തെരുവില് അലയുന്ന അനാഥത്വങ്ങള്ക്കൊപ്പം ആഹാരം കഴിച്ചും അവര്ക്ക് വിവാഹത്തിന്റെ ആദ്യ ക്ഷണക്കത്ത് നല്കിയും സബ് കളക്ടറും ശബരീനാഥന് എംഎല്എയുടെ പ്രതിശ്രുതവധുവുമായ ദിവ്യാ അയ്യര്.
തെരുവില് അലയുന്ന അനാഥര്ക്ക് ഭക്ഷണവും മറ്റ് സൗകര്യങ്ങളും സ്ഥിരമായി എത്തിച്ചു കൊടുക്കുന്ന സാമൂഹ്യ പ്രവര്ത്തനങ്ങള്ക്ക് നേതൃത്വം നല്കുന്ന ജ്വാലാ ഫൗണ്ടേഷന്റെ പരിപാടിയിലാണ് ദിവ്യാ അയ്യര് തെരുവിലെ മനുഷ്യര്ക്കൊപ്പം ഭക്ഷണം കഴിച്ചത്.
ട്രിവാന്ഡ്രം ഹോട്ടലില് ലോക വിശപ്പുദിനത്തിലാണ് തെരുവിലെ അനാഥരായ അനേകം വൃദ്ധര്ക്ക് ഭക്ഷണം നല്കുന്ന ചടങ്ങ് നടന്നത്. ഭക്ഷണത്തിന് ശേഷം തന്റെ ആദ്യ വിവാഹ ക്ഷണക്കത്തും ദിവ്യ തെരുവിലെ അനാഥര്ക്ക് നല്കി.
തെരുവിന്റെ വിശപ്പ് മാറാന് പൊതിച്ചോറുമായി തിരുവനന്തപുരത്ത് എത്തുന്ന അശ്വതിജ്വാലയുടെ നേതൃത്വത്തില് പ്രവര്ത്തിക്കുന്ന ജ്വാലാ ഫൗണ്ടേഷന് സന്നദ്ധ സംഘടന മാതൃകാപരമായ നിരവധി പ്രവര്ത്തനങ്ങളിലൂടെ പ്രസിദ്ധമാണ്. ഇതിന്റെ അമരക്കാരിയാണ് അശ്വതി ജ്വാല
