അഹമ്മദാബാദ്: പേര് വര്ഷില് ഷാ, വയസ്17, നേട്ടം ഹയര് സെക്കന്ഡറി പരീക്ഷയില് 99.99% മാര്ക്ക്, അടുത്തലക്ഷ്യംആരെയും വേദനിപ്പിക്കാതെ ജീവിതത്തിന്റെ ശാശ്വതാനന്ദം കണ്ടെത്തുക. ഇത്രയും കേട്ടപ്പോള് പയ്യന് കൊച്ചുവായില് വലിയ തത്വചിന്ത വിളമ്പുകയാണെന്നേ മാധ്യമപ്രവര്ത്തകര് കരുതിയുള്ളൂ. എന്നാല്, കോളജ് ജീവിതമുപേക്ഷിച്ച്, സുവീര്യ രത്ന വിജയ്ജി മഹാരാജ് എന്ന പേരില് െജെനസന്യാസിയായി രാജ്യം മുഴുവന് അലയാനാണു തീരുമാനമെന്നു വര്ഷില് പ്രഖ്യാപിച്ചതോടെ അവര് ഞെട്ടി.
ഒന്നാം €ാസില് ചേര്ക്കുമ്പോള്തന്നെ കുട്ടിയെ ഏതു ജോലിക്കു വിടണമെന്നു നിശ്ചയിച്ചുറപ്പിക്കുന്ന രക്ഷിതാക്കള്ക്കു വര്ഷിലും മാതാപിതാക്കളും അത്ഭുതമായി മാറിയിരിക്കുകയാണ്. രണ്ടാഴ്ചമുമ്പ് പരീക്ഷാഫലമറിഞ്ഞപ്പോള് സംസ്ഥാനത്തെ ഏറ്റവും ഉയര്ന്ന മാര്ക്ക് വര്ഷിലിനായിരുന്നു. എന്നാല്, തുടര്വിദ്യാഭ്യാസത്തേക്കുറിച്ച് ചിന്തിക്കുന്നതിനു പകരം കുടുംബത്തിന്റെ ആശീര്വാദത്തോടെ സന്യാസദീക്ഷ സ്വീകരിക്കുകയാണ് അവന് ചെയ്തത്. അതിനായി തല മുണ്ഡനം ചെയ്ത്, വെളുത്ത വസ്ത്രങ്ങളണിഞ്ഞ് പുതിയ പേരും സ്വീകരിച്ചു. പിതാവ് ടാക്സ് കണ്സള്ട്ടന്റായിരുന്നിട്ടും സമൂഹം സമ്പത്തിനു കല്പിക്കുന്ന പ്രാധാന്യത്തില് വര്ഷില് അസ്വസ്ഥനായിരുന്നു. അതുകൊണ്ടുതന്നെ മറ്റുള്ളവരെ ഉപദ്രവിക്കാതെ ആഹഌദം കണ്ടെത്താനാണ് ആഗ്രഹമെന്നും അതിനായി സന്യാസം സ്വീകരിക്കുകയാണെന്നും മാതാപിതാക്കളോടു തുറന്നുപറഞ്ഞു.
റെക്കോഡ് മാര്ക്ക് നേടിയെങ്കിലും ഉപരിപഠനമോ ഉന്നതജോലിയോ തന്റെ ലക്ഷ്യമല്ലെന്നായിരുന്നു അവന്റെ നിലപാട്. ബോര്ഡ് പരീക്ഷയിലെ ഒന്നാം റാങ്ക് തന്നെ ആഹഌദിപ്പിക്കുന്നില്ലെന്നു സന്യാസദീക്ഷയുടെ തലേന്ന് വര്ഷില് മാധ്യമങ്ങളോടു പറഞ്ഞു. ഭൗതികലോകം ശാശ്വതാഹഌദം നല്കില്ല. അതുകൊണ്ടാണു െജെനസന്യാസിയാകാന് തീരുമാനിച്ചതെന്നും വര്ഷില് പറഞ്ഞു.
