ബോളിവുഡ് സുന്ദരി സണ്ണി ലിയോണും ഭര്ത്താവ് ഡാനിയല് വെബ്ബറുടെയും ജീവിതത്തിലേയ്ക്ക് എത്തിയ അപ്രതീക്ഷിത അതിഥി ആയിരുന്നു ലാത്തൂരില് നിന്നുള്ള നിഷ വെബ്ബര്. നിഷയെ ദത്തെടുത്തതോടെ സണ്ണി-വെബ്ബര് ദമ്പതികളുടെ ജീവിതവും അടിമുടി മാറിക്കഴിഞ്ഞൂ. തുറന്നു പറച്ചിലുമായി എത്തിയിരിക്കുന്നത് സണ്ണി ലിയോണിന്റെ ഭര്ത്താവ് ഡാനിയല് വെബ്ബറുമാണ്.
കുഞ്ഞുവാവയ്ക്ക് ശിശുദിനാശംസകള് നേര്ന്നുകൊണ്ട് നിഷയുമൊത്തുള്ള ചിത്രം പങ്കുവെച്ചുകൊണ്ടാണ് അച്ഛന് ഡാനിയേല് വെബ്ബര് എത്തിയിരിക്കുന്നത്. ജീവിതത്തില് എല്ലാം നേടിക്കഴിഞ്ഞുവാണ് ഞങ്ങള് കരുതിയിരുന്നത്. ആ ഞായറാഴ്ച വരെ. എന്നാല് ഒരു ഞായറാഴ്ചയാണ് അവള് കടന്നുവന്നത്. അതിനു ശേഷം തങ്ങളുടെ ജീവിതത്തില് ഒരു ദിവസം പോലും വ്യര്ത്ഥമായി തോന്നിയിട്ടില്ലെന്ന് ഡാനിയല് പറയുന്നു. ഇപ്പോള് നീയില്ലാത്ത ഒരു ദിവസത്തെക്കുറിച്ച് എനിക്ക് ആലോചിക്കാന് പോലും വയ്യെന്ന് ആയിരിക്കുന്നു. നിഷാ കൗറിനു ശിശുദിനാശംസകളും ഡാനിയേല് ചിത്രത്തിനു താഴെ കുറിച്ചു.
