
ന്യൂഡല്ഹി: മുന് പ്രതിരോധ മന്ത്രിയും കോണ്ഗ്രസ് പ്രവര്ത്തക സമിതി അംഗവുമായി എ.കെ ആന്റണിയെ ആശുപത്രിയില് പ്രവേശിപ്പിച്ചു. ഡല്ഹിയിലെ റാം മനോഹര് ലോഹ്യ ആശുപത്രിയിലാണ് അദ്ദേഹത്തെ പ്രവേശിപ്പിച്ചിരിക്കുന്നത്.
രക്തത്തില് പഞ്ചസാരയുടെ അളവ് കുറഞ്ഞതിനെ തുടര്ന്നാണിത്. ആന്റണി 24 മണിക്കൂര് നിരീക്ഷണത്തിലായിരിക്കുമെന്ന് ആശുപത്രി വൃത്തങ്ങള് അറിയിച്ചു. അടുത്തിടെ കുളിമുറിയില് വീണ് ആന്റണിക്ക് പരിക്കേല്ക്കുകയും ചെയ്തിരുന്നു.






