഇഡ്ഡലി നടി പരാമര്‍ശങ്ങള്‍ക്കെതിരെ രൂക്ഷമായിട്ടായിരുന്നു ഖുശ്ബു പ്രതികരിച്ചത്. ഖുശ്ബുവിന്റെ കുറിപ്പ് ആരാധകര്‍ക്കിടയില്‍ ചര്‍ച്ചയായി മാറിയിരിക്കുകയാണ്. വിശ്വാസവഞ്ചന കാണിക്കുന്നവർക്ക് അത് 'രക്തത്തിൽ ഉള്ളതാണെന്നും' മറ്റുള്ളവരുടെ ജീവിതത്തിൽ മുറിവേൽപ്പിക്കുന്നവർക്ക് അതിന്റെ പ്രത്യാഘാതം നേരിടേണ്ടി വരുമെന്നും ഖുശ്ബു കുറിച്ചു. "ബൈബിൾ വചനങ്ങളിൽ വിശ്വസിക്കുന്നു എന്ന് പറയുന്നവർ ഒരുകാര്യം മനസ്സിലാക്കണം, ‘നിങ്ങളുടേതല്ലാത്തത് ഒന്നും കൈക്കലാക്കരുത്’. നിങ്ങളുടെ പ്രവൃത്തികളാണ് നിങ്ങളെന്താണെന്ന് തെളിയിക്കുന്നത്. ഒരാൾ വിശ്വാസവഞ്ചന കാണിക്കുന്നതിലും മോഷ്ടിക്കുന്നതിലും അത്ഭുതപ്പെടാനൊന്നുമില്ല; ചതിക്കുക എന്നത് തങ്ങളുടെ രക്തത്തിൽ ഉള്ളതാണെന്ന് അവർ വീണ്ടും തെളിയിക്കുകയാണ്. വഞ്ചനയുടെ ലോകമാണ് അവർക്ക് ഏറ്റവും സുഖകരമായ ഇടം. തന്റെ യഥാർഥ സ്വഭാവം പുറത്തെടുത്ത്, താൻ ഏത് നിലവാരത്തിൽ നിന്നാണ് വരുന്നതെന്ന് ലോകത്തിന് കാണിച്ചുതന്ന ആ ഒരു മനുഷ്യത്വരഹിതനെ കുറ്റപ്പെടുത്തിയിട്ട് ഒരു കാര്യവുമില്ല. എന്നാൽ, അണിയറയിൽ ഒളിച്ചിരുന്ന് ഇങ്ങനെയുള്ളവർക്ക് സംസാരിക്കാൻ വേദിയൊരുക്കി നൽകിയ ആളെയാണ് ഞാൻ കുറ്റപ്പെടുത്തുന്നത്. നിങ്ങളുടെ തീരുമാനങ്ങൾക്ക് അതിന്റേതായ പ്രത്യാഘാതങ്ങൾ ഉണ്ടാകുമെന്നും, നിങ്ങൾ ഏൽപ്പിക്കുന്ന മുറിവുകൾ ഒരു ആയുസ്സുടനീളം നിലനിൽക്കുമെന്നും ഓർക്കുക. ഓർക്കുക, ഹൃദയവിശുദ്ധിയും ശുദ്ധമായ ചിന്തകളുമുള്ളവർ ദൈവത്തോട് ചേർന്നു നിൽക്കുമെന്നാണ് ബൈബിൾ പറയുന്നത്.’’ -ഖുശ്‌ബു കുറിച്ചു.

View this post on Instagram

A post shared by Kushboo Sundar (@khushsundar)

തന്റെ വ്യക്തിജീവിതവുമായി ബന്ധപ്പെട്ട കാര്യങ്ങൾ സംസാരിക്കാൻ വിളിച്ചുചേർത്ത വാർത്താസമ്മേളനത്തിലാണ് രവി മോഹൻ എല്ലാവരെയും ഞെട്ടിച്ച വെളിപ്പെടുത്തലുകൾ നടത്തിയത്. തന്റെ കുടുംബം തകർത്തതിന് പിന്നിൽ മൂന്നക്ഷരമുള്ള ഒരു 'ഇഡ്ഡലി നടി'യാണെന്നും, ഫെമിനിസത്തിന്റെ മറവിൽ ഒളിച്ചിരിക്കുന്ന ഇവർ മുൻപും പല പ്രമുഖ നടന്മാരുടെയും ദാമ്പത്യം തകർത്തിട്ടുണ്ടെന്നും അദ്ദേഹം ആരോപിച്ചിരുന്നു. രവി മോഹന്റെ മുൻ ഭാര്യ ആർതിയുമായി വളരെ അടുത്ത സൗഹൃദം പുലർത്തുന്ന വ്യക്തിയാണ് ഖുശ്ബു.

ശതകോടീശ്വരന്മാരുടെ വിമാനങ്ങള്‍ കൂട്ടത്തോടെ പറന്നാല്‍ ലോകാവസാനത്തിന്റെ സൂചന: സോഷ്യല്‍ മീഡിയയില്‍ തരംഗമായി പുതിയ വെബ്‌സൈറ്റ്

Wed, 20 May 2026 06:13:18 +0000

ഭൂമിയില്‍ വലിയൊരു ആണവയുദ്ധമോ പ്രകൃതിദുരന്തമോ ഉണ്ടാകാന്‍ പോയാല്‍ ലോകത്തെ ശതകോടീശ്വരന്മാര്‍ എന്ത് ചെയ്യും? തീര്‍ച്ചയായും അവര്‍ തങ്ങളുടെ അത്യാധുനിക സ്വകാര്യ ജെറ്റുകളില്‍ കയറി മുന്‍കൂട്ടി തയാറാക്കിയ സുരക്ഷിതമായ രഹസ്യ ബങ്കറുകളിലേക്ക് പറക്കും. ഇത്തരത്തില്‍ അതിസമ്പന്നന്മാര്‍ തങ്ങളുടെ വിമാനങ്ങളുമായി കൂട്ടത്തോടെ നഗരങ്ങള്‍ വിടാന്‍ തുടങ്ങുന്നത് നിരീക്ഷിച്ച്, ഭൂമിക്ക് എന്തോ വലിയ ആപത്ത് വരാന്‍ പോകുന്നു എന്ന് പ്രവചിക്കുന്ന ഒരു കൗതുകകരമായ വെബ്‌സൈറ്റാണ് ഇപ്പോള്‍ ഇന്റര്‍നെറ്റില്‍ തരംഗമാകുന്നത്. കമ്പ്യൂട്ടര്‍ പ്രോഗ്രാമറും ആര്‍ട്ടിസ്റ്റുമായ കെയ്ല്‍ മക്‌ഡൊണാള്‍ഡ് വികസിപ്പിച്ചെടുത്ത 'അപ്പോക്കലിപ്‌സ് ഏര്‍ലി വാണിംഗ് സിസ്റ്റം' (Apocalypse Early Warning System) എന്ന വെബ്‌സൈറ്റാണ് അന്താരാഷ്ട്ര മാധ്യമങ്ങളില്‍ ഇപ്പോള്‍ വലിയ ചര്‍ച്ചയായിരിക്കുന്നത്. കോടീശ്വരന്മാരുടെ വിമാനങ്ങളുടെ ചലനങ്ങള്‍ തത്സമയം വിലയിരുത്തി ഒരു 'ലോകാവസാന' അലേര്‍ട്ട് നല്‍കുകയാണ് ഈ സിസ്റ്റം ചെയ്യുന്നത്. വിമാനങ്ങളുടെ സഞ്ചാരം തത്സമയം നിരീക്ഷിക്കുന്ന 'ADS-B' (Automatic Dependent Surveillance-Broadcast)ഡാറ്റാ സംവിധാനത്തെ ആശ്രയിച്ചാണ് ഈ വെബ്‌സൈറ്റ് പൂര്‍ണ്ണമായും പ്രവര്‍ത്തിക്കുന്നത്. ലോകമെമ്പാടുമുള്ള പതിനൊന്നായിരത്തോളം കോര്‍പ്പറേറ്റ്‌സ്വകാര്യ വിമാനങ്ങളുടെ വിവരങ്ങള്‍ ഈ സിസ്റ്റത്തില്‍ ലഭ്യമാക്കിയിട്ടുണ്ട്. സാധാരണ ദിവസങ്ങളിലെ വിമാന സര്‍വീസുകളുടെ ശരാശരി കണക്കുകളുമായി ഇപ്പോഴത്തെ തത്സമയ ഡാറ്റയെ ഈ സിസ്റ്റം താരതമ്യം ചെയ്യുന്നു. ഏതെങ്കിലും പ്രത്യേക സമയത്ത് കോടീശ്വരന്മാരുടെ സ്വകാര്യ ജെറ്റുകളുടെ യാത്രകളില്‍ അസ്വാഭാവികമായ വര്‍ദ്ധനവ് ഉണ്ടായാല്‍, വെബ്‌സൈറ്റ് അതിന്റെ 'അലേര്‍ട്ട് ലെവല്‍' ഉയര്‍ത്തുകയും ആളുകള്‍ക്ക് മുന്നറിയിപ്പ് നല്‍കുകയും ചെയ്യും. ഭീഷണിയുടെ തീവ്രത അളക്കാന്‍ 1 മുതല്‍ 5 വരെയുള്ള അലേര്‍ട്ട് സ്‌കെയിലാണ് വെബ്‌സൈറ്റില്‍ സജ്ജീകരിച്ചിരിക്കുന്നത്. ഇതില്‍ ലെവല്‍ 1 തികച്ചും സാധാരണമായ ഒരു ദിവസത്തെ സൂചിപ്പിക്കുമ്പോള്‍, ലെവല്‍ 5 വ്യക്തമാക്കുന്നത് വലിയൊരു ആഗോള ദുരന്തം വരാന്‍ പോകുന്നു എന്നതിന്റെ സൂചനയാണ്. എന്നാല്‍ ഒരു വലിയ കായിക മാമാങ്കം നടക്കുമ്പോഴോ, പ്രമുഖ അവധിക്കാലങ്ങളിലോ, സാങ്കേതിക തകരാറുകള്‍ മൂലമോ വിമാനങ്ങളുടെ എണ്ണത്തില്‍ പെട്ടെന്ന് വര്‍ദ്ധനവ് ഉണ്ടായാലും സിസ്റ്റം ലെവല്‍ 5 കാണിച്ചേക്കാം എന്ന് ഇതിന്റെ നിര്‍മ്മാതാവ് വ്യക്തമാക്കുന്നുണ്ട്. അതിനാല്‍ തന്നെ ഇതിനെ പൂര്‍ണ്ണമായും കൃത്യമായ ഒരു ശാസ്ത്രീയ പ്രവചനമായി കാണാന്‍ സാധിക്കില്ല. ആഗോള കാലാവസ്ഥാ വ്യതിയാനം, പുതിയ പകര്‍ച്ചവ്യാധികള്‍, അല്ലെങ്കില്‍ ആണവയുദ്ധ ഭീഷണികള്‍ എന്നിവ ഉണ്ടായാല്‍ ലോകത്തെ അതിസമ്പന്നന്മാര്‍ക്ക് രക്ഷപ്പെടാന്‍ വലിയ ആഡംബര ബങ്കറുകള്‍ ഉണ്ടെന്നത് ഒരു പരസ്യമായ രഹസ്യമാണ്. ഗള്‍ഫ്‌സ്ട്രീം ജി700, ബോംബാര്‍ഡിയര്‍ ഗ്ലോബല്‍ 7500 തുടങ്ങിയ അത്യാധുനിക സ്വകാര്യ ജെറ്റുകള്‍ക്ക് ഇന്ധനം നിറയ്ക്കാതെ തന്നെ ഏഴായിരത്തിലധികം നോട്ടിക്കല്‍ മൈല്‍ ദൂരം സഞ്ചരിക്കാന്‍ സാധിക്കും. വലിയൊരു ദുരന്തമുണ്ടായാല്‍ പ്രധാന ധനകാര്യ നഗരങ്ങളില്‍ നിന്ന് വിദൂര ദ്വീപുകളിലേക്കോ മലനിരകളിലെ ഒളിത്താവളങ്ങളിലേക്കോ അതിവേഗം പറക്കാന്‍ ഇവര്‍ക്ക് സാധിക്കും. സമ്പന്നരുടെ ഈ 'സര്‍വൈവലിസം' പ്രവണതയെ പരിഹസിക്കുന്ന ഒരു സോഷ്യല്‍ സറ്റയര്‍ (പരിഹാസം) കൂടിയാണ് ഈ വെബ്‌സൈറ്റെന്ന് കെയ്ല്‍ മക്‌ഡൊണാള്‍ഡ് വ്യക്തമാക്കുന്നു. ഈ വെബ്‌സൈറ്റിന്റെ വരവോടെ പ്രമുഖരുടെ സ്വകാര്യ വിമാനങ്ങള്‍ നിരീക്ഷിക്കുന്നത് വീണ്ടും വലിയ വിവാദങ്ങള്‍ക്ക് വഴിതുറന്നിട്ടുണ്ട്. ഇലോണ്‍ മസ്‌ക് ഉള്‍പ്പെടെയുള്ള പ്രമുഖരുടെ വിമാനങ്ങള്‍ ട്രാക്ക് ചെയ്യുന്നത് വലിയ സുരക്ഷാ ഭീഷണിയാണെന്ന് മുന്‍പും ആരോപണങ്ങള്‍ ഉയര്‍ന്നിരുന്നു. വ്യക്തിഗത സുരക്ഷയും വിവരങ്ങളുടെ സുതാര്യതയും തമ്മിലുള്ള തര്‍ക്കങ്ങള്‍ ഈ പുതിയ ഡൂംസ്‌ഡേ പ്രവചന വെബ്‌സൈറ്റോടെ വീണ്ടും സജീവമായിരിക്കുകയാണ്. എങ്കിലും വിനോദത്തിനും കൗതുകത്തിനുമപ്പുറം, സമ്പന്നരുടെ നീക്കങ്ങളെയും അവരുടെ ആഡംബര ജീവിതരീതികളെയും നിരീക്ഷിക്കുന്നതില്‍ സാധാരണക്കാര്‍ക്കുള്ള താല്പര്യമാണ് ഈ വെബ്‌സൈറ്റിന്റെ ജനപ്രീതിക്ക് പ്രധാന കാരണം.

