യാത്രകള് പലപ്പോഴും നമ്മുടെ ദിനചര്യകളെ തെറ്റിക്കാറുണ്ട്. ഇത് പലപ്പോഴും ശരീരഭാരം കൂടുന്നതിലേക്ക് നയിക്കുകയും ചെയ്യാം. പുതിയ സ്ഥലങ്ങള് കണ്ടെത്തുക, പ്രാദേശിക വിഭവങ്ങള് രുചിച്ചറിയുക, ദിനചര്യകളില് നിന്ന് അല്പം ഇടവേളയെടുക്കുക എന്നിവയെല്ലാം യാത്രകളുടെ ഭാഗമാണ്. എന്നാല് ഈ സ്വാതന്ത്ര്യത്തിന് പലപ്പോഴും നമ്മള് ഒരു വലിയ വില നല്കേണ്ടി വരാറുണ്ട്. സ്വാദിഷ്ടമായ ഭക്ഷണങ്ങള്, മുടങ്ങുന്ന വ്യായാമങ്ങള്, നീണ്ട യാത്രകള് എന്നിവ കാരണം യാത്ര കഴിഞ്ഞ് മടങ്ങിയെത്തുമ്പോള് ഭാരം അളക്കുന്ന യന്ത്രത്തിലെ സൂചി മേലോട്ട് ഉയര്ന്നതായി കാണുന്നത് സാധാരണമാണ്. യാത്രയിലായിരിക്കുമ്പോള് ആരോഗ്യകരമായ ശീലങ്ങള് എങ്ങനെയെല്ലാം നിലനിര്ത്താമെന്ന് അറിയാം......
1. പോഷകാഹാര രീതി ലളിതമാക്കുക - യാത്ര ചെയ്യുമ്പോള് സ്വന്തമായി ഭക്ഷണം പാകം ചെയ്യാന് സാധിക്കാത്തതിനാല് കലോറി കണക്കാക്കുന്നതും ആരോഗ്യകരമായ ഭക്ഷണം തിരഞ്ഞെടുക്കുന്നതും അല്പം ബുദ്ധിമുട്ടാണ്. കൊഴുപ്പ് കുറഞ്ഞ പ്രോട്ടീന് (lean proteins), ധാരാളം പച്ചക്കറികള്, പുതിയ പഴങ്ങള് എന്നിവ തിരഞ്ഞെടുക്കാനും, എണ്ണമയമുള്ളതും ക്രീമിയായതും അമിതമായി കഴിയ്ക്കാതിരിയ്ക്കുക. കലോറികള് കണക്കാക്കി വിഷമിക്കാതെ തന്നെ ശരിയായ പാതയില് തുടരാന് ഈ രീതി സഹായിക്കും.
2. ശാരീരിക അധ്വാനം നിര്ബന്ധമാക്കുക - യാത്രയിലാണെങ്കില് പോലും ദിവസവും വ്യായാമം ചെയ്യുന്നത് നിര്ബന്ധമാക്കണം. ഹോട്ടലിലെ ജിം ഉപയോഗിച്ചോ, റൂമില് വെച്ച് തന്നെ ചെറിയ വ്യായാമങ്ങള് ചെയ്തോ, അല്ലെങ്കില് പുറത്ത് വേഗത്തില് നടക്കുകയോ ഓടുകയോ ചെയ്തോ ദിവസവും കുറഞ്ഞത് 30 മിനിറ്റെങ്കിലും ശാരീരിക അധ്വാനത്തില് ഏര്പ്പെടുക. നിങ്ങള് എവിടെയായിരുന്നാലും ഫിറ്റ്നസ് ശീലം നിലനിര്ത്താന് ഇത് സഹായിക്കും.
3. ധാരാളം വെള്ളം കുടിക്കുക - ഇടയ്ക്കിടെ ബാത്ത്റൂമില് പോകുന്നത് ഒഴിവാക്കാന് വേണ്ടി യാത്രകളില് പലരും വെള്ളം കുടിക്കുന്നത് കുറയ്ക്കാറുണ്ട്. എന്നാല് ഇത് നിര്ജ്ജലീകരണത്തിന് (dehydration) കാരണമാകും. നിര്ജ്ജലീകരണം സംഭവിക്കുമ്പോള് തത്ക്ഷണം ക്ഷീണവും തളര്ച്ചയും അനുഭവപ്പെടുകയും, കൂടുതല് വിശപ്പ് തോന്നുകയും ചെയ്യും. ഇത് നിയന്ത്രിക്കാന് കഴിയാത്ത വിശപ്പിലേക്ക് നയിക്കാം. അതിനാല്, നിങ്ങളുടെ ശരീരഭാരത്തിന്റെ ഓരോ കിലോഗ്രാമിനും 30 മില്ലിലിറ്റര് വെള്ളം എന്ന കണക്കില് ദിവസവും കുടിക്കാന് ശ്രദ്ധിയ്്ക്കുക.
4. മദ്യം ഒഴിവാക്കുകയോ പരിമിതപ്പെടുത്തുകയോ ചെയ്യുക - യാത്രയില് മദ്യപിക്കുന്നത് നിങ്ങളുടെ ആരോഗ്യകരമായ ദിനചര്യകളെ എളുപ്പത്തില് തകരാറിലാക്കുമെന്നതിനാല് അത് ഒഴിവാക്കാനോ പരമാവധി കുറയ്ക്കുകയോ ചെയ്യുക. മദ്യപാനം പലപ്പോഴും അര്ദ്ധരാത്രിയിലെ ജങ്ക് ഫുഡ് കഴിപ്പിലേക്കും, നിര്ജ്ജലീകരണത്തിലേക്കും, ഉറക്കമില്ലായ്മയിലേക്കും നയിക്കുന്നു. ഇത് അടുത്ത ദിവസം നിങ്ങളെ ക്ഷീണിതനാക്കും.
5. മുന്കൂട്ടി ആസൂത്രണം ചെയ്യുക - യാത്ര ആരംഭിക്കുന്നതിന് മുമ്പ് തന്നെ ആരോഗ്യകരമായ ശീലങ്ങള് ആസൂത്രണം ചെയ്യാം. സാധ്യമെങ്കില് ജിം സൗകര്യമുള്ള താമസസ്ഥലങ്ങള് ബുക്ക് ചെയ്യുക, കൂടാതെ ധാരാളം പ്രോട്ടീനും പച്ചക്കറികളും അടങ്ങിയ സമീകൃത ഭക്ഷണം നല്കുന്ന റസ്റ്റോറന്റുകള് മുന്കൂട്ടി കണ്ടെത്തുക. പുറത്തുപോകുമ്പോള് ഒരു പുനരുപയോഗിക്കാവുന്ന വാട്ടര് ബോട്ടില് കയ്യില് കരുതുക, മദ്യം ഒഴിവാക്കാന് ശ്രദ്ധിക്കുക.
