കൊച്ചി: കൊച്ചി മെട്രോയുടെ കുതിപ്പിനൊപ്പം പുതിയ ജീവിതവുമായി രണ്ട് ജീവനക്കാര്. മെട്രോയുടെ സ്റ്റേഷന് കണ്ട്രോളര്ക്ക് ജീവിത സഖിയായി ട്രെയിന് ഓപറേറ്റര്. ഇവര്ക്ക് ആശംസ നേര്ക്ക് കെ.എം.ആര്.സിയും.
മെട്രോയിലെ സ്റ്റേഷന് കണ്ട്രോളര് വിനീത് ശങ്കറും ട്രെയിന് ഓപറേറ്റര് അഞ്ജു ഹര്ഷനുമാണ് കഴിഞ്ഞ ദിവസം വിവാഹിതരായത്. മെട്രോയില് ജോലിക്കെത്തിയപ്പോഴാണ് ഇുവരും പരിചയപ്പെട്ടത്. ബംഗലൂരുവില് ട്രെയിനിംഗിന് പോയപ്പോള് കൂടുതല് അടുക്കുവാനും മനസ്സിലാക്കാനും കഴിഞ്ഞു. ഇതോടെ ഇനി ഒരേ ട്രാക്കില് ഒരുമിച്ച് നീങ്ങാന് ഇരുവരും തീരുമാനിക്കുകയായിരുന്നു.
കണ്ണുര് സ്വദേശിയാണ് വിനീത്. അഞ്ജു തിരുവനന്തപുരം സ്വദേശിയും. ഇവരുടെ വിവാഹത്തിന് ആദ്യം ആശംസയുമായി എത്തിയവരില് കെ.എം.ആര്.സിയുമുണ്ട്. കൊച്ചി മെട്രോയുടെ ഔദ്യോഗിക ഫേസ്ബുക്ക് പേജില് അത് പങ്കുവയ്ക്കുകയും ചെയ്തു.
കേരളത്തിന്റെ രണ്ടറ്റത്തുള്ള രണ്ടു പേരെ കൂട്ടിച്ചേര്ക്കാന് കഴിഞ്ഞതില് കൊച്ചി മെട്രോയ്ക്ക് ചാരുതാര്ത്ഥ്യമുണ്ട്. മുന്നോട്ടുള്ള യാത്രയില് തടസ്സമില്ലാതെ മുന്നേറാന് ഇവര്ക്ക് കഴിയട്ടെ എന്നാണ് കെ.എം.ആര്.സിയുടെ ആശംസ.