സണ്ണിജോസഫിന് വൈദ്യുതി, അനില്‍കുമാറിന് റവന്യൂ ; മന്ത്രിമാരുടെ വകുപ്പുകളില്‍ വീണ്ടും മാറ്റം വന്നേക്കും

Wed, 20 May 2026 05:53:06 +0000

തിരുവനന്തപുരം: ഫിഷറീസും ഗ്രാമവികസനവും മുസ്‌ളീംലീഗിന് നല്‍കിയത് കോണ്‍ഗ്രസില്‍ നിന്നും വലിയ പ്രതിഷേധം ഉയര്‍ന്ന സാഹചര്യത്തില്‍ മന്ത്രിമാരുടെ വകുപ്പുകളില്‍ വീണ്ടും മാറ്റം. ഗവര്‍ണര്‍ക്ക് പട്ടിക കൈമാറുന്നതിന് തൊട്ടു മുമ്പായിട്ടാണ് വീണ്ടും മാറ്റം വന്നിരിക്കുന്നത്. റവന്യൂ വകുപ്പ് എ.പി. അനില്‍കുമാറിനും സണ്ണിജോസഫിന് വൈദ്യുതി, പാര്‍ലമെന്ററി കാര്യ വകുപ്പ് നല്‍കും. നേരത്തേ സണ്ണിജോസഫിനെ ഏല്‍പ്പിച്ച റവന്യൂവകുപ്പ് എ.പി. അനില്‍കുമാറിന് നല്‍കും. എം ലിജുവിന് എക്‌സൈസ്, സഹകരണം പി.സി. വിഷ്ണുനാഥിന് ടൂറിസവും സിനിമയും നല്‍കിയേക്കും. ദേവസ്വം വകുപ്പ് കെ.മുരളീധരന് തന്നെ നല്‍കാനാണ് നീക്കം. ഫിഷറീസും ഗ്രാമവികസനവും മുസ്‌ളീംലീഗിന് നല്‍കിയത് കോണ്‍ഗ്രസിനുള്ളില്‍ തന്നെ വലിയ പ്രതിഷേധത്തിന് കാരണമായിരുന്നു. ജനകീയ ഇടപെടലും കേന്ദ്രഫണ്ടുമുള്ള വകുപ്പുകള്‍ കോണ്‍ഗ്രസ് തന്നെ കൈകാര്യം ചെയ്യണമെന്നായിരുന്നു വിലയിരുത്തല്‍. ജനങ്ങളുമായി കൂടുതല്‍ ഇടപഴകാനും പദ്ധതികള്‍ നടപ്പാക്കി അവരിലേക്ക് ഇറങ്ങിച്ചെല്ലാനുമുള്ള അവസരം ഈ വകുപ്പുകളില്‍ ഉണ്ടെന്നും അത് കോണ്‍ഗ്രസ് തന്നെ കൈകാര്യം ചെയ്യണമെന്നുമായിരുന്നു വിലയിരുത്തല്‍. നേരത്തേ ഉന്നത വിദ്യാഭ്യാസം കൈമാറണമെങ്കില്‍ ഫിഷറീസും ഗ്രാമവികസനവും കൈമാറണം എന്നായിരുന്നു മുസ്‌ളീംലീഗ് ആവശ്യപ്പെട്ടത്. അത് അനുസരിച്ചായിരുന്നു വകുപ്പില്‍ വീണ്ടും മാറ്റം വരുത്തിയത്.

നിറവയറില്‍ സ്റ്റൈലിഷ് ലുക്കിൽ നടി റെബ മോണിക്ക; ചിത്രങ്ങള്‍

Wed, 20 May 2026 05:52:06 +0000

നടി റെബ മോണിക്ക ജോണ്‍ പങ്കുവെച്ച ഏറ്റവും പുതിയ ചിത്രങ്ങളാണ് ഇപ്പോള്‍ സോഷ്യല്‍ മീഡിയയില്‍ ശ്രദ്ധനേടുന്നത്. അമ്മയാകാന്‍ ഒരുങ്ങുന്ന താരം ഇപ്പോള്‍ അവധി ആഘോഷത്തിലാണ്. ഭര്‍ത്താവ് ജോമോന്‍ ജോസഫിനൊപ്പം ഫുക്കറ്റിലാണ് താരം ഉളളത്. നിറവയറിലുള്ള താരത്തിന്റെ സ്‌റ്റൈലിഷ് ലുക്കിന് താഴെ ആരാധകരും സഹപ്രവര്‍ത്തകരുമടക്കം നിരവധി പേരാണ് ആശംസകളുമായി എത്തുന്നത്. 2022 ലായിരുന്നു റെബയും ജോമോന്‍ ജോസഫും വിവാഹിതരാകുന്നത്. അടുത്തിടെയാണ് തങ്ങള്‍ മാതാപിതാക്കളാകാന്‍ പോകുന്ന വിവരം ഇരുവരും സോഷ്യല്‍ മീഡിയയിലൂടെ ആരാധകരെ അറിയിച്ചത്. 'ജേക്കബിന്റെ സ്വര്‍ഗ്ഗരാജ്യം', 'ഫോറന്‍സിക്' തുടങ്ങിയ സിനിമകളിലൂടെ മലയാളി പ്രേക്ഷകര്‍ക്ക് പ്രിയങ്കരിയായ റെബ, ദളപതി വിജയ് നായകനായ 'ബിഗില്‍' എന്ന തമിഴ് ചിത്രത്തിലെ അനിത എന്ന കഥാപാത്രത്തിലൂടെ വലിയ രീതിയില്‍ പ്രശംസ പിടിച്ചുപറ്റിയിരുന്നു.

View this post on Instagram

A post shared by Reba Monica John (@reba_john)

' 10 വര്‍ഷങ്ങള്‍ പിന്നിട്ടെങ്കിലും ' ഹാപ്പി വെഡ്ഡിംഗ്' എനിക്ക് ഇന്നും ഒരു വികാരമാണ്' ; കുറിപ്പുമായി ഒമര്‍ ലുലു

Wed, 20 May 2026 05:46:25 +0000

മലയാളികള്‍ക്ക് ഏറെ പ്രിയപ്പെട്ട സംവിധായകനാണ് ഒമര്‍ ലുലു. 2016ല്‍ പുറത്തിറങ്ങിയ ' ഹാപ്പി വെഡ്ഡിംഗ് ആയിരുന്നു ഒമര്‍ ലുലുവിന്റെ ആദ്യ സിനിമ. ഇന്ന്' ഹാപ്പി വെഡ്ഡിംഗ്' റിലീസായിട്ട് പത്ത് വര്‍ഷം തികയുകയാണ്. തതവസരത്തില്‍ സന്തോഷം പങ്കുവച്ച് സോഷ്യല്‍ മീഡിയയില്‍ കുറിപ്പ് പങ്കുവച്ചിരിക്കുകയാണ് സംവിധായകന്‍ ഒമര്‍ ലുലു. ആദ്യ ദിവസങ്ങളില്‍ ചിത്രം കാണാന്‍ ആളുകള്‍ കുറവായതിനാല്‍ കിട്ടിയ ഷോകള്‍ പോലും നടക്കാത്ത അവസ്ഥയായിരുന്നുവെന്നും എല്ലാവരും എഴുത്തിത്തളളിയ സമയത്ത് പ്രതിസന്ധികളെ മറിടകന്ന് ഒരു ഫീനിക്‌സ് പക്ഷിയെ പോലെ ' ഹാപ്പി വെഡ്ഡിംഗ്' ഉയിര്‍ത്തെഴുന്നേറ്റു എന്ന് ഒമര്‍ ലുലു പോസ്റ്റില്‍ കുറിച്ചു. ചിത്രത്തിന്റെ രണ്ടാം ഭാഗത്തെ സംബന്ധിച്ച അപ്‌ഡേറ്റുകള്‍ അടുത്ത ദിവസങ്ങളില്‍ വരും എന്നും ഒമര്‍ ലുലു പറഞ്ഞു. ഒമര്‍ ലുലുവിന്റെ കുറിപ്പ്: '' എന്റെ ആദ്യ സിനിമയായ Happy Wedding റിലീസായിട്ട് ഇന്നേക്ക് പത്ത് വര്‍ഷം. 2016 മെയ് 20-നായിരുന്നു Happy Wedding എന്ന എന്റെ ആദ്യ ചിത്രം തിയറ്ററുകളിലെത്തിയത്. കമ്മട്ടിപ്പാടം ഉള്‍പ്പെടെ വലുതും ചെറുതുമായ നിരവധി ചിത്രങ്ങള്‍ കൂടെയും മുന്‍പത്തെ ആഴ്ച്ചയിലും റിലീസായതിനാല്‍ ആകെ 28 തീയേറ്ററില്‍ മാത്രമാണ് 'ഹാപ്പിവെഡ്ഡിങ്ങ്' പ്രദര്‍ശിപ്പിച്ചത് അതും മിക്ക തീയേറ്ററിലും ഒന്ന് രണ്ട് ഷോ മാത്രം. ആദ്യ ദിവസങ്ങളില്‍ ചിത്രം കാണാന്‍ ആളുകള്‍ കുറവായതിനാല്‍ കിട്ടിയ ഷോകള്‍ പോലും നടക്കാത്ത അവസ്ഥയായിരുന്നു. എല്ലാവരും എഴുതിത്തള്ളിയ ആ സമയത്ത്, ഒരുപാട് പ്രതിസന്ധികളും വെല്ലുവിളികളും മറികടന്ന്, ഒരു ഫീനിക്‌സ് പക്ഷിയെ പോലെ Happy Wedding ഉയിര്‍ത്തെഴുന്നേറ്റു. 28 തീയേറ്ററുകളില്‍ ആരംഭിച്ച യാത്ര പിന്നീട് 120 തീയേറ്ററുകളിലേക്ക് വളര്‍ന്നു.100 ദിവസം തിയറ്ററുകളില്‍ പ്രദര്‍ശനം പൂര്‍ത്തിയാക്കി, ആരും പ്രതീക്ഷിക്കാത്ത രീതിയില്‍ ചിത്രം വലിയ വിജയമായി മാറി. ആ വിജയം എന്റെ സിനിമാ യാത്രയിലെ മറക്കാനാവാത്ത തുടക്കമായിരുന്നു.10 വര്‍ഷങ്ങള്‍ പിന്നിട്ടെങ്കിലും, Happy Wedding എനിക്ക് ഇന്നും ഒരു വികാരമാണ്. ഇനി അടുത്ത ദിവസങ്ങളില്‍ Happy Wedding 2നെ സംബന്ധിച്ച അപ്‌ഡേറ്റുകള്‍ വരും. ഈ യാത്രയില്‍ എന്നെ വിശ്വസിച്ച എല്ലാവര്‍ക്കും, എന്നെ ഹൃദയത്തോട് ചേര്‍ത്ത് പിടിച്ച പ്രോത്സാഹിപ്പിച്ച പിന്തുണച്ച എല്ലാവര്‍ക്കും നന്ദി നന്ദി നന്ദി. Kalaipuli Thaanu sir, Allu Arjun sir, Rahman sir - നിങ്ങളില്‍ നിന്ന് ലഭിച്ച വാക്കുകള്‍ എന്റെ സിനിമാജീവിതത്തിലെ ഏറ്റവും വിലപ്പെട്ട പ്രോത്സാഹനങ്ങളിലൊന്നാണ്''.

View this post on Instagram

A post shared by OMAR LULU (@omar_lulu_)

സിജു വില്‍സണ്‍ നായകനായ ചിത്രത്തില്‍ അനു സിത്താര, ദൃശ്യ രഘുനാഥ് എന്നിവരാണ് നായികമാരായി എത്തിയത്. ഷറഫുദ്ദീന്‍, സൗബിന്‍ ഷാഹിര്‍, ജസ്റ്റിന്‍ ജോണ്‍ തുടങ്ങിയവരാണ് ചിത്രത്തില്‍ മറ്റ് പ്രധാന വേഷങ്ങളിലെത്തിയത്. ചിത്രത്തിലെ പാട്ടുകളും വലിയ ഹിറ്റായിരുന്നു.

