സിനിമാപാരമ്പര്യമുള്ള കുടുംബത്തില് നിന്നെത്തി ആദ്യ സിനിമയിലൂടെ തന്നെ പ്രേക്ഷകഹൃദയം കീഴടക്കിയ താരമാണ് ആലിയ ഭട്ട്. വളരെ ചുരുക്കം സിനിമകളിലൂടെ തന്നെ ആലിയ ബോളിവുഡിന്റെ സ്വന്തം താരമായി. അധികം താമസിയാതെ ബ്ലോക്ക്ബസ്റ്റര് ഹിറ്റുകള് സമ്മാനിച്ച് ബോളിവുഡിന്റെ താരറാണിയാകാനും ആലിയയ്ക്ക് കഴിഞ്ഞു. രണ്വീര് കപൂറിന്റെ ഭാര്യയായി കപൂര് കുടുംബത്തിലേക്ക് എത്തിയതോടെ വ്യക്തി ജീവിതത്തിലും താരം റാണി തന്നെയായി. മകള് റാഹയുടെ ജനനത്തോടെ അമ്മയെന്ന നിലയിലും പൂര്ണ്ണ സന്തോഷവതിയായി താരം.
മകള് ജനിച്ച ശേഷം അധികം സിനിമകളൊന്നും ചെയ്യുന്നില്ലെങ്കിലും ഫാഷന് വേദികളില് സജീവ സാന്നിധ്യമാണ് ആലിയ. ഹോട്ട് ഗ്ലാമര് ലുക്കുകളില് ആലിയ എത്തുമ്പോള് ക്യാമറക്കണ്ണുകള് മറ്റാരെയും പരതാറില്ല എന്നുള്ളതാണ് സത്യം. ഔട്ട്ഫിറ്റ് സെലക്ഷനുകളില് പ്രത്യേകമായൊരു സെന്സ് തന്നെയുണ്ട് താരത്തിന്. പൊതുവേദികളില് ആലിയ ധരിക്കുന്ന ഔട്ട്ഫിറ്റുകള് നിമിഷവേഗത്തില് ട്രെന്ഡിംഗ് ലിസ്റ്റില് ഒന്നാമതാകാറുണ്ട്.
ഇപ്പോഴിതാ 2026 ലെ കാൻ ഫിലിം ഫെസ്റ്റിവലിൽ ലോറിയൽ പാരീസിനെ പ്രതിനിധീകരിച്ച്, ഉദ്ഘാടന ദിവസം റെഡ് കാർപെറ്റിലെത്തിയ ആലിയയുടെ ലുക്കാണ് സോഷ്യല് മീഡിയയില് നിറയുന്നത്. ബ്രിട്ടീഷ് ഡിസൈനർ ടാമര റാൽഫിന്റെ കസ്റ്റം കോറൽ സിൽക്ക് കോച്ചർ ഗൗൺ ധരിച്ചാണ് ആലിയ റാമ്പിലെത്തിയത്. ബ്രൈറ്റ് കോറൽ സിൽക്ക് ക്രേപ്പ് മരോകെയ്ൻ കോർസെറ്റഡ് ബ്ലഷ് പിങ്ക് ഗൗണാണിത്. സ്ട്രാപ്ലെസ്സ് സ്വീറ്റ്ഹാർട്ട് നെക്ക്ലൈനും ഗ്രാഫിക് പ്ലഞ്ചിംഗ് കട്ടൗട്ട് ഡീറ്റെയിലിംഗുമുള്ള ബോഡീസാണ് ഔട്ട്ഫിറ്റിന് ഹോട്ട് ലുക്ക് നല്കുന്നത്.
ഇതിനൊപ്പം ചതുരാകൃതിയിലുള്ള ഡയമണ്ട് കമ്മലുകളും ഒരു ആഷർ-കട്ട് ഡയമണ്ട് മോതിരവും പീച്ച് നിറത്തിലുള്ള രത്നക്കല്ലുകളും ശ്രദ്ധേയമായ ഒരു ഡ്രോപ്പ് പെൻഡന്റും ഉൾക്കൊള്ളുന്ന സ്റ്റേറ്റ്മെന്റ് പവിഴ-വജ്ര മാല ഉൾപ്പെടെ ചോപാർഡിൽ നിന്നുള്ള ആഭരണങ്ങളും താരം അണിഞ്ഞു. ഗൗണിൽ ഘടിപ്പിച്ചിരിക്കുന്ന നാടകീയമായ ഷിഫോൺ ഡ്രാപ്പിംഗാണ് ഔട്ട്ഫിറ്റിനെ കൂടുതല് ആകര്ഷകമാക്കുന്നത്. റെഡ് കാര്പറ്റിലൂടെ ആലിയ നടന്നപ്പോള് മനോഹരവും സിനിമാറ്റിക് ഇഫക്റ്റും സൃഷ്ടിക്കാന് ഈ ഡ്രാപ്പിംഗിന് കഴിഞ്ഞിട്ടുണ്ട്. നിരവധി പേരാണ് താരത്തിന്റെ ഈ ലുക്കിനെ പ്രശംസിച്ച് കമന്റുകള് കുറിക്കുന്നത്.
കരിയറിലാണെങ്കിലും മികച്ച സിനിമകള് മാത്രമാണ് താരം സെലക്ട് ചെയ്യുന്നത്. 2026 ജൂലൈയിൽ റിലീസ് ചെയ്യുന്ന ഷാർവാരിയോടൊപ്പം YRF സ്പൈ ത്രില്ലറായ ആൽഫ, രൺബീർ കപൂറും വിക്കി കൗശലും അണിനിരക്കുന്ന സഞ്ജയ് ലീല ബൻസാലിയുടെ ലവ് & വാർ തുടങ്ങിയവയാണ് താരത്തിന്റെ വരാനിരിക്കുന്ന പ്രൊജക്ടുകള്.
