നടി രേഷ്മ രാജന്റെ വാക്കുകള് അടര്ത്തിയെടുത്ത് സോഷ്യല്മീഡിയയില് ഉയര്ന്ന വിവാദം അവസാനിക്കുന്നതിന് മുമ്പേ 'മുത്തശ്ശന്' പ്രയോഗവുമായി അഹാന കൃഷ്ണകുമാര്. പക്ഷെ ഇത്തവണ പ്രശ്നമുണ്ടാവാന് സാധ്യതയില്ല. കാരണം സ്വന്തം അച്ഛനും നടനുമായ കൃഷ്ണകുമാറിന്റെ പുതിയ മേക്കഓവര് കണ്ടാണ് മുത്തശ്ശന് എന്ന് അഹാന വിളിച്ചത്.
സുഗീത് സംവിധാനം ചെയ്യുന്ന ശിക്കാരി ശംഭുവിലെ കൃഷ്ണ കുമാറിന്റെ ചിത്രം ഷെയര് ചെയ്താണ് അഹാന മുത്തശ്ശന് എന്ന് വിളിച്ചത്. അച്ഛനെ കണ്ടാല് മുത്തശ്ശനാണെന്നേ തോന്നൂ എന്നാണ് അഹാനയുടെ കമന്റ്.
ചിത്രത്തില് റേഞ്ചര് വാസു എന്ന കഥാപാത്രത്തെയാണ് കൃഷ്ണകുമാര് അവതരിപ്പിക്കുന്നു. കോഴിക്കോട് റഷീദ് ആണ് ഈ മേക്ക് ഓവറിന് പിന്നില്. കഴിഞ്ഞ ദിവസങ്ങളില് വന് വിവാദമായി മാറിയ വിനീത് ശ്രീനിവാസന്റെ അങ്കിള്, ലിച്ചിയുടെ അച്ഛന് പ്രയോഗത്തിനും ശേഷമാണ് അഹാനയുടെ മുത്തശ്ശന് വിളി. പക്ഷേ ഇതില് വിമര്ശനത്തിന് യാതൊരു സ്കോപ്പുമില്ല.
