ലോകമെങ്ങും ആരാധകരുള്ള താര ദമ്പതികളായിരുന്നു ബ്രാഞ്ചലീന. ഹോളിവുഡിന്റെ പ്രതാപത്തെക്കാള് ഈ താര ദമ്പതികളെ ലോകത്തിന് പ്രിയങ്കരരാക്കിയത് ഇവരുടെ കുടുംബ ജീവിതമായിരുന്നു. ആറു മക്കളുമൊത്തുള്ള സന്തുഷ്ട കുടുംബം അല്പ്പം അസൂയയോടെയാണ് കുടുംബത്തിന് അല്പ്പായുസുള്ള ഹോളിവുഡ് നോക്കിയത്. എന്നാല് കഴിഞ്ഞ വര്ഷം ഇരുവരും വേര് പിരിയുന്നെന്ന വേദനാജനകമായ വാര്ത്ത സ്ഥിതീകരിച്ചു. ഒന്പതു വര്ഷത്തെ പ്രണയവും രണ്ടു വര്ഷത്തെ ദാമ്പത്യവും ബ്രാഞ്ചലീന അവസാനിപ്പിച്ചു. എങ്കിലും ആരാധകര്ക്ക് ഇന്നും പ്രതീക്ഷയുണ്ട് ബ്രാഞ്ചലീനയില്. ആ പ്രതീക്ഷയ്ക്ക് ആക്കം കൂട്ടുന്ന സംഭവമാണ് കഴിഞ്ഞ ദിവസം നടന്നത്.
ഇരുവരും വീണ്ടും ഒന്നിച്ചെത്തി. വേര് പിരിയലിന് ശേഷം ആഞ്ജലീന തന്റെ മനസ്സു തുറന്നു. 'ഒറ്റയ്ക്ക് ജീവിക്കുന്നത് എനിക്കിഷ്ടമല്ല, നിങ്ങളില്ലാതെ പറ്റുന്നില്ല. ഈ ജീവിതമല്ല ഞാന് ആഗ്രഹിച്ചതെ'ന്ന് ആഞ്ജലീന അറിയിച്ചു. ഏറെ സ്നേഹിച്ചയാളുടെ വാക്കുകള്ക്ക് മുന്നില് ഒഴിഞ്ഞു മാറാന് ബ്രാഡ് പിറ്റിനുമായില്ല. ഒരു സുഹൃത്തിന്റെ ഫ്ളാറ്റില് വെച്ചായിരുന്നു വികാര ഭരിതമായ കൂടികാഴ്ച.