തെരഞ്ഞെടുപ്പുകളിലെല്ലാം സിപിഎമ്മിന്റെ തിരിച്ചടി ; കീഴ്ഘടകങ്ങള്‍ തട്ടിപ്പ് കണക്കുകള്‍ ഉണ്ടാക്കി പാര്‍ട്ടിയെ പറ്റിക്കുന്നു

Wed, 20 May 2026 05:39:01 +0000

കൊല്ലം: തുടര്‍ച്ചയായി തെരഞ്ഞെടുപ്പുകളില്‍ വന്‍ തോല്‍വി ഏറ്റുവാങ്ങുന്ന സാഹചര്യത്തില്‍ കീഴ്ഘടകങ്ങളില്‍ നിന്നും നിരന്തരം വഞ്ചന നേരിടുന്നതായി സംശയിച്ച് സിപിഐഎം. ലോക്സഭ, തദ്ദേശ, നിയമസഭാ തിരഞ്ഞെടുപ്പുകള്‍ക്ക് ശേഷം വോട്ടുഷെയറുമായി ബന്ധപ്പെട്ട് കീഴ്ഘടകങ്ങള്‍ സമര്‍പ്പിക്കുന്ന അവലോകന റിപ്പോര്‍ട്ടുകള്‍ വ്യാജമാണെന്നാണ് സംശയിക്കുന്നത്. ഇപ്പോള്‍ ഈ നല്‍കുന്ന കണക്കുകള്‍ യാഥാര്‍ത്ഥ്യവുമായി ഒത്തുപോകാത്തതിനെ കുറിച്ച് ഗൗരവമായ പരിശോധനയ്ക്ക് ഒരുങ്ങുകയാണ്. താഴേത്തട്ടില്‍ കൃത്യമായി രാഷ്ട്രീയപ്രവര്‍ത്തനങ്ങളോ പരിപാടികളോ സംഘടിപ്പിക്കാതെ വ്യാജ റിപ്പോര്‍ട്ടുകള്‍ ചമച്ചു നല്‍കുന്ന പ്രവണത വര്‍ദ്ധിച്ചതായി നേതൃത്വം വിലയിരുത്തുന്നു. നിയമസഭാ തിരഞ്ഞെടുപ്പിലെ പരാജയം ചര്‍ച്ച ചെയ്യാന്‍ വിളിച്ചുചേര്‍ക്കുന്ന ഏരിയ കമ്മിറ്റി യോഗങ്ങളില്‍ ഇക്കാര്യങ്ങള്‍ സമഗ്രമായി പഠിച്ച് കൃത്യമായ റിപ്പോര്‍ട്ട് അവതരിപ്പിക്കാന്‍ സംസ്ഥാന നേതൃത്വം നിര്‍ദ്ദേശിച്ചിട്ടുണ്ട്. മുന്‍കാലങ്ങളില്‍ ബൂത്ത് തലം മുതല്‍ പാര്‍ട്ടി ശേഖരിച്ചിരുന്ന വോട്ടുവിവരങ്ങള്‍ ഏറെ കൃത്യതയുള്ളതായിരുന്നു. എന്നാല്‍ ഇത്തവണ താഴേത്തട്ടില്‍ നിന്ന് ലഭിച്ച റിപ്പോര്‍ട്ടുകളുടെ അടിസ്ഥാനത്തില്‍ പാര്‍ട്ടിക്ക് മൂന്നാം ഭരണത്തിനായി തയ്യാറെടുക്കുകയും ചെയ്തിരുന്നു. എന്നാല്‍ തെരഞ്ഞെടുപ്പിന്റെ ഫലം വന്നപ്പോള്‍ വലിയ തിരിച്ചടിയാണ് നേരിടേണ്ടി വന്നിരിക്കുന്നത്. നേതാക്കളെ പ്രീതിപ്പെടുത്താന്‍ വേണ്ടി വോട്ടുകണക്കുകളില്‍ മനഃപൂര്‍വ്വം മാറ്റം വരുത്തിയോ എന്നാണ് ഇപ്പോള്‍ സംശയിക്കുന്നത്. കഴിഞ്ഞ ലോക്സഭ, തദ്ദേശ, നിയമസഭാ തിരഞ്ഞെടുപ്പുകളില്‍ ഓരോ തദ്ദേശസ്ഥാപന പരിധിയിലും ഇടതുമുന്നണിക്ക് ലഭിച്ച വോട്ടുകളുടെ കൃത്യമായ കണക്കുകള്‍ മുന്‍നിര്‍ത്തി വേണം വരും ദിവസങ്ങളിലെ ചര്‍ച്ചകള്‍ മുന്നോട്ട് കൊണ്ടുപോകാനെന്ന് പാര്‍ട്ടി നിര്‍ദ്ദേശിച്ചിട്ടുണ്ട്. തെരഞ്ഞെടുപ്പിന് പിന്നാലെ പാര്‍ട്ടിയുടെ ഗൃഹസന്ദര്‍ശന പരിപാടിയും പാളിപ്പോയി. തിരഞ്ഞെടുപ്പ് പരാജയത്തിന് ശേഷം എല്ലാ വീടുകളും സന്ദര്‍ശിക്കാന്‍ പാര്‍ട്ടി തീരുമാനിച്ചിരുന്നെങ്കിലും പകുതിയിടങ്ങളില്‍ പോലും ഇത് നടപ്പായില്ല.

സ്വപ്‌നങ്ങള്‍ക്ക് മരണമില്ല: ഡ്യൂട്ടിക്കിടെ ക്രിക്കറ്റ് ബാറ്റില്‍ ചുംബിച്ച് ബ്ലിങ്കിറ്റ് ഡെലിവറി ബോയ്, ഹൃദയങ്ങള്‍ കീഴടക്കി വീഡിയോ

Wed, 20 May 2026 05:34:12 +0000

തിരക്കുകള്‍ നിറഞ്ഞ ഈ ലോകത്ത് സാധാരണക്കാരുടെ ജീവിതങ്ങള്‍ പലപ്പോഴും ആരുടെയും ശ്രദ്ധയില്‍പ്പെടാറില്ല. ഇതിനിടയിലാണ് ഒരു ഇടുങ്ങിയ വഴിയില്‍ വെച്ച് ക്യാമറയില്‍ പതിഞ്ഞ ഒരു ചെറിയ രംഗം ഇപ്പോള്‍ സോഷ്യല്‍ മീഡിയയില്‍ ആയിരക്കണക്കിന് ആളുകളുടെ ഹൃദയം തൊടുന്നത്. ഒരു ബ്ലിങ്കിറ്റ് ഡെലിവറി ബോയ് തന്റെ ഓര്‍ഡര്‍ നല്‍കിയ ശേഷം, അവിടെ അരികിലായി ഇരുന്ന ഒരു ക്രിക്കറ്റ് ബാറ്റ് കാണുന്നതാണ് വീഡിയോയിലുള്ളത്. ആ നിമിഷം, ജോലിത്തിരക്കിന്റെയും ഓട്ടപ്പാച്ചിലിന്റെയും എല്ലാ മടുപ്പും അയാളില്‍ നിന്ന് അപ്രത്യക്ഷമാകുന്നതായി തോന്നി. വളരെ ആകാംഷയോടെ ആ ബാറ്റ് കൈയിലെടുത്ത അയാള്‍, പണ്ടെപ്പോഴോ കളിക്കളത്തില്‍ തിളങ്ങിനിന്ന ഒരു ക്രിക്കറ്ററെപ്പോലെ വായുവില്‍ ചില ഷോട്ടുകള്‍ പായിച്ചു. ആ ഓര്‍മ്മകളില്‍ അയാള്‍ കുറച്ചുനേരം മുഴുകിനിന്നു. ഒടുവില്‍ അവിടെ നിന്നും പോകുന്നതിന് മുന്‍പ്, ആ ബാറ്റിനെ സ്‌നേഹത്തോടെ ഒന്ന് ചുംബിച്ച ശേഷമാണ് അയാള്‍ മടങ്ങിയത്. വാക്കുകളോ വലിയ നാടകീയതകളോ ഇല്ലാത്ത ആ ഒരൊറ്റ നിമിഷം അതിന്റെ തീവ്രതയോടെ ആളുകളിലേക്ക് പടരുകയായിരുന്നു. സോഷ്യല്‍ മീഡിയയില്‍ ഈ വീഡിയോ ഇത്രയധികം തരംഗമാകാന്‍ കാരണം അത് ക്രിക്കറ്റിനെക്കുറിച്ച് മാത്രം പറയുന്ന ഒന്നല്ല എന്നതുകൊണ്ടാണ്. മറിച്ച്, പാതിവഴിയില്‍ ഉപേക്ഷിക്കേണ്ടി വന്ന ഒരുപാട് മനുഷ്യരുടെ സ്വപ്നങ്ങളെയാണ് അത് ഓര്‍മ്മിപ്പിക്കുന്നത്. സ്‌പോര്‍ട്‌സ്, സംഗീതം, നൃത്തം, ചിത്രരചന തുടങ്ങി ഒരുകാലത്ത് ജീവന് തുല്യം സ്‌നേഹിച്ച പലതിനെയും ഉത്തരവാദിത്തങ്ങള്‍, ബില്ലുകള്‍, സമയപരിധികള്‍, അതിജീവനത്തിനായുള്ള പോരാട്ടങ്ങള്‍ എന്നിവയ്ക്ക് മുന്നില്‍ കുഴിച്ചുമൂടേണ്ടി വന്ന ദശലക്ഷക്കണക്കിന് ആളുകളുടെ പ്രതിഫലനമാണ് ആ ഡെലിവറി ബോയ്. മണിക്കൂറുകള്‍ നീളുന്ന കഠിനാധ്വാനത്തിനും ദൈനംദിന പ്രയാസങ്ങള്‍ക്കും ശേഷവും അയാളുടെ ഉള്ളിലെ ആ ആവേശം കെട്ടുപോയിട്ടില്ലെന്ന് ആ ദൃശ്യം വ്യക്തമാക്കുന്നു.

A Blinkit delivery partner. A cricket bat. And one silent gesture kissing the bat before leaving for work. That moment stayed with us. Because passion doesn’t ask where you come from, what you wear, or what your job title is. pic.twitter.com/nlsU8YwdV8
— Vineeta Singh 🇮🇳 (@biharigurl) May 19, 2026

