മലയാള സിനിമയില് ലിജോ ജോസ് അത്ഭുതം തന്നെയാണ്്. സംവിധാനം ചെയ്ത ചിത്രങ്ങളിലെല്ലാം തന്നെ പുതുമ ഒളിപ്പിക്കുന്ന സംവിധായകന്. അങ്കമാലി ഡയറീസ് എന്ന ഹിറ്റ് ചിത്രത്തിന് ശേഷം ലിജോയുടെ 'ഈ മ യൗ' എന്ന ചിത്രത്തിനായുള്ള കാത്തിരിപ്പിലായിരുന്നു ആരാധകര്. 86 പുതുമുഖങ്ങളെ അണിനിരത്തിയ അങ്കമാലി ഡയറീസിന് ശേഷമുള്ള സിനിമ. മലയാള സിനിമാക്കാര് ഷൂട്ടിങ് പൂര്ത്തിയാക്കാന് 50 ദിവസം എടുക്കുമ്പോള് വെറും 18 ദിവസം കൊണ്ടാണ് ഈ മ യൗ പൂര്ത്തിയാക്കിയത്.
ഈശോ മറിയം യൗസേപ്പ് എന്നതിന്റെ ചുരുക്ക പേരാണ് ഈ മ യൗ. ദേശീയ അവാര്ഡ് നേടിയ തിരക്കഥാകൃത്ത് പിഎഫ് മാത്യുസിന്റേതാണ് രചന. ക്രിസ്ത്യാനികള് മരണ സമയത്ത് ഈശോ മറിയം യൗസേപ്പ് ചൊല്ലുന്നതുമായി ഇത്് ബന്ധപ്പെട്ടിരിക്കുന്നു. ചെല്ലാനമായിരുന്നു പ്രധാന ലൊക്കേഷന്. വിനായകന്, ചെമ്പന് വിനോദ്, ദിലീഷ് പോത്തന് എന്നിവരാണ് പ്രധാന കഥാപാത്രങ്ങള്.
നായകന്, സിറ്റി ഓഫ് ഗോഡ്, ആമേന്, ഡബിള് ബാരല്, അങ്കമാലി ഡയറീസ് എന്നീ അഞ്ചു സിനിമകളും വ്യത്യസ്തമായാണ് ലിജോ ഒരുക്കിയത്. ചിലത് തീയറ്ററില് പരാജയമായെങ്കിലും ലോക നിരൂപകരുടെ പോലും കയ്യടി നേടിയ ആഖ്യാനമായിരുന്നു. ഈ മ യൗ ഇവയില് നിന്നുമൊക്കെ വ്യത്യസ്തമായിരിക്കും.
