തിരുവനന്തപുരം: സ്വാമിയുടെ ജനനേന്ദ്രിയം മുറിച്ചതുമായി ബന്ധപ്പെട്ട കേസില് പെണ്കുട്ടിയുടെ അമ്മ വിവാദ സ്വാമി ഗംഗേശ്വരാനന്ദയ്ക്ക് അനുകൂലമായി രംഗത്ത് വന്നതോടെ സ്വാമിയെ വീണ്ടും കസ്റ്റഡിയില് എടുക്കും. സ്വാമിയുടെയും യുവതിയുടെയും യുവതിയുടെ അമ്മയുടെയും മൊഴികള് പരസ്പര വൈരുദ്ധ്യമായതോടെ കേസില് കൂടുതല് ചോദ്യം ചെയ്യലിന് ഒരുങ്ങുകയാണ് പോലീസ്. സ്വാമിയെ പിന്തുണച്ച് രംഗത്ത് വന്ന മാതാവ് മകള്ക്ക് മാനസീക രോഗമാണെന്നും മകള് തന്നെയാണ് സ്വാമിയെ വിളിച്ചു വരുത്തിയതെന്നും പറഞ്ഞിട്ടുണ്ട്.
മകള്ക്ക് കാമുകനുമായുള്ള ബന്ധം ഗംഗേശാനന്ദ സ്വാമി എതിര്ത്തതാണ് ശത്രുതയുടെ കാരണം. ഇതേ തുടര്ന്ന് ഒന്നരവര്ഷമായി മകള് സ്വാമിയുമായി സംസാരിച്ചിട്ടേയില്ല. മകളെ സ്വാമി പീഡിപ്പിച്ചിട്ടില്ലെന്നും മകള് അങ്ങോട്ടു കയറി അക്രമിക്കുകയായിരുന്നെന്നുമാണ് പരാതിയില് പറഞ്ഞിരിക്കുന്നത്. സംഭവം നടന്ന മെയ് 19 ന്റെ തലേന്ന് വയനാട്ടിലായിരുന്ന സ്വാമിയെ പെണ്കുട്ടി തന്നെയാണ് പേട്ടയിലെ വീട്ടിലേക്ക് വിളിച്ചു വരുത്തിയത്. സംഭവം നടക്കുമ്പോള് സ്വാമി വീട്ടിലെ ഹാളിലായിരുന്നു കിടന്നുറങ്ങിയത്. രാത്രി വെള്ളവും പഴവും കഴിക്കുന്ന പതിവുള്ള സ്വാമിക്ക് വേണ്ടി ഇവ താന് ഹാളില് കൊണ്ടുപോയി വെച്ചു മടങ്ങി.
ഈ സമയം സ്വാമി മയക്കത്തിലായിരുന്നു. തൊട്ടടുത്ത നിമിഷം തന്നെ മകള് ഹാളില് നിന്നും ഇറങ്ങിപ്പോകുന്നതും ഗംഗേശ്വാനന്ദ സ്വാമി രക്തത്തില് കുളിച്ചു കിടക്കുന്നതും കണ്ടു. വീട്ടില് നിന്നിറങ്ങിയ യുവതി നേരെ പോയത് ഉന്നത പോലീസ് ഉദ്യോഗസ്ഥന്റെ വീട്ടിലേക്കായിരുന്നു. അവിടെ നിന്നാണ് പോലീസിനെ വിളിച്ചത്. പെണ്കുട്ടിയെ സംശയിക്കുന്ന സാഹചര്യം മാതാവിന്റെ പരാതില് വ്യക്തമാണ്. എന്നാല് സംഭവത്തില് തന്നെ ആരും ആക്രമിച്ചിട്ടില്ലെന്നാണ് സ്വാമി പോലീസിന് ആശുപത്രിയില് വെച്ചു കൊടുത്ത മൊഴി. അതിന് മുമ്പ് പോലീസ് നടത്തിയ ചോദ്യം ചെയ്യലില് പീഡനം സഹിക്കാന് കഴിയാതെയാണ് താന് സ്വാമിയുടെ ലൈംഗികാവയവം മുറിച്ചു മാറ്റിയതെന്നാണ് യുവതി നല്കിയിട്ടുള്ള മൊഴി.
മാതാവിന്റെ പരാതി കൂടി വന്ന സ്ഥിതിക്കാണ് ചോദ്യം ചെയ്യാന് സ്വാമിയെ പോലീസ് വീണ്ടും കസ്റ്റഡിയില് വാങ്ങിയത്. സ്വാമിക്ക് കുടുംബവുമായി നല്ല ബന്ധമാണ് ഉള്ളതെന്നും ലൈംഗികമായി ഉപയോഗിച്ചെന്ന വാദം കള്ളമാണെന്നും യുവതിയുടെ മാതാവ് നല്കിയ പരാതിയില് പറഞ്ഞിട്ടുണ്ട്. അതേസമയം സംഭവം നടന്നതിന് പിന്നാലെ ഇത്തരത്തില് മൊഴി നല്കാതിരുന്ന മാതാവ് പിന്നീട് പെണ്കുട്ടിക്കെതിരേ പരാതിയുമായി എത്തിയത് സംശയാസ്പദമായിട്ടുണ്ട്. ഇവര്ക്ക് പിന്നില് ചില ഹിന്ദു സംഘടനകളുടെ സമ്മര്ദ്ദമാണ് പെട്ടെന്ന് ഇത്തരത്തിലൊരു മാറ്റത്തിന് കാരണമെന്നും സംശയം ഉയരുന്നുണ്ട്. സംഭവത്തെ തുടര്ന്ന് വീടു വിട്ടിരിക്കുന്ന യുവതി ഇപ്പോള് ബന്ധുവീട്ടിലാണ് താമസം. സ്വാമിയുടെ നില മെച്ചപ്പെട്ടു വരികയാണ്.