ശബരിമല, റാന്നി മണ്ഡലത്തിന്‌ പ്രത്യേക പരിഗണന വേണം: പഴകുളം മധു

Wed, 20 May 2026 05:32:30 +0000

പത്തനംതിട്ട : ആഗോള തീര്‍ഥാടന കേന്ദ്രമായ ശബരിമല അയ്യപ്പ ക്ഷേത്രം നിലനില്‍ക്കുന്ന മണ്ഡലം എന്ന നിലയില്‍ സര്‍ക്കാര്‍ റാന്നിക്ക്‌ പ്രത്യേക പരിഗണന നല്‍കേണ്ടതാണെന്ന്‌ നിയുക്‌ത റാന്നി എം.എല്‍.എ. അഡ്വ. പഴകുളം മധു. 30 വര്‍ഷമായി റാന്നി വികസനം എത്തി നോക്കാത്ത മണ്ഡലമാണെന്നും നഷ്‌ടപ്പെട്ട അവസരം തിരികെ പിടിക്കുക എന്നതാണ്‌ തന്റെ ഉത്തര വാദിത്വം എന്നും പത്തനംതിട്ട പ്രസ്‌ ക്ലബ്‌ സംഘടിപ്പിച്ച മുഖാമുഖം പരിപാടിയില്‍ അദ്ദേഹം പറഞ്ഞു.എന്നാല്‍ കാലങ്ങളായി മാറി മാറി വന്ന സര്‍ക്കാരുകള്‍ ഒന്നും തന്നെ ഇക്കാര്യത്തില്‍ വേണ്ടത്ര മുന്‍ഗണന നല്‍കിയിട്ടില്ല.ഇക്കുറി ഇതിന്‌ മാറ്റം ഉണ്ടാക്കാനാണ്‌ ശ്രമം. വടശേരിക്കരയില്‍ പില്‍ഗ്രിം സെന്റര്‍ തീര്‍ഥാടകരുടെ പമ്പയിലെ തിരക്ക്‌ ഒഴിവാക്കാന്‍ വടശേരിക്കര കേന്ദ്രീകരിച്ച്‌ ഒരു പില്‍ഗ്രിം സെന്റര്‍ തുറക്കും. വിദൂര പ്രദേശങ്ങളില്‍ നിന്നും എത്തുന്ന അയ്യപ്പ ഭക്‌തര്‍ക്ക്‌ ഈ പ്രദേശങ്ങളില്‍ ഏറെ ബുദ്ധിമുട്ടാണ്‌ അനുഭവപ്പെടുന്നത്‌.പമ്പയിലേക്കും നിലക്കലിലേക്കും എത്തും മുന്‍പേ തിരക്ക്‌ ഒഴിവാക്കി ഭക്‌തര്‍ക്ക്‌ വിശ്രമിക്കുന്നതിന്‌ വടശ്ശേരിക്കരയിലെ പില്‍ഗ്രിം സെന്റര്‍ പ്രയോജനപ്പെടും കുടിവെള്ള പ്രശ്‌നത്തിന്‌ പരിഹാരം പമ്പാ നദിയുടെ ഇരു കരകളിലുമായി പടര്‍ന്ന്‌ കിടക്കുന്ന റാന്നിയില്‍ കുടിവെള്ള പ്രശ്‌നം അതി രൂക്ഷമാണ്‌. അശാസ്‌ത്രീയമായ പദ്ധതികള്‍ ആവിഷ്‌കരിച്ചതും പമ്പയെ മലിനമാക്കിയതും ഒക്കെ ഇതിനു കാരണമാണ്‌. മണ്ഡലത്തിലെ കുടിവെള്ള പ്രശ്‌നം പരിഹരിക്കുക അത്ര എളുപ്പമല്ല. ജല്‍ ജീവന്‍ മിഷന്‍ പൈപ്പുകള്‍ മാത്രം കുഴിച്ചിട്ടിട്ടുണ്ട്‌ . ഒരിടത്തും വെള്ളം എത്തുന്നില്ല. റാന്നി ടൗണ്‍ വികസനത്തിന്‌ മാസ്‌റ്റര്‍ പ്ലാന്‍ തയ്യാറാക്കും. . റാന്നി വലിയ പാലം പണി വേഗം പൂര്‍ത്തിയാക്കാന്‍ കരാറുകാരനെ വിളിച്ച്‌ ചേര്‍ത്ത്‌ ചര്‍ച്ചനടത്തും. റാന്നി ബസ്‌ സ്‌റ്റാന്‍ഡിന്‍റെ വികസനം വേഗത്തില്‍ സാധ്യമാക്കും . കംഫര്‍ട്ട്‌ സ്‌റ്റേഷന്‍ നിര്‍മ്മിക്കുന്നതിന്‌ നടപടി സ്വീകരിക്കും.റാന്നിയെ തകര്‍ത്ത 2018 ലെ പ്രളയം സംബന്ധിച്ച്‌ സര്‍ക്കാര്‍ ഒരു അന്വേഷണം നടത്തണമെന്നും ആവശ്യപ്പെടും . ഇനി ഒരു പ്രളയം വന്നാല്‍ റാന്നിക്ക്‌ നാശനഷ്‌ടം ഉണ്ടാകാതിരിക്കാന്‍ റാന്നിയില്‍ ശാസ്‌ത്രീയ പഠനങ്ങള്‍ നടത്തും. പമ്പയിലെ മണല്‍ പുറ്റുകള്‍ നീക്കാന്‍ പഠനങ്ങള്‍ നടത്തും. വന്യ മൃഗ ശല്യം റാന്നി മണ്ഡലത്തിന്റെ ഭൂരിഭാഗം പ്രദേശങ്ങളും വന മേഖലയോട്‌ ചേര്‍ന്ന്‌ കിടക്കുന്നതാണ്‌.അതിനാല്‍ തന്നെ വന്യ മൃഗശല്യവും രൂക്ഷമാണ്‌.മലയോര മേഖലകളില്‍ വന്യ മൃഗ ശല്യം പരിഹരിക്കാന്‍ ഇതിനോട്‌ ചേര്‍ന്ന്‌ ട്രഞ്ച്‌ കുഴിച്ച്‌ പരിഹാരം കണ്ടെത്തും. വനമേഖലകളില്‍ താമസിക്കുന്ന കര്‍ഷകര്‍ക്ക്‌ അവരുടെ പറമ്പിലെ മരം മുറിക്കാനുള്ള നിയമ തടസങ്ങള്‍ നീക്കും. മലയോര മേഖലയിലെ പട്ടയം പ്രശ്‌നത്തിന്‌ പരിഹാരം കാണും . അര്‍ഹതപ്പെട്ട എല്ലാവര്‍ക്കു പട്ടയം നല്‍കും. കാര്‍ബൊറാണ്ടം പദ്ധതി മണിയാര്‍ ജലവൈദ്യുത പദ്ധതി കരാര്‍ റദ്ദാക്കി സര്‍ക്കാര്‍ ഏറ്റെടുക്കണമെന്ന്‌? ആവശ്യപ്പെടും. 30 വര്‍ഷത്തെ കരാര്‍ 2024 ല്‍ പൂര്‍ത്തിയായതാണ്‌.എന്നാല്‍ തുടര്‍ന്നും ഇവിടെ ഉല്‍പ്പാദനം നടന്നു. ഇത്‌ സംസ്‌ഥാന സര്‍ക്കാരിന്‌ ലഭ്‌ക്കേണ്ടതാണ്‌.അതിനാല്‍ 2024 നു ശേഷം അവിടെ വൈദ്യുതി ഉല്ലാദിപ്പിച്ചതിന്റെ കണക്ക്‌ ശേഖരിക്കാന്‍ സര്‍ക്കാര്‍ തയ്യാറാകണം . ഇതിനായി വേണ്ട നടപടികള്‍ സ്വീകരിക്കും. പെരുന്തേനരുവി ടൂറിസം വികസനം നടപ്പാക്കും . 12 പഞ്ചായത്തുകളിലും കുട്ടികള്‍ക്കും മുതിര്‍ന്നവര്‍ക്കുമായി കൂടുതല്‍ പ്രയോജനപ്രദമായ പദ്ധതികള്‍ നടപ്പാക്കും . വയോജനങ്ങള്‍ക്കായി പഞ്ചായത്തുകളില്‍ പകല്‍ വീടുകള്‍ ആരംഭിക്കും .എസ്‌. എസ്‌. എല്‍ .സി , പ്ലസ്‌ ടു വിജയികള്‍ക്ക്‌? മെറിറ്റ്‌ അവാര്‍ഡ്‌ നല്‍കും . എന്‍. ആര്‍. ഐ സഹകരണത്തോടെ മിനി അഗ്രോ ടെക്‌നോ പാര്‍ക്‌സ്ഥാപിക്കും. സ്വര്‍ണക്കൊള്ളയും നവീന്‍ ബാബുവിന്റെ മരണവും അന്വേഷണം വേണം ശബരിമല സ്വര്‍ണ കൊള്ള കേസ്‌ അനേഷിക്കുന്ന നിലവിലെ എസ്‌.ഐ.ടിയെ പിരിച്ചു വിട്ട്‌ പുതിയ അന്വേഷണ ഏജന്‍സിയെ ഏല്ലിക്കാന്‍ മുഖ്യമന്ത്രിക്ക്‌ നിവേദനം നല്‍കും.ശബരിമല വികസനത്തിന്‌ അര്‍ഹമായ പരിഗണന നല്‍കണമെന്ന്‌ സര്‍ക്കാരിനോട്‌ ആവശ്യപ്പെടും. എ. ഡി. എം നവീന്‍ ബാബുവിന്റെ മരണം സി.ബി.ഐ അന്വേഷിക്കണം. ജില്ലക്ക്‌ മന്ത്രി വേണ്ടിയിരുന്നു ജില്ലക്ക്‌ ഒരു മന്ത്രിയെ ലഭിച്ചിരുന്നുവെങ്കില്‍ കൂടുതല്‍ പ്രയോജനം ഉണ്ടാകുമായിരുന്നുവെന്നും പഴകുളം മധു പറഞ്ഞു. തനിക്ക്‌ വലിയ രീതിയില്‍ സൈബര്‍ ആക്രമണം നേരിടേണ്ടി വന്നു. ഇപ്പോഴും അത്‌ തുടരുന്നു. താന്‍ അത്‌ ശ്രദ്ധിക്കാറില്ല. കെ. സി. വേണുഗോപാല്‍ കോണ്‍ഗ്രസിന്റെ ഉന്നത നേതാവാണ്‌. അനാവശ്യ കാരണങ്ങളുടെ പേരില്‍ ചിലര്‍ അദ്ദേഹത്തെ ക്രൂശിക്കാന്‍ നോക്കിയപ്പോഴാണ്‌ താന്‍ അനുകൂലിച്ച്‌സംസാരിച്ചത്‌.റാന്നിയുടെ സമഗ്ര വികസനമാണ്‌ തന്റെ ലക്ഷ്യമെന്നും അദ്ദേഹം പറഞ്ഞു.പ്രസ്‌ ക്ലബ്‌ പ്രസിഡന്റ്‌ബിജു കുര്യന്‍ അധ്യക്ഷത വഹിച്ചു.

മുട്ടയുമായി വന്ന പിക്ക്‌ അപ്പ്‌ വാനും സ്‌കൂള്‍ ബസും കൂട്ടിയിടിച്ചു

Wed, 20 May 2026 05:32:30 +0000

റാന്നി: മുട്ടയുമായി തമിഴ്‌ നാട്ടില്‍ നിന്നും വന്ന പിക്ക്‌ അപ്പ്‌ വാനും സ്‌കൂള്‍ ബസും കൂട്ടിയിടിച്ചു. വാന്‍ മറിഞ്ഞ്‌ മുട്ട പൊട്ടി റോഡിലേക്ക്‌ ഒഴുകി. പിക്ക്‌ ആപ്പ്‌ ഡ്രൈവര്‍ക്കും ബസിലെ സഹായിക്കും നിസാര പരുക്കേറ്റത്‌ ഒഴിച്ചാല്‍ ആര്‍ക്കും കാര്യമായ പരുക്കില്ല. ഇന്നലെ രാവിലെ ഏഴരയോടെ റാന്നി വാളിപ്ലാക്കല്‍ ജങ്ങ്‌ഷനിലാണ്‌ അപകടം ഉണ്ടായത്‌. കമ്പം തേനിയില്‍ നിന്നും പത്തനംതിട്ടയിലേക്ക്‌ വന്ന വാന്‍ റാന്നി സിറ്റാഡല്‍ സ്‌കൂള്‍ ബസിലേക്ക്‌ ഇടിക്കുകയായിരുന്നു എന്ന്‌ പറയുന്നു. ഇടിയുടെ ആഘാതത്തില്‍ വാന്‍ മറിയുകയും ഇതിനുള്ളില്‍ ഉണ്ടായിരുന്ന മുട്ടകള്‍ പൊട്ടി റോഡിലേക്ക്‌ വീഴുകയും ചെയ്‌തു. സംഭവ സ്‌ഥലത്തെത്തിയ അഗ്നി ശമന സേന ഇത്‌ വൈകാതെ നീക്കം ചെയ്‌ത് ഗതാഗതം സുഗമമാക്കി. റാന്നി പോലീസും നടപടികള്‍ സ്വീകരിച്ചു.

അടൂരില്‍ എസ്‌.എന്‍.ഡി.പി. യൂണിയന്റെ പ്രതിഷേധം

Wed, 20 May 2026 05:32:30 +0000

അടൂര്‍: എസ്‌.എന്‍.ഡി.പി യോഗം ജനറല്‍ സെക്രട്ടറി വെള്ളാപ്പള്ളി നടേശനെതിരെ വിദ്വേഷ പരാമര്‍ശം നടത്തുകയും, മതേതര കേരളത്തെ ഭയപ്പെടുത്തി കാല്‍കീഴിലാക്കാം എന്ന മുസ്ലിം ലീഗിന്റെയും യൂത്ത്‌ ലീഗിന്റെയും നടപടികളില്‍ പ്രതിഷേധിച്ച്‌ അടൂര്‍ യൂണിയന്റെ നേതൃത്വത്തില്‍ പ്രതിഷേധ പ്രകടനവും ഐക്യദാര്‍ഢ്യ സമ്മേളനവും നടത്തി അടൂര്‍ യൂണിയന്‍ ഓഫീസില്‍ നിന്നാരംഭിച്ച പ്രതിഷേധ പ്രകടനം നഗരം ചുറ്റി യൂണിയന്‍ പഞ്ചനില മന്ദിരത്തിനു മുന്‍പില്‍ അവസാനിച്ചു. ഐക്യദാര്‍ഢ്യ സമ്മേളനം യൂണിയന്‍ കണ്‍വീനര്‍ അഡ്വ മണ്ണടി മോഹനന്‍ ഉത്‌ഘാടനം ചെയ്‌തു. ഭരണവും സ്വാധീനവും കൊണ്ട്‌ എസ്‌.എന്‍.ഡി.പി സമുദായത്തെയും അതിന്റെ അനിഷേധ്യ നേതാവായ ജനറല്‍ സെക്രട്ടറിയെ ഭയപ്പെടുത്താന്‍ ലീഗും പോഷക സംഘടനകളും നോക്കേണ്ട എന്നും ഈ സൂചന സമരം കൊണ്ട്‌ അവസാനിപ്പിച്ചില്ല എങ്കില്‍ ശക്‌തമായ സമരങ്ങളുമായി തെരുവിലേക്ക്‌ ഇറങ്ങും എന്നും അദ്ദേഹം പറഞ്ഞു. എസ്‌.എന്‍.ഡി.പി യോഗം കൗണ്‍സിലര്‍ എബിന്‍ അമ്പാടിയില്‍, യൂണിയന്‍ ചെയര്‍മാന്‍ അഡ്വ എം. മനോജ്‌ കുമാര്‍, യൂണിയന്‍ അഡ്‌മിനിസ്‌ട്രേറ്റീവ്‌ കമ്മറ്റി അംഗം അരുണ്‍ ആനന്ദ്‌, സൈബര്‍സേന യൂണിയന്‍ കോര്‍ഡിനേറ്റര്‍ വിനോദ്‌ വാസുദേവന്‍, സുജ മുരളി, അഞ്‌ജലി എന്നിവരുടെ നേതൃത്വത്തില്‍ ശാഖാ യോഗം,യൂത്ത്‌ മൂവ്‌മെന്റ്‌, വനിതാ സംഘം, സൈബര്‍ സേന, എംപ്ലോയിസ്‌ ഫോറം, പെന്‍ഷനേഴ്‌സ് കൗണ്‍സില്‍, ശ്രീനാരായണ ധര്‍മ്മ പഠന കേന്ദ്രം, ധര്‍മ്മ സേന തുടങ്ങിയവയുടെ ഭാരവാഹികകളും പ്രവര്‍ത്തകരു േപ്രതിഷേധ പരിപാടിയില്‍ പങ്കെടുത്തു.

ഗുരുമന്ദിരം സമര്‍പ്പണം നടത്തി

Wed, 20 May 2026 05:32:05 +0000

കോക്കാത്തോട്‌: എസ്‌.എന്‍.ഡി.പി യോഗം 1478 നമ്പര്‍ കൊക്കാത്തോട്‌ ശാഖയില്‍ പുതുതായി നിര്‍മ്മിച്ച ഗുരു മന്ദിരത്തിലെ വെണ്ണക്കല്‍ പ്രതിമ പ്രതിഷ്‌ഠ യോടനുബന്ധിച്ച്‌ ഗുരുമന്ദിര സമര്‍പ്പണം നടന്നു. സമ്മേളനം യോഗം പ്രസിഡന്റ്‌ കെ. പത്മകുമാര്‍ ഉദ്‌ഘാടനം ചെയ്‌തു. ശാഖ പ്രസിഡന്റ്‌ ടി .ആര്‍ പ്രഭാകരന്‍ അദ്ധ്യക്ഷത വഹിച്ചു . ശിവഗിരി മഠത്തിലെ താന്ത്രിക ആചാര്യന്‍ സ്വാമി ശിവനാരായണ തീര്‍ത്ഥ അനുഗ്രഹ പ്രഭാഷണം നടത്തി യൂണിയന്‍ സെക്രട്ടറി ഡി അനില്‍കുമാര്‍ മുഖ്യപ്രഭാഷണവും യോഗം അസിസ്‌റ്റന്റ്‌ സെക്രട്ടറി ടി .പി സുന്ദരേശന്‍ സന്ദേശവും നല്‍കി . യൂണിയന്‍ വൈസ്‌ പ്രസിഡന്റ്‌ സുനില്‍ മംഗലത്ത്‌ മുന്‍ ശാഖാ ഭാരവാഹികളെ ആദരിച്ചു. അരുവാപ്പുലം പഞ്ചായത്ത്‌ പ്രസിഡന്റ്‌ ബി. രേഷ്‌മ, യൂണിയന്‍ കൗണ്‍സില്‍ അംഗങ്ങളായ ജി. സോമനാഥന്‍, പി. കെ പ്രസന്നകുമാര്‍, പി. വി രണേഷ്‌, മൈക്രോ ഫിനാന്‍സ്‌ യൂണിയന്‍ കോ ഓര്‍ഡിനേറ്റര്‍ കെ. ആര്‍ സലീലനാഥ്‌, യൂത്ത്‌ മൂവ്‌മെന്റ്‌ യൂണിയന്‍ ചെയര്‍മാന്‍ ഗോകുല്‍ കൃഷ്‌ണ, വനിതാസംഘം യൂണിയന്‍ പ്രസിഡന്റ്‌ ഷീല രവി, സെക്രട്ടറി സരള പുരുഷോത്തമന്‍, ശാഖ സെക്രട്ടറി ബി. എസ്‌ ബിനു, വൈസ്‌ പ്രസിഡന്റ്‌ ആര്‍. രാജേഷ്‌കുമാര്‍, എന്‍. സത്യാനന്ദന്‍, ജോജു വര്‍ഗീസ്‌, വി. കെ രഘു,ഷീബ, ശോഭന രാജേന്ദ്രന്‍, ശ്യാമള അശോകന്‍, കെ. ജി വിക്രമന്‍, സോമരാജന്‍ എന്നിവര്‍ പ്രസംഗിച്ചു. പുതുതായി നിര്‍മ്മിച്ച ഗുരുമന്ദിരത്തിലെ വെണ്ണക്കല്‍ പ്രതിമ പ്രതിഷ്‌ഠ ശിവഗിരി മഠത്തിലെ താന്ത്രിക ആചാര്യന്‍ സ്വാമി ശിവനാരായണ തീര്‍ത്ഥയുടെ മുഖ്യ കാര്‍മികത്വത്തില്‍ നടന്നു. ഗണപതി ഹോമം, ജീവകലശപൂജ, പരികലശ പൂജ, ബ്രഹ്‌മ കലശപൂജ, പ്രഭാഷണം, അന്നദാനം, ദീപാരാധന, സരൈ്വശ്വര്യ പൂജ, തിരുവാതിര, ഡാന്‍സ്‌, കൈകൊട്ടിക്കളി, ഭജന്‍സ്‌ എന്നിവയും നടന്നു.

