തിരുവനന്തപുരം: സംസ്ഥാനത്ത് പുതിയ മെഡിക്കല് കോളജുകള് ആരംഭിക്കുക എന്നത് യു.ഡി.എഫ്. സര്ക്കാരിന്റെ പ്രഖ്യാപിത നയമാണെന്നും അതില് വിട്ടുവീഴ്ചയുണ്ടാകില്ലെന്നും ആരോഗ്യമന്ത്രി കെ. മുരളീധരന്. തിരുവനന്തപുരം മെഡിക്കല് കോളജുമായി ബന്ധപ്പെട്ട് ഡോ. ഹാരിസ് ചിറയ്ക്കല് മുന്നോട്ടുവച്ച നിര്ദേശങ്ങള് സര്ക്കാര് ഉള്ക്കൊള്ളും. പത്തനംതിട്ട കോഴഞ്ചേരി ജില്ലാ ആശുപത്രിയിലെ ചികിത്സാ പിഴവ് സംബന്ധിച്ച റിപ്പോര്ട്ട് ലഭിച്ചിട്ടുണ്ടെന്നും അടിയന്തര നടപടി ഉടനുണ്ടാകുമെന്നും മുരളീധരന് അറിയിച്ചു.
പുതിയ മെഡിക്കല് കോളജുകള് യാഥാര്ഥ്യമാക്കുന്നതിനൊപ്പം നിലവിലുള്ളവയുടെ അടിസ്ഥാന സൗകര്യങ്ങള് വിപുലപ്പെടുത്തുകയും ചെയ്യും. തിരുവനന്തപുരം, ഹരിപ്പാട് മെഡിക്കല് കോളജുകളുടെ നിര്മാണം സാക്ഷാത്കരിക്കും. സര്ക്കാര് ആശുപത്രികളിലെ ഡോക്ടര്മാരുടെ തസ്തികകള് വര്ധിപ്പിക്കും. ആശുപത്രികളില് കൂടുതല് കിടക്കകള് ഒരുക്കും. മരുന്നുലഭ്യതയും ചികിത്സാ സേവനവും ഉറപ്പാക്കും. മെഡിക്കല് കോളജുകള് സന്ദര്ശിച്ച് രോഗികളുടെ പരാതികള് കേട്ട് പരിഹാരം കാണാന് ശ്രമിക്കുമെന്നും മന്ത്രി പറഞ്ഞു.
ആശുപത്രികളില് മരുന്നുലഭ്യതയും ചികിത്സാ സേവനവും ഉറപ്പാക്കും. ശുചിത്വ പ്രവര്ത്തനം ശക്തമാക്കാന് തദ്ദേശഭരണ സ്ഥാപനങ്ങളുമായി ചേര്ന്ന് സംയുക്ത യോഗം ഉടന് ചേരും. വര്ഷകാലത്തിന് മുന്നോടിയായുള്ള പകര്ച്ചവ്യാധി പ്രതിരോധ പ്രവര്ത്തനങ്ങള്ക്കായി പ്രത്യേക യോഗം ചേര്ന്നിട്ടുണ്ടെന്നും മന്ത്രി പറഞ്ഞു.
എബോള വൈറസ് ബാധ സംബന്ധിച്ച് ആശങ്കപ്പെടേണ്ട സാഹചര്യമില്ല. വിദേശത്തുനിന്ന് എത്തുന്ന യാത്രക്കാരെ നിരീക്ഷിക്കാന് വിമാനത്താവളങ്ങളില് കര്ശന സംവിധാനങ്ങള് ഒരുക്കിയിട്ടുണ്ട്. രോഗം സ്ഥിരീകരിക്കുന്ന സാഹചര്യമുണ്ടായാല് പ്രത്യേക ഐസൊലേഷന് വാര്ഡുകള് സജ്ജമാണെന്നും മന്ത്രി പറഞ്ഞു.
