പുലിമുരുകന് എന്ന ചിത്രത്തില് നായകനൊത്ത വില്ലനായിരുന്നു ഡാഡിഗിരിജ എന്ന കഥാപാത്രം. ആ കഥാപാത്രത്തിന് വേണ്ടി വൈശാഖ് തിരഞ്ഞെടുത്തത് തെലുങ്കില് നിന്നുമായിരുന്നു. ആദ്യകാലത്ത് റെമാന്റിക്ക് നായകനും ആക്ഷന് നായകനുമായി തിളങ്ങിയ ജഗപതി ബാബുവായിരുന്നു ഡാഡിഗിരിജയായി തിരശ്ശീലയില് മിന്നിമറഞ്ഞത്.
എന്നാല് ഒരു ഇടവേളയ്ക്ക് ശേഷം ജഗപതി ബാബു വീണ്ടും ഒരു നായകന്റെ മേലംഗി അണിയുകയാണ്. പട്ടേല് എസ്.ഐ.ആര് എന്ന് പേരിട്ടിരിക്കുന്ന ചിത്രത്തിലാണ് വമ്പന് ആക്ഷനുമായി താരം എത്തുന്നത്.
ഒരു നായകന് എന്ന നിലയില് തനിക്ക് മാര്ക്കറ്റില്ലെന്ന് തനിക്കറിയാം. എങ്കിലും താന് മോശം ചിത്രങ്ങളില് അഭിനയിക്കുന്നതിന്റെ പ്രസക്തി കാണുന്നില്ല. നേരത്തെ ജോലിയില്ലാത്തതിന്റെ പ്രശ്നം കണ്ടറിഞ്ഞതാണെന്നും അത്തരം മോശം അവസ്ഥയില് വീടുവരെ വിറ്റ് ഒരു അപ്പാര്ട്ട്മെന്റിലേക്ക് ഒതുങ്ങേണ്ടിവന്നതായും താരം പറഞ്ഞു. ഇതാണ് വില്ലന് വേഷത്തില് തിരികെ എത്തിയത്. ഏറ്റവും പുതിയ സ്റ്റൈല് ആയ സാള്ട്ട് ആന്റ് പെപ്പര് ലുക്കിലാണ് രണ്ടാം വരവ് അദ്ദേഹം തകര്ത്തത്.
ഒരു റിവഞ്ച് ത്രില്ലര് എന്നാണ് അണിയറപ്രവര്ത്തകര് ചിത്രത്തെക്കുറിച്ച് വിശേഷിപ്പിച്ചിരിക്കുന്നത്.