തെരഞ്ഞെടുപ്പില്‍ അലംഭാവം കോന്നിയില്‍ കോണ്‍ഗ്രസ്‌ ബ്ലോക്ക്‌ ഭാരവാഹികള്‍ക്ക്‌ എതിരേ നടപടി

Wed, 20 May 2026 05:32:05 +0000

പത്തനംതിട്ട: കോന്നിയില്‍ യു.ഡി.എഫ്‌. സ്‌ഥാനാര്‍ഥിയുടെ തെരഞ്ഞെടുപ്പ്‌ പ്രവര്‍ത്തനങ്ങളില്‍ നിന്നും വിട്ടുനിന്ന്‌ അലംഭാവം കാട്ടിയ കോണ്‍ഗ്രസ്‌ കോന്നി ബ്ലോക്ക്‌ വൈസ്‌ പ്രസിഡന്റ്‌ കെ. ആര്‍ മനോഹരന്‍, സ്‌ഥാനാര്‍ഥിക്കെതിരെ സമൂഹമാധ്യമങ്ങളില്‍ മോശം പരാമര്‍ശനത്തോടെ പ്രചരണം നടത്തിയ ബ്ലോക്ക്‌ ജനറല്‍ സെക്രട്ടറി ജയേഷ്‌ പുന്നമൂട്‌ എന്നിവരെ അച്ചടക്ക നടപടിയുടെ ഭാഗമായി ഇവര്‍ വഹിച്ചു കൊണ്ടിരിക്കുന്ന സ്‌ഥാനങ്ങളില്‍ നിന്നും നീക്കം ചെയ്‌തതായി ഡിസിസി പ്രസിഡന്റ്‌ പ്ര?ഫ. സതീഷ്‌ കൊച്ചുപറമ്പില്‍ അറിയിച്ചു. ഇതുസംബന്ധിച്ച്‌ വ്യക്‌തമായ തെളിവും പരാതിയും ലഭിച്ചതിനെ തുടര്‍ന്നാന്‌ നടപടിയെന്നും സമാനമായ രീതിയില്‍ കോന്നിയിലും ജില്ലയിലെ മറ്റ്‌ നിയോജക മണ്ഡലങ്ങളിലും സ്‌ഥാനാര്‍ഥികള്‍ക്കെതിരെ പ്രവര്‍ത്തിച്ചതായി ബോധ്യപ്പെട്ടാല്‍ കര്‍ശനമായ നടപടികള്‍ സ്വീകരിക്കുമെന്നും പാര്‍ട്ടി അച്ചടക്കം ലംഘിക്കുവാന്‍ ആരേയും അനുവദിക്കില്ലെന്നും പ്ര?ഫ. സതീഷ്‌ കൊച്ചു പറമ്പില്‍ പറഞ്ഞു.

സി.പി.എമ്മിനെതിരേ നടക്കുന്നത്‌ വ്യാജ പ്രചാരണം: രാജു ഏബ്രഹാം

Wed, 20 May 2026 05:32:05 +0000

പത്തനംതിട്ട : സി.പി.ഐ. എം പത്തനംതിട്ട ജില്ലാ സെക്രട്ടറിയറ്റിലെയും ജില്ലാ കമ്മിറ്റി യോഗത്തിലെയും ചര്‍ച്ചകളെന്ന പേരില്‍ പ്രചരിപ്പിക്കുന്ന വാര്‍ത്തകള്‍ ഊഹാപോഹങ്ങളുമാണെന്ന്‌ ജില്ലാ സെക്രട്ടറി രാജു ഏബ്രഹാം അറിയിച്ചു.വീണാ ജോര്‍ജിനെതിരെ വിമര്‍ശനം ഉയര്‍ന്നു എന്നത്‌ ശരിയല്ല.വീണാ ജോര്‍ജ്‌ പാര്‍ട്ടി സംസ്‌ഥാന കമ്മിറ്റിയിലെ ക്ഷണിതാവാണ്‌. അവരുടെ അഭിപ്രായങ്ങള്‍ അവിടെയാണ്‌ പറയുക. എന്നാല്‍ ജില്ലാ കമ്മിറ്റിയില്‍ നടന്ന ചര്‍ച്ചയില്‍ അഭിപ്രായം അവര്‍ പറഞ്ഞുവെന്നാണ്‌ വാര്‍ത്തകള്‍. പ്രചരിപ്പിക്കുന്നതിന്‌ യാഥാര്‍ഥ്യവുമായി ഒരുബന്ധവുമില്ല. പാര്‍ട്ടി സംസ്‌ഥാന കമ്മിറ്റി യോഗത്തിനുശേഷം ജില്ലാ കമ്മിറ്റികള്‍ ചേര്‍ന്ന്‌ തെരഞ്ഞെടുപ്പ്‌ വിശകലനം ചെയ്യാന്‍ തീരുമാനിച്ചിരുന്നു.സിപിഐ എമ്മിന്റെ സംഘടനാ രീതിയനുസരിച്ച്‌ ഇത്തരം യോഗങ്ങളിലെ ചര്‍ച്ചകള്‍കൂടി കണക്കിലെടുത്താണ്‌ തെരഞ്ഞെടുപ്പ്‌ റിവ്യൂ തയ്യാറാക്കുക. അത്‌ ബ്രാഞ്ച്‌ വരെയുള്ള ഘടകങ്ങള്‍ ചര്‍ച്ച ചെയ്യും.തെരഞ്ഞെടുപ്പില്‍ തിരിച്ചടി നേരിട്ടുവെന്നത്‌ പാര്‍ടി അംഗീകരിച്ചതാണ്‌. അതിന്റെ മറവില്‍ എന്ത്‌ കെട്ടുകഥകളും അവതരിപ്പിക്കുന്നത്‌ പാര്‍ടിയെ തകര്‍ക്കുകയെന്ന രാഷ്ര്‌ടീയ ലക്ഷ്യത്തോടെയാണ്‌. ജനങ്ങളെ വിശ്വാസത്തിലെടുത്താണ്‌ പാര്‍ടി പ്രവര്‍ത്തിക്കുന്നതും മുന്നോട്ടു പോകുന്നതും. വ്യാജ പ്രചാരണങ്ങള്‍ കൊണ്ട്‌ ജനങ്ങളെ തെറ്റിദ്ധരിപ്പിക്കാന്‍ കഴിയില്ലെന്നും രാജു ഏബ്രഹാം വ്യക്‌തമാക്കി.

വഞ്ചിപ്പാട്ട്‌ പരിശീലന കളരികള്‍ക്ക്‌ കരകളില്‍ തുടക്കം

Wed, 20 May 2026 05:32:05 +0000

ആറന്മുള : പളളിയോട സേവാസംഘം പത്തനംതിട്ട ജില്ലാ പഞ്ചായത്തുമായി ചേര്‍ന്ന്‌ നടത്തുന്ന വഞ്ചിപ്പാട്ട്‌ പഠന കളരിക്ക്‌ തുടക്കം. ആറന്മുളയുടെ പരമ്പരാഗത വഞ്ചിപ്പാട്ട്‌ ശൈലി പരിശീലിപ്പിക്കുന്നതിനും പുതു തലമുറയ്‌ക്ക് വഞ്ചിപ്പാട്ടില്‍ താത്‌പര്യം ഉണ്ടാക്കുന്നതിനുമായി ജില്ലാ പഞ്ചായത്തുമായി ചേര്‍ന്ന്‌ കഴിഞ്ഞ 25 വര്‍ഷമായി പരിശീലന കളരി മൂന്ന്‌ മേഖലകളായി തിരിച്ചാണ്‌ നടത്തുന്നത്‌. രാവിലെ ഒന്‍പത്‌ മുതലാണ്‌ പരിശീലനം നടക്കുന്നത്‌. കരകളിലെ പരിചയ സമ്പന്നരായ വഞ്ചിപ്പാട്ട്‌ ആചാര്യന്‍മാര്‍ കളരിക്ക്‌ നേതൃത്വം നല്‍കുന്നു. കിഴക്കന്‍ മേഖലയിലെ കളരി ഇടപ്പാവൂര്‍ ക്ഷേത്ര സന്നിധിയില്‍ കോയിപ്രം ബ്ലോക്ക്‌ പഞ്ചായത്തംഗം അനുരാധ ശ്രീജിത്ത്‌ ഉദ്‌ഘാടനം ചെയ്‌തു. പളളിയോട സേവാസംഘം സെക്രട്ടറി പ്രസാദ്‌ ആനന്ദഭവന്‍ അധ്യക്ഷത വഹിച്ചു. മധ്യ മേഖല കളരി ആറന്മുള പാഞ്ചജന്യം ഓഡിറ്റോറിയത്തില്‍ ജില്ലാ പഞ്ചായത്തംഗം സവിതാ അജയകുമാര്‍ ഉദ്‌ഘാടനം ചെയ്‌തു. സേവാസംഘം പ്രസിഡന്റ്‌ കെ.വി.സാംബദേവന്‍ അധ്യക്ഷത വഹിച്ചു. പടിഞ്ഞാറന്‍ മേഖലയിലെ കളരി ചെങ്ങന്നൂര്‍ തൃച്ചിറ്റാറ്റ്‌ ക്ഷേത്ര ഓഡിറ്റോറിയത്തില്‍ എന്‍.എസ്‌.എസ്‌. ചെങ്ങന്നൂര്‍ താലൂക്ക്‌ യൂണിയന്‍ പ്രസിഡന്റ്‌ പി.എന്‍.സുകുമാരപ്പണിക്കര്‍ ഉദ്‌ഘാടനം ചെയ്‌തു. സേവാസംഘം എക്‌സിക്യൂട്ടീവ്‌ അംഗം ഡോ.സുരേഷ്‌ബാബു അധ്യക്ഷത വഹിച്ചു. പരിശീലനത്തില്‍ പങ്കെടുക്കുന്ന കുട്ടികളുടെ വഞ്ചിപ്പാട്ട്‌ സമര്‍പ്പണം നാളെ ആറന്മുള ക്ഷേത്ര സന്നിധിയില്‍ നടക്കും. ജില്ലാ പഞ്ചായത്ത്‌ പ്രസിഡന്റ്‌ ദീനാമ്മ റോയി ഉദ്‌ഘാടനം ചെയ്യും. മൂന്ന്‌ മേഖലകളില്‍ നിന്നായി 500 ഓളം കുട്ടികള്‍ പരിശീലന കളരിയില്‍ പങ്ക്‌ ചേരുന്നുണ്ട്‌.

