ദൗസ: ദാരിദ്രരേഖയ്ക്ക് കീഴിലുള്ള കുടുംബങ്ങളെ രാജസ്ഥാനിലെ ബി.ജെ.പി സര്ക്കാര് വിശേഷിപ്പിക്കുന്നത് കണ്ടാല് സങ്കടംവരും. മറ്റൊന്നുമല്ല, 'ഞാന് ദരിദ്രനാണ്' എന്ന ബോര്ഡ് ആണ് ഇവരുടെ വീടുകളിലെ ചുവറില് സര്ക്കാര് എഴുതിവച്ചിരിക്കുന്നത്. മഞ്ഞ നിറഞ്ഞമുള്ള ബോര്ഡില് ചുവന്ന മഷിയില് വലിയ അക്ഷരങ്ങളിലാണ് ജനങ്ങളുടെ ദാരിദ്ര്യം സര്ക്കാര് വിളിച്ചറിയിക്കുന്നത്. ദൗസ ജില്ലാ കൗണ്സിലിലെ 1.5 ലക്ഷം കുടുംബങ്ങളെയാണ് ഇങ്ങനെ അപമാനിച്ചിരിക്കുന്നത്.
ദരിദ്ര കുടുംബങ്ങള്ക്ക് നല്കുന്ന സബ്സിഡിയുള്ള ഭക്ഷ്യധാന്യം സ്വീകരിക്കുന്ന ബിപിഎല് കുടുംബങ്ങളുടെ വീടുകളുടെ മുന്വശത്താണ് ഈ ബോര്ഡ് വച്ചിരിക്കുന്നത്. ഇതിനെതിരെ വ്യാപകമായി വിമര്ശനം ഉയരുമ്പോഴും അര്ഹരായ കുടുംബങ്ങള് മാത്രമാണ് സബ്സിഡി വാങ്ങുന്നത് എന്നുറപ്പാക്കാനാണ് ഈ നടപടിയെന്ന വിശദീകരണമാണ് ഉദ്യോഗസ്ഥര് നല്കുന്നത്.