നിരോധിത പുകയില ഉല്‌പന്നങ്ങളുടെ വിപണനം തടയല്‍ ശക്‌തമായ നിയമങ്ങളില്ലാത്തത്‌ എക്‌സൈസിനെ വലയ്‌ക്കുന്നു

Wed, 20 May 2026 05:32:05 +0000

അടൂര്‍: നിരോധിത പുകയില ഉല്‌പന്നങ്ങളുടെ വിപണനം തടയുന്ന ശക്‌തമായ നിയമങ്ങളില്ലാത്തത്‌ എക്‌സൈസിനെ വലയ്‌ക്കുന്നു. പല സ്‌കൂളുകളുടെയും പരിസരങ്ങളില്‍ ഇത്തരത്തിലുള്ള കച്ചവടം നടക്കുന്നുണ്ട്‌. ഇതിനെ അമര്‍ച്ച ചെയ്യാന്‍ തക്ക നിയമ അധികാരം എക്‌സൈസിന്‌ ഇല്ലാത്തത്‌ ഇവയുടെ വില്‌പന വര്‍ധിപ്പിക്കാന്‍ ഇടയാക്കുന്നു. പിടികൂടിയാല്‍ ചെറിയ പിഴ ചുമത്തി വിട്ടയയ്‌ക്കേണ്ട സ്‌ഥിതിയാണ്‌ ഉള്ളത്‌. അനധികൃത നിരോധിത പുകയില ഉല്‌പ്പന്നങ്ങളുടെ വിപണ നം തടയാന്‍ നിലവിലുള്ള നിയമം ശക്‌തിപ്പെടുത്തേണ്ടത്‌ ആവശ്യമാ ണ്‌. ഇക്കാര്യത്തില്‍ പുതിയ സര്‍ക്കാര്‍ നടപടി എടുക്കുമെന്ന വിശ്വാസത്തിലാണ്‌ ജനം. നേരത്തെ സ്‌പിരിറ്റ്‌ കടത്തലില്‍ ഏര്‍പ്പെട്ടിരുന്നവരില്‍ ചിലര്‍ ഇന്ന്‌ നിരോധിത പുകയില ഉത്‌പ്പന്ന വിതരണത്തില്‍ സജീവമായുണ്ട്‌. വടക്കന്‍ സംസ്‌ഥാനങ്ങളില്‍ പോയി ഇവ നിര്‍മ്മിക്കാനാവശ്യമായ അസംസ്‌കൃത വസ്‌തുക്കള്‍ വാങ്ങി അവിടെ വച്ച്‌ തന്നെ പുകയില ഉല്‌പന്നങ്ങളാക്കി ചെക്ക്‌ പോസ്‌റ്റ് കടന്ന്‌ നാട്ടില്‍ എത്തിക്കുകയാണ്‌ ചെയ്യുന്നത്ത്‌. കടത്തി കൊണ്ട്‌ വരു ന്നതില്‍ തുച്‌ഛമായപുകയില മാത്രമാണ്‌ പിടികൂടുന്നത്‌. ചെറുകിട കച്ചവടക്കാര്‍ മുതല്‍ മൊ ത്ത കച്ചവടക്കാര്‍ക്ക്‌ വരെ മറ്റേത്‌ കള്ളക്കടത്തിനേക്കാള്‍ വലിയ ല ഭം ആണ്‌ ഇതില്‍ നിന്നും ലഭിക്കുന്നത്‌. ഒരു ചെറിയ കവിറിന്‌ 50 രൂപ വരെ വിലയ്‌ക്കാണ്‌ വില്‌പന. രണ്ടാഴ്‌ച കഴിഞ്ഞ്‌ സ്‌കൂള്‍ തുറക്കുന്നത്‌ മുന്നില്‍ കണ്ട്‌ ഇത്ത രത്തിലുള്ള നിരോധിത പുകയില ജില്ലയുടെ വിവിധ ഭാഗങ്ങളില്‍ വലി യതോതില്‍ സേ്‌റ്റാക്ക്‌ ചെയ്യുന്നതായ വിവരങ്ങളും പുറത്ത്‌ വരുന്നുണ്ട്‌. അതിനാല്‍ വരും ദിവസങ്ങളില്‍ റെയ്‌ഡ് വ്യാപക മാക്കേണ്ടത്‌ ആവശ്യമാണ്‌. നിരോധിത പുകയില ഉല്‌പന്നങ്ങള്‍ വില്‌പന നടത്തുന്നതും അവ പിടിച്ചെടുക്കുന്ന വ്യാപാര സ്‌ഥാപനങ്ങളുടെ ലൈസന്‍സ്‌ റദ്ദാക്കാന്‍ എക്‌സൈസ്‌, പഞ്ചായത്തുകള്‍ക്ക്‌ റിപ്പോര്‍ട്ട്‌ നല്‌കുന്നുണ്ടെങ്കിലും അധികൃതരുടെ ഭാഗത്ത്‌ നിന്ന്‌ കാര്യമായ ഇടപെടല്‍ ഉണ്ടാകുന്നില്ലെന്ന പരാതിയും ഉയരുന്നുണ്ട്‌. ഇത്‌ നിരോധിത പുകയില ഉല്‌പന്നങ്ങള്‍ വില്‌ക്കാന്‍ വീണ്ടും അവരെ പ്രേരിപ്പിക്കും.

സ്‌ഥലംമാറ്റത്തിനെതിരേ പ്രതിഷേധം

Wed, 20 May 2026 05:32:05 +0000

പത്തനംതിട്ട: കേരളത്തില്‍ പുതിയ സര്‍ക്കാര്‍ അധികാരത്തില്‍ വരുന്നതിന്‌ മുന്‍പ്‌ തന്നെ സര്‍ക്കാര്‍ ജീവനക്കാരെ മാനദണ്ഡ വിരുദ്ധമായി തലങ്ങും വിലങ്ങും സ്‌ഥലം മാറ്റുന്നതില്‍ പ്രതിഷേധിച്ച്‌ കേരള എന്‍.ജി.ഒ. യൂണിയന്‍ ജില്ലാ ട്രഷറിയ്‌ക്ക് മുന്നില്‍ പ്രകടനം നടത്തി. തിരുവല്ലയില്‍ ജോലി ചെയ്യുന്ന ചങ്ങനാശ്ശേരി സ്വദേശിയായ ജൂനിയര്‍ സൂപ്രണ്ടിനെ പത്തനംതിട്ടയിലേക്കും അവിടെ സബ്‌ ട്രഷറിയില്‍ ജോലി ചെയ്യുന്ന ജീവനക്കാരിയെ ജില്ലാ ട്രഷറിയിലേക്കും യൂണിയന്‍ ജില്ലാക്കമ്മറ്റിയംഗവുമായ ബിനു ജി തമ്പിയേ തിരുവല്ലയിലേക്കും സ്‌ഥലം മാറ്റി. സഹകരണവകുപ്പില്‍ നിരവധി ജീവനക്കാരേ സഹകരണ ജോ:ഡയറക്‌ടര്‍ ഓഫീസിലേക്കും തുടര്‍ന്ന്‌ ജില്ലയിലേ വിവിധ ഓഫീസുകളിലേക്കും സ്‌ഥലം മാറ്റി. രാഷ്ര്‌ടീയപ്രേരിത സ്‌ഥലം മാറ്റങ്ങളില്‍ പ്രതിഷേധിച്ച്‌ ജില്ലാ ട്രഷറിക്ക്‌ മുന്നില്‍ നടന്ന പ്രകടനം യൂണിയന്‍ സംസ്‌ഥാന സെക്രട്ടേറിയറ്റ്‌ അംഗം സി. വി സുരേഷ്‌ കുമാര്‍ ഉദ്‌ഘാടനം ചെയ്‌തു ജില്ലാ ജോ. സെക്രട്ടറി പി. ബി മധു,പി. എന്‍.അജി , എസ്‌.ഷെറീന ബീഗം,എന്നിവര്‍ പ്രസംഗിച്ചു.

മെഡിക്കല്‍ കോളജ്‌ ആശുപത്രി സാമ്പിള്‍ പരിശോധിക്കണോ? നടന്നു മടുക്കും

Wed, 20 May 2026 05:31:24 +0000

കോട്ടയം: മെഡിക്കല്‍ കോളജ്‌ ആശുപത്രിയില്‍ എത്തുന്ന രോഗികളുടെ കൂട്ടിരിപ്പുകാര്‍ സാമ്പിളുകളുമായി ഓടിമടുക്കുന്നു. സെന്റ്‌ ലൈസ്‌ഡ് ലാബ്‌ ഏറെ അകലെയായതാണ്‌ ദുരിതത്തിനു കാരണം. നാളുകളായുള്ള പരാതിയാണെങ്കിലും പരിഹരിക്കാന്‍ യാതൊരു നടപടിയും അധികൃതര്‍ സ്വീകരിക്കുന്നില്ലെന്നാണു പരാതി. വിവിധ വാര്‍ഡുകളിലായി ആയിരക്കണക്കിന്‌ രോഗികളാണു കിടത്തി ചികിത്സയിലുള്ളതും എത്തുന്നതും. ഈ രോഗികള്‍ക്കെല്ലാം ഒട്ടുമിക്ക ദിവസവും രക്‌തം, കഫം, മൂത്രം തുടങ്ങിയ വിവിധ പരിശോധനകള്‍ നടത്തേണ്ടി വരുന്നുണ്ട്‌. സെന്റ്‌ലൈസ്‌ഡ്്‌ ലാബായ പൊടിപാറ ലാബിലാണു രോഗികള്‍ ഈ പരിശോധകള്‍ക്കൊക്കെ സമീപിക്കുന്നത്‌. മിക്ക രോഗികളുടെയും കൂട്ടിരിപ്പുകാരിലേറെയും സ്‌ത്രീകളും കുട്ടികളുമായിരിക്കും. പലരും ആദ്യമായി ആശുപത്രിയില്‍ എത്തുന്നവരുമാകും. രക്‌ത പരിശോധനയ്‌ക്ക് ഡോക്‌ടര്‍ കുറിച്ച്‌ നല്‍കിയാല്‍ നഴ്‌സുമാര്‍ എടുത്തു നല്‍കുന്ന രക്‌തസാമ്പിളുകളുമായി ഏറെ അലഞ്ഞാണ്‌ ലാബിലെത്തുക. ലാബില്‍ എത്തിയാലും തിരക്ക്‌ കാരണം പണമടയ്‌ക്കുന്നതിനും തുടര്‍ന്ന്‌ രക്‌തസാമ്പിളുകള്‍ പരിശോധനയ്‌ക്ക് നല്‍കുന്നതിനും മണിക്കൂറുകള്‍ നിരയില്‍ കാത്ത്‌ നില്‍ക്കണം. ഇത്‌ സ്‌ത്രീകളും കുട്ടികളുമടക്കുള്ള കൂട്ടിരിപ്പുകാര്‍ക്ക്‌ ഏറെ വിഷമകരമാണ്‌. ഈ സമയം വാര്‍ഡില്‍ രോഗി ഒറ്റയ്‌ക്കായിരിക്കും. എന്തെങ്കിലും ആവശ്യം വന്നാല്‍ രോഗി പ്രതിസന്ധിയിലാകും. രാത്രി സമയത്ത്‌ സ്‌ത്രീകള്‍ക്കും കുട്ടികള്‍ക്കും രക്‌ത സാമ്പിളുമായി പരിശോധനയ്‌ക്കായി ലാബിലേക്ക്‌ പോകേണ്ടി വരുന്നത്‌ വലിയ ബുദ്ധിമുട്ടാണ്‌ സൃഷ്‌ടിക്കുന്നത്‌. വാര്‍ഡുകളില്‍ തന്നെ രോഗികളുടെ രക്‌തസാമ്പിളുകള്‍ ശേഖരിക്കുന്നതിന്‌ പ്രത്യേകം കൗണ്ടറുകള്‍ ഏര്‍പ്പെടുത്തുകയാണെങ്കില്‍ രോഗികള്‍ക്കും കൂട്ടിരിപ്പുകാര്‍ക്കും ഏറെ സഹായകരമാകും. രക്‌ത പരിശോധന ഫലവും ഈ കൗണ്ടറില്‍ നിന്നും നല്‍കണം. നിലവില്‍ അത്യാഹിത വിഭാഗത്തില്‍ ഇത്തരത്തില്‍ രക്‌തം എടുക്കുന്നതിനും സാമ്പിളുകള്‍ ശേഖരിക്കുന്നതിനും കുത്തിവയ്‌പ് മുറിയോട്‌ ചേര്‍ന്ന്‌ പ്രത്യേകം കൗണ്ടര്‍ ഏര്‍പ്പെടുത്തിട്ടുണ്ട്‌. ഇവിടെ ശേഖരിക്കുന്ന രക്‌ത സാമ്പിളുകള്‍ ജീവനക്കാര്‍ പൊടിപാറ ലാബില്‍ എത്തിക്കും. പിന്നീട്‌, ഇവിടെ നിന്നും പരിശോധന ഫലം വാങ്ങി അത്യാഹിതത്തിലുള്ള രോഗികള്‍ക്ക്‌ ഈ കൗണ്ടറില്‍ നിന്നു തന്നെ പരിശോധന ഫലവും നല്‍കുകയും ചെയ്യും. ഇത്‌ അത്യാഹിത വിഭാഗത്തിലെത്തുന്ന രോഗികള്‍ക്ക്‌ വലിയ ഗുണമാണെന്ന്‌ രോഗികളും കൂട്ടിരിപ്പുകാരും പറയുന്നു.

ഇടവമായി, പെയ്യാന്‍ മടിച്ചു മഴ... കഴിഞ്ഞവര്‍ഷം അധികം, ഇത്തവണ കുറവ്‌

Wed, 20 May 2026 05:31:24 +0000

കോട്ടയം: പ്രതീക്ഷിച്ചപോലെ പെയ്യാതെ വേനല്‍ മഴ, ഇടവ മാസത്തിലേക്കു കടന്നിട്ടും മഴ ദുര്‍ബലം. ഇന്നലെ വരെയുള്ള കണക്കു പ്രകാരം ജില്ലയില്‍ 10 ശതമാനം മഴ കുറവാണ്‌. ഏതാനും വര്‍ഷങ്ങളായി മെയ്‌ പകുതിയാകുമ്പോള്‍ വേനല്‍മഴയുടെ അളവ്‌ 50 ശതമാനമെങ്കിലും കൂടുതലായിരുന്നു. എന്നാല്‍, ഇത്തവണ പ്രതീക്ഷകള്‍ തെറ്റിച്ചു മഴ കുറഞ്ഞുനില്‍ക്കുന്നത്‌ ആശങ്കയ്‌ക്കു കാരണമാകുന്നു. മാര്‍ച്ച്‌ ഒന്നു മുതല്‍ ഇന്നലെ വരെയായി 309.9 മില്ലിമീറ്റര്‍ മഴയാണു ജില്ലയില്‍ പ്രതീക്ഷിച്ചതെങ്കില്‍ പെയ്‌തതു 279.3 മില്ലീമീറ്റര്‍ മാത്രം. കഴിഞ്ഞ വര്‍ഷം മേയ്‌ അവസാനിക്കുമ്പോള്‍ വേനല്‍ മഴ 114 ശതമാനം അധികമായി പെയ്‌തിരുന്നു. വരുംദിവസങ്ങളിലെ മഴ മുന്നറിയിപ്പ്‌ യാഥാര്‍ഥ്യമായാലും കഴിഞ്ഞവര്‍ഷ കണക്കിനൊപ്പമെത്താനുള്ള സാധ്യത കുറവാണെന്നു നിരീക്ഷകര്‍ പറയുന്നു. സാധാരണ മാര്‍ച്ച്‌ പകുതിയില്‍ ആരംഭിക്കുന്ന വേനല്‍ മഴ ഇടവിട്ട്‌ പെയ്‌തശേഷം മേയ്‌ ആദ്യം സജീവമാകുമായിരുന്നു. എന്നാല്‍, ഇത്തവണ പതിവു സമയത്ത്‌ ആരംഭിച്ചുവെങ്കിലും ഇടവേളകള്‍ കൂടി, മഴയുടെ ശക്‌തിയും കുറഞ്ഞു. മാത്രമല്ല, പടിഞ്ഞാറന്‍ പ്രദേശങ്ങളില്‍ പെയ്‌തതെല്ലാം ദുര്‍ബലമായിരുന്നു. കിഴക്കന്‍ പ്രദേശങ്ങളില്‍ പെയ്‌തതിന്റെ മൂന്നിലൊന്നു ദിവസങ്ങളില്‍േപ്പാലും പടിഞ്ഞാറന്‍ പ്രദേശങ്ങളില്‍ പെയ്‌തില്ല. ഇടവിട്ടു ചെറിയ മഴകള്‍ പെയ്‌തിരുന്നതിനാല്‍ പുറമേ പച്ചപ്പുണ്ടെങ്കിലും മിക്കയിടങ്ങളിലും ജലക്ഷാമവും പരിഹരിക്കപ്പെട്ടിട്ടില്ല. ഇപ്പോഴും കൂടിവെള്ളം വാങ്ങുന്ന ആയിരക്കണക്കിനു കുടുംബങ്ങള്‍ ജില്ലയിലുണ്ട്‌. കൂടുതല്‍ മഴ പെയ്‌ത കിഴക്കന്‍ മേഖലയില്‍ ഉള്‍പ്പെടെ സ്‌ഥിതി ഇതാണ്‌. തുടര്‍ച്ചയായി പെയ്‌ത് ആറുകളിലും തോടുകളിലും ജലനിരപ്പ്‌ ഉയര്‍ന്നാല്‍ മാത്രമേ കുടിവെള്ള ക്ഷാമത്തിനു പരിഹാരമാകൂ. അതേസമയം, പടിഞ്ഞാറന്‍ നിവാസികളുടെ കുടിവെള്ള ക്ഷാമം രൂക്ഷമായി തുടരുകയാണ്‌. കിഴക്കന്‍ വെള്ളത്തിന്റെ വരവു കുറവായതിനാല്‍ ജലാശയങ്ങളില്‍ ജലനിരപ്പ്‌ ഉയര്‍ന്നിട്ടില്ല. ഇതിനൊപ്പം തണ്ണീര്‍മുക്കം ബണ്ടു തുറക്കുക കൂടി ചെയ്‌തതോടെ ഉപ്പുവെള്ള ഭീഷണിയുമുണ്ട്‌. പല കിണറുകളിലെയും വെള്ളത്തിന്‌ ഉപ്പുരസം അനുഭവപ്പെടുകയാണ്‌. ഓരു ഭീഷണിയും ബുദ്ധിമുട്ടിക്കുന്നുണ്ട്‌. തുണി കഴുകാന്‍ പോലും വെള്ളം ഉപയോഗിക്കാന്‍ കഴിയാത്ത സ്‌ഥിതിയാണ്‌.

മൂകാംബികയിലെ വാഹനാപകടം: നിറമിഴികളോടെ നാട്‌ വിട നല്‍കി

Wed, 20 May 2026 05:31:24 +0000

പാലാ: മൂകാംബിക ക്ഷേത്ര ദര്‍ശനം കഴിഞ്ഞ്‌ മടങ്ങുമ്പോള്‍ വാഹന അപകടത്തില്‍പ്പെട്ട്‌മരിച്ച പാലാ പയപ്പാര്‍ സ്വദേശികളായ ജ്യോതി ബിജുവിനും, ആര്യ അനൂപിനും നിറമിഴികളോടെ നാട്‌ വിട നല്‍കി. വന്‍ ജനാവലിയുടെ സാന്നിധ്യത്തില്‍ പയപ്പാര്‍ പടിഞ്ഞാറെ നെല്ലിത്താനത്ത്‌ ജ്യോതി ബിജു(42)വിന്റെ മൃതദേഹം ഉച്ചക്ക്‌ രണ്ട്‌ മണിയോടെയും, കീച്ചേരില്‍ ആര്യ അനൂപ്‌ (29)ന്റെ മൃതദേഹം നാലുമണിയോടെയും സ്വന്തം വീട്ടുവളപ്പില്‍ അഗ്നി ഏറ്റുവാങ്ങി. അപകടത്തെ തുടര്‍ന്ന്‌ കുന്ദാപുരയിലെ ആശുപതിയില്‍ സൂക്ഷിച്ചിരിക്കുന്ന മൃതദേഹങ്ങള്‍ തിങ്കളാഴ്‌ച വൈകിട്ട്‌ ബന്ധുക്കള്‍ ഏറ്റുവാങ്ങി ഇന്നലെ രാവിലെ നാട്ടിലെത്തിച്ചു. ജ്യോതിയുടെ മൃതദേഹം രാവിലെ 7.30 ഓടെയും, ആര്യയുടെ ഭൗതികദേഹം 10 മണിയോടെയുമാണ്‌ വീട്ടിലെത്തിച്ചത്‌. ആര്യ നഴ്‌സായി ജോലി ചെയ്‌തിരുന്ന തെള്ളകം കാരിത്താസ്‌ ആശുപത്രിയിലെത്തിച്ച്‌ സഹപ്രവര്‍ത്തകരുടെ അന്തിമോപചാരത്തിന്‌ ശേഷമാണ്‌ ആര്യയുടെ ഭൗതികദേഹം വീട്ടിലെത്തിച്ചത്‌. ജനപ്രതിനിധികളും വിവിധ രാഷ്ര്‌ടീയ പാര്‍ട്ടിയുടെയും എന്‍.എസ്‌.എസ്‌. ഉള്‍പ്പെടെ വിവിധ സാമുദായിക സംഘടന നേതാക്കളും മരണമടഞ്ഞവരുടെ വീടുകളില്‍ എത്തി അന്തിമോപചാരം അര്‍പ്പിച്ചു. അപകടത്തില്‍ പരിക്കേറ്റ്‌ മണിപ്പാല്‍ മെഡിക്കല്‍ കോളജില്‍ ചികിത്സയിലായിരുന്ന നാല്‌ പേരെ കാരിത്താസ്‌ആശുപത്രിയിലും ഒരാള്‍ കോട്ടയം മെഡിക്കല്‍ കോളേജ്‌ ആശുപത്രിയിലും തുടര്‍ ചികിത്സക്കായി പ്രവേശിപ്പിച്ചു. ജ്യോതിയുടെ സഹോദരന്‍ ജ്യോതിസ്‌ (40), അമ്മ പോണാട്‌ മുണ്ടയ്‌ക്കല്‍ മിനി വേണുഗോപാല്‍ (60), ജ്യേതിസിന്റെ മകന്‍ അര്‍ജുന്‍ (9), ആര്യയുടെ ഭര്‍ത്താവ്‌ അനൂപ്‌ (37)എന്നിവരാണ്‌ കാരിത്താസ്‌ ആശുപത്രിയില്‍ തുടര്‍ ചികിത്സയിലുള്ളത്‌. എബി(36) ആണ്‌ മെഡിക്കല്‍ കോളേജ്‌ ആശുപത്രിയിലുള്ളത്‌.ആര്യയുടെ മകന്‍ അയാന്‍(5) നിസാര പരിക്കുകളോടെയും മകള്‍ ആറ്‌ മാസം പ്രായമുള്ള ആവണി പരുക്കേല്‍ക്കാതെയും രക്ഷപ്പെട്ടു. ഞായറാഴ്‌ച്ച ഉച്ചകഴിഞ്ഞ്‌ രണ്ട്‌ മണിയോടെയാണ്‌ അപകടം. മൂകാംബിക ക്ഷേത്ര ദര്‍ശനം കഴിഞ്ഞ്‌ കുടജാദ്രി സന്ദര്‍ശിച്ച്‌ മടങ്ങുന്നതിനിടെ ക്ഷേത്രത്തിന്‌ സമീപം വെച്ച്‌ കൈക്കുഞ്ഞ്‌ ഉള്‍പ്പെടെ ഒമ്പതംഗ സംഘം സഞ്ചരിച്ച ജീപ്പും മീന്‍ കയറ്റി വന്ന ലോറിയും തമ്മില്‍ ഇടിച്ച്‌ അപകടമുണ്ടായത്‌. കഴിഞ്ഞ വെള്ളിയാഴ്‌ച പുലര്‍ച്ചെയാണ്‌ മൂകാംബിക ക്ഷേത്ര ദര്‍ശനത്തിന്‌ 45 അംഗ തീര്‍ത്ഥാടക സംഘം പയപ്പാറില്‍നിന്ന്‌യാത്ര തിരിച്ചത്‌. അഞ്ച്‌ ജീപ്പിലായാണ്‌ സംഘം കുടജാദ്രിയിലേക്ക്‌ പോയത്‌. തിരികെ അവസാനം വന്ന ജീപ്പാണ്‌ അപകടത്തില്‍പ്പെട്ടത്‌.

ഉമ്മന്‍ചാണ്ടിയുടെ കല്ലറയിലെത്തി പ്രാര്‍ഥിച്ച്‌ മന്ത്രി ടി. സിദ്ദിഖ്‌

Wed, 20 May 2026 05:31:24 +0000

കോട്ടയം: മുന്‍മുഖ്യമന്ത്രി ഉമ്മന്‍ചാണ്ടിയുടെ കല്ലറയിലെത്തി പ്രാര്‍ഥിച്ച്‌ മന്ത്രി ടി സിദ്ദിഖ്‌. കല്‍പ്പറ്റ നിയോജകമണ്ഡലത്തില്‍ സ്‌ഥാനാര്‍ഥിയായി പത്രികസമര്‍പ്പിക്കുന്നതിനു മുന്നോടിയായും സിദ്ദിഖ്‌ ഉമ്മന്‍ചാണ്ടിയുടെ കല്ലറയിലെത്തിയിരുന്നു. മന്ത്രിയായതിനു പിന്നാലെയാണു വീണ്ടും ജനനായകന്റെ ഓര്‍മ്മകളുറങ്ങുന്ന മണ്ണിലേക്ക്‌ അദ്ദേഹം വീണ്ടുമെത്തിയത്‌. രാഷ്‌്രടീയ പൊതുപ്രവര്‍ത്തന ജീവിതത്തിലെ നികത്താനാവാത്ത നഷ്‌ടം ഉമ്മന്‍ചാണ്ടി സാറിന്റെ അഭാവമാണെന്നു സന്ദര്‍ശനശേഷം സിദ്ദിഖ്‌ പറഞ്ഞു. 2021-ല്‍ കല്‍പ്പറ്റയില്‍ ആദ്യമായി മത്സരിക്കാനെത്തുമ്പോള്‍ വോട്ടഭ്യര്‍ഥിക്കാനായി ഉമ്മന്‍ ചാണ്ടി എത്തിയിരുന്നു. അദ്ദേഹത്തിന്റെ ആ സാന്നിധ്യം നല്‍കിയ ആത്മവിശ്വാസവും വാത്സല്യവുമാണ്‌ ഇപ്പോള്‍ ഇവിടെ വരെ എത്തിച്ചതെന്ന്‌ സിദ്ദിഖ്‌ പറഞ്ഞു. മുന്നോട്ടുള്ള യാത്രകളില്‍ ആ വലിയ മനുഷ്യന്‍ നല്‍കിയ സുരക്ഷിതത്വം ഇന്നും ഞാന്‍ അനുഭവിക്കുന്നുണ്ട്‌. നേതാവ്‌ എന്നതിനപ്പുറം ഒരു പിതാവ്‌ മകനോട്‌ കാണിക്കുന്ന ഹൃദയവാത്സല്യമായിരുന്നു അദ്ദേഹത്തില്‍ നിന്നും അനുഭവിച്ചത്‌. ഉമ്മന്‍ചാണ്ടി പഠിപ്പിച്ചുനല്‍കിയ രാഷ്‌ട്രീയപാഠങ്ങളും, ജനപക്ഷ രാഷ്‌ട്രീയവുമാണ്‌ എന്നും മുതല്‍ക്കൂട്ടായുള്ളത്‌. ഭൗതികമായി കൂടെയില്ലെങ്കിലും പൊതുപ്രവര്‍ത്തകനെന്ന നിലയില്‍ ഏതു പ്രതിസന്ധിഘട്ടത്തെയും മറികടന്നു മുന്നോട്ടു പോകാന്‍ അദ്ദേഹം നല്‍കിയ ആത്മവിശ്വാസമാണ്‌ എപ്പോഴും കൂടെയുള്ളതെന്നും സിദ്ദിഖ്‌ കൂട്ടിച്ചേര്‍ത്തു. നാട്ടകം സുരേഷ്‌ എം എല്‍ എ, കോട്ടയം ജില്ലാ പഞ്ചായത്ത്‌ പ്രസിഡന്റ്‌ ജോഷി ഫിലിപ്പ്‌, പുതുപ്പള്ളി ബ്ലോക്ക്‌ കോണ്‍ഗ്രസ്‌ പ്രസിഡന്റ്‌ ഗിരീഷ്‌, പുതുപ്പള്ളി മണ്ഡലം കോണ്‍ഗ്രസ്‌ കമ്മിറ്റി പ്രസിഡന്റ്‌ സാം, കുഞ്ഞു പുതുശേരി, ബാബു കെ. കോര, വി.വി ഗിരീഷ്‌, എ കെ രാജു, സാബു പുതുപ്പറമ്പില്‍ തുടങ്ങിയവരും മന്ത്രിയോടൊപ്പമുണ്ടായിരുന്നു.

വെള്ളികുളം സെന്റ്‌ ആന്റണീസ്‌ ഹൈസ്‌കൂളിന്‌ എസ്‌.എസ്‌.എല്‍.സി. പരീക്ഷയില്‍ മിന്നുന്ന വിജയം

Wed, 20 May 2026 05:31:06 +0000

വെള്ളികുളം: മലയോര മേഖലയില്‍ എസ്‌.എസ്‌.എല്‍.സി. പരീക്ഷയ്‌ക്ക് നൂറ്‌ ശതമാനം വിജയം കരസ്‌ഥമാക്കിക്കൊണ്ട്‌ വെള്ളികുളം സെന്റ്‌. ആന്റണീസ്‌ ഹൈസ്‌കൂള്‍ വീണ്ടും വിജയക്കൊടി പാറിച്ചു. വെള്ളികുളം സെന്റ്‌. ആന്റണീസ്‌ ഹൈസ്‌കൂളില്‍ എസ്‌.എസ്‌.എല്‍.സി. പരീക്ഷ എഴുതിയ 51 വിദ്യാര്‍ത്ഥികളും ഉന്നത മാര്‍ക്കോടെ വിജയിച്ചത്‌ നാടിന്‌ അഭിമാനമായി. റിജോ ജോണ്‍, ജെസിയമോള്‍ എന്നിവര്‍ ഫുള്‍ എ പ്ലസ്‌ കരസ്‌ഥമാക്കി. മൂന്നുപേര്‍ക്ക്‌ 9 പ്ലസ്‌, നാല്‌ പേര്‍ക്ക്‌ 7 പ്ലസ്‌ എന്നിവ കരസ്‌ഥമാക്കി. കിലോമീറ്ററുകള്‍ യാത്ര ചെയ്‌തും പ്രതികൂല കാലാവസ്‌ഥയെ നേരിട്ടുമാണ്‌ വിദ്യാര്‍ത്ഥികള്‍ സ്‌കൂളില്‍ എത്തുന്നത്‌. ചിട്ടയായ പരിശീലനവും അധ്യാപകരുടെ അര്‍പ്പണ ബോധവുമാണ്‌ വിജയത്തിന്റെ അടിസ്‌ഥാനം. ഏതാനും വര്‍ഷങ്ങളായി എസ്‌.എസ്‌.എല്‍.സി. പരീക്ഷയില്‍ 100 ശതമാനം വിജയം സ്‌കൂള്‍ കരസ്‌ഥമാക്കി വരുന്നു. വിദ്യാര്‍ഥികളെയും, പരിശീലിപ്പിച്ച അധ്യാപകരെയും സ്‌കൂള്‍ മാനേജര്‍ ഫാ. സ്‌കറിയ വേകത്താനം, ഹെഡ്‌മാസ്‌റ്റര്‍ സോജന്‍ ജോര്‍ജ്‌ ഇളംതുരുത്തിയില്‍, പി.ടി.എ. പ്രസിഡന്റ്‌ മനേഷ്‌ കൊല്ലിത്തടത്തില്‍, മാര്‍ട്ടിന്‍ പി. ജോസ്‌ പ്ലാത്തോട്ടം, ജോമി ആന്റണി കടപ്ലാക്കല്‍, സിസ്‌റ്റര്‍ ലിറ്റില്‍ ഫ്‌ളവര്‍ ചെരുവന്‍പറമ്പില്‍, സിനി ജിജി വളയത്തില്‍, ആല്‍ഫി ബാബു വടക്കേല്‍ തുടങ്ങിയവര്‍ അഭിനന്ദിച്ചു.

പിണറായി പ്രതിപക്ഷ നേതാവാകേണ്ടിയിരുന്നില്ല കേരളാ കോണ്‍ഗ്രസ്‌ വോട്ട്‌ പൂര്‍ണമായി കിട്ടിയില്ല

Wed, 20 May 2026 05:31:06 +0000

കോട്ടയം: സംസ്‌ഥാന നേതൃ്വത്തിനെതിരേ കടന്നാക്രമണവുമായി സി.പി.എം. ജില്ലാ കമ്മിറ്റി. ജില്ലാ സെക്രട്ടറിയേറ്റിനു സമാനമായ ആക്രമണമാണ്‌, തെരഞ്ഞെടുപ്പ്‌ പരാജയം വിലയിരുത്താന്‍ ചേര്‍ന്ന ജില്ലാ കമ്മിറ്റി യോഗത്തിലുണ്ടായത്‌. നേതൃത്വത്തിന്റെ പല നിലപാടുകളും മുന്നണിയുടെ പരാജയത്തിലേക്കു നയിച്ചു. പ്രതിപക്ഷ നേതാവായി പിണറായി വിജയനെ നിശ്‌ചയിച്ചതും തെറ്റായ തീരുമാനമായി. ജില്ലയിലെ സ്‌ഥാനാര്‍ഥി നിര്‍ണയത്തില്‍ പിഴവുകളുണ്ടായി. പുതുപ്പള്ളിയിലെ സ്‌ഥാനാര്‍ഥി നിര്‍ണയത്തിനെതിരേ ഏരിയാ സെക്രട്ടറി പൊട്ടിത്തെറിച്ചു. സ്‌ഥാനാര്‍ഥി മോശമായിരുന്നുവെന്നും കെട്ടിവച്ച പണം നഷ്‌ടമാകുന്ന അവസ്‌ഥയില്‍ നിന്നു തലനാരിഴയ്‌ക്കാണ്‌ രക്ഷപ്പെട്ടതെന്നും അദ്ദേഹം പറഞ്ഞു. ഈ അവസ്‌ഥയിലേക്കു പാര്‍ട്ടി എത്തിയതെങ്ങനെയെന്നു ചിന്തിക്കണമെന്നും അദ്ദേഹം വികാരഭരിതനായി പറഞ്ഞു. കോട്ടയത്തെ സ്‌ഥാനാര്‍ഥി നിര്‍ണയവും പരാജയമായി. കെ. അനില്‍കുമാര്‍ അഞ്ചു വര്‍ഷമായി സ്‌ഥാനാര്‍ഥി വേഷം കെട്ടി നടക്കുകയായിരുന്നുവെന്ന ആക്ഷേപവുമുണ്ടായി. ഏറ്റുമാനൂരില്‍ തെരഞ്ഞെടുപ്പു ഏകോപന പ്രവര്‍ത്തനങ്ങളില്‍ പാളിച്ചകളുണ്ടായി. സെക്രട്ടറിയേറ്റിലേതിനു സമാനമായി ഏറ്റുമാനുരില്‍ അമിത ആത്മവിശ്വാസം വിനയായെന്ന കുറ്റപ്പെടുത്തലുമുണ്ടായി. തെരഞ്ഞെടുപ്പ്‌ അടുത്തിരിക്കേ റിമി ടോമിയെ പങ്കെടുപ്പിച്ചു നടത്തിയ ഷോ ഒഴിവാക്കേണ്ടതായിരുന്നുവെന്നും പ്രതിനിധികള്‍ വിമര്‍ശിച്ചു. കേരളാ കോണ്‍ഗ്രസ്‌ -എമ്മിന്റെ വോട്ടുകള്‍ പൂര്‍ണമായി മുന്നണിയ്‌ക്കു ലഭിച്ചില്ല. പാര്‍ട്ടിയുടെ ജനപ്രതിനിധികളുടെ വാര്‍ഡുകള്‍ എല്‍.ഡി.എഫ്‌.പിന്നിലായി. മുന്നണി കണ്‍വീനര്‍ കൂടിയായ ലോപ്പസ്‌ മാത്യുവിന്റെ വാര്‍ഡില്‍ മുന്നണി സ്‌ഥാനാര്‍ഥി മൂന്നാം സ്‌ഥാനത്തായിരുന്നുവെന്നും വിമര്‍ശനമുണ്ടായി. വൈക്കത്തെ തോല്‍വിയില്‍ സി.പി.ഐയ്‌ക്കെതിരേയും രൂക്ഷമായ പരാമര്‍ശങ്ങളുണ്ടായി. ഇന്നും കമ്മിറ്റി തുടരും. തെരഞ്ഞെടുപ്പ്‌ അവലോകനങ്ങളുടെ തുടര്‍ ചര്‍ച്ചകളുടെ ഭാഗമായി നാളെ മുതല്‍ 23 വരെ സംസ്‌ഥാന സമിതിയംഗങ്ങളുടെ സാന്നിധ്യത്തില്‍ ഏരിയാ കമ്മിറ്റി യോഗങ്ങള്‍ ചേരാന്‍ തീരുമാനമായി. ജില്ലാ സെക്രട്ടറിയേറ്റ്‌ അംഗം പി.കെ. ഹരികുമാര്‍ അധ്യക്ഷനായ യോഗത്തില്‍ സംസ്‌ഥാന സെക്രട്ടറിയേറ്റ്‌ അംഗ്‌ങളായ സി.എന്‍. മോഹന്‍, വി.എന്‍. വാസവന്‍ എന്നിവര്‍ സന്നിഹിതരായിരുന്നു.

ജില്ലാ പഞ്ചായത്തിന്റെ തെരുവുനായ സംരക്ഷണ പദ്ധതി കോ- ഓര്‍ഡിനേഷന്‍ കമ്മിറ്റിക്ക്‌ മുന്നില്‍

Wed, 20 May 2026 05:31:06 +0000

കോട്ടയം: എ.ബി.സി. പദ്ധതി പ്രകാരം വന്ധ്യംകരണം നടത്തിയ നായകളെ തെരുവിലേക്കു വിടുന്നതിനു പകരം സംരക്ഷിക്കാനുള്ള ജില്ലാ പഞ്ചായത്തിന്റെ പദ്ധതി കോര്‍ഡിനേഷന്‍ കമ്മിറ്റിയുടെ മുമ്പില്‍. മനുഷ്യജീവനു ഭീഷണിയാകുന്ന തെരുവുനായകളെ കൊല്ലാമെന്ന സുപ്രീംകോടതി ഉത്തരവു വന്നിരിക്കേ, വ്യത്യസ്‌തമാകുന്നതാണു നിര്‍ദിഷ്‌ട പദ്ധതി. പുതിയ ഭരണസമിതി അധികാരം ഏറ്റെടുത്തശേഷമുള്ള ആദ്യ ബജറ്റില്‍ പ്രഖ്യാപിച്ച പദ്ധതിയാണ്‌ അനുമതി തേടി കോഓര്‍ഡിനേഷന്‍ കമ്മിറ്റി മുമ്പാകെയുള്ളത്‌. അനുമതി ലഭിച്ചാലുടന്‍ പദ്ധതി നടപ്പിലാക്കുമെന്നു ജില്ലാ പഞ്ചായത്ത്‌ അധികൃതര്‍ അറിയിച്ചു. വന്ധ്യംകരിച്ച നായകളെ വളര്‍ത്തുന്നതാണു പദ്ധതി. താത്‌പര്യമുള്ളവര്‍ക്കു മൃഗസംരക്ഷണവകുപ്പ്‌ നിര്‍ദേശിക്കുന്ന വലിപ്പത്തിലുള്ള കൂട്‌ ജില്ലാ പഞ്ചായത്ത്‌ ലഭ്യമാക്കും. വന്ധ്യംകരിച്ച്‌ വാക്‌സിന്‍ നല്‍കി പഞ്ചായത്ത്‌ ലൈസന്‍സോടു കൂടിയാകും നായയെ നല്‍കുക. നായയുടെ സംരക്ഷണം ഉറപ്പാക്കാന്‍ പ്രത്യേക ചിപ്പ്‌ ഘടിപ്പിക്കും. നായകള്‍ക്കു ചികിത്സ ആവശ്യമായി വന്നാല്‍ വിളിച്ചറിയിച്ചാല്‍ മൃഗസംരക്ഷണവകുപ്പിന്റെ മൊബൈല്‍ യൂണിറ്റ്‌ സ്‌ഥലത്തെത്തും. എല്ലാ പഞ്ചായത്തിലും പദ്ധതി നടപ്പിലാക്കാനാണു തീരുമാനം. അനുമതി ലഭിച്ചാല്‍ ആദ്യഘട്ടമായി രണ്ടു പഞ്ചായത്തുകളില്‍ പദ്ധതി നടപ്പിലാക്കാനാണ്‌ ജില്ലാ പഞ്ചായത്തിന്റെ തീരുമാനം. വാകത്താനം ഉള്‍പ്പെടെയുള്ള പഞ്ചായത്തുകളാണ്‌ തെരഞ്ഞെടുത്തിരിക്കുന്നതെന്നാണു സൂചന. ബജറ്റ്‌ പ്രഖ്യാപനത്തിനു പിന്നാലെ പദ്ധതിയുടെ വിശദാംശങ്ങള്‍ തേടി നിരവധി അന്വേഷണങ്ങള്‍ വന്നിരുന്നതായും ജില്ലാ പഞ്ചായത്ത്‌ അധികൃതര്‍ അറിയിച്ചു.അതേസമയം, എ.ബി.സി. പദ്ധതി കൃത്യമായി നടക്കുന്നുണ്ടെന്നും അധികൃതര്‍ അറിയിച്ചു. നിലവില്‍, ജില്ലയില്‍ തെരുവു നായ ശല്യം രൂക്ഷമാകുകയാണ്‌. നഗര- ഗ്രാമ വ്യത്യാസമില്ലാതെ തെരുവുനായശല്യം വര്‍ധിച്ചിട്ടും അധികൃതരുടെ ഭാഗത്തുനിന്നു നടപടികളൊന്നുമുണ്ടാകുന്നില്ലെന്നു പരാതിയുണ്ട്‌. നഗരത്തില്‍ കെ.എസ്‌.ആര്‍.ടി.സി. ബസ്‌ സ്‌റ്റാന്‍ഡ്‌, മാര്‍ക്കറ്റ്‌, എം.ജി. റോഡ്‌, കോടിമത പ്രദേശങ്ങളിലാണു തെരുവുനായശല്യം രൂക്ഷം. രണ്ടാഴ്‌ചയ്‌ക്കുള്ളില്‍ സ്‌കൂള്‍ തുറക്കാനിരിക്കേ തെരുവുനായ ശല്യം വര്‍ധിക്കുന്നത്‌ ആശങ്കയ്‌ക്കു കാരണമാകുന്നതായി രക്ഷിതാക്കള്‍ പറയുന്നു.