കൊച്ചി: വിമര്ശകര്ക്ക് മറുപടിയുമായി ജിഷയുടെ അമ്മ രാജേശ്വരി. ജിഷ കൊലക്കേസ് സമയത്ത് കണ്ട ജിഷയുടെ അമ്മ രാജേശ്വരിയല്ല ഇപ്പോഴെന്നും ആഡംബരം കൂടിയെന്നുമൊക്കെയായിരുന്നു വിമര്ശകരുടെ വിമര്ശനം. മകളുടെ മരണത്തിന്റെ പേരില് ലഭിച്ച പണം ധൂര്ത്തടിക്കുന്നുവെന്നുപോലും വിമര്ശനങ്ങള് ഉയര്ന്നു വന്നിരുന്നു. എന്നാല് ഇതിനെല്ലാം ഉള്ള മറുപടിയുമായിട്ടാണ് രാജേശ്വരി തന്നെ രംഗത്തെത്തിയിരിക്കുന്നത്.
എന്റെ മകളെ ക്രൂരമായി കൊന്നു. ഏതെങ്കിലും അമ്മയ്ക്ക് സ്വന്തം മകള് മരിച്ച് കിടക്കുന്ന വേദനയില് സ്വന്തം രൂപത്തെ കുറിച്ച് ചിന്തിക്കാന് കഴിയുമോ. ജീവിതത്തിന്റെ രണ്ടറ്റം കൂട്ടിമുട്ടിക്കാന് പല വീടികളിലും ജോലി ചെയ്ത് നടന്നു. കഷ്ടപ്പാടിനിടയില് എന്റെ രൂപത്തെക്കുറിച്ചൊന്നും ഞാന് ആലോചിച്ചിട്ടില്ല. മകളുടെ മരണശേഷം എന്റെ വീടീന് മുന്നില് രണ്ടു പോലീസുകാര് എപ്പോഴും കാവലുണ്ടായിരുന്നു.
വിശപ്പില്ലെങ്കിലും അവര് എനിക്ക് ഭക്ഷണം എത്തിച്ചു നല്കിയിരുന്നു. അതിന്ശേഷം പണിക്ക് പോകാന് പറ്റിയിട്ടില്ല, വീട്ടില് തന്നെയാണ് എപ്പോഴും. അതൊക്കെ കൊണ്ടായിരിക്കും മാറ്റം തോന്നിയത്.
ഞാന് പൊട്ട് തൊട്ട് വന്നതാണ് ആളുകള്ക്ക് എന്റെ മാറ്റമായി തോന്നിയതെങ്കില് അത് മൂകാംമ്പികയിലെ പ്രസാദമായിരുന്നു. വിധി കേള്ക്കാന് എത്തുന്നതിന് മുന്പ് മൂകാംമ്പിക ക്ഷേത്രത്തില് പോയി സത്യസന്ധമായി വിധിയാവണേയെന്ന് പ്രാര്ത്ഥിച്ചിരുന്നു.
ജോലി കിട്ടി കഴിഞ്ഞ് മൂകാംമ്പികയില് പോകണമെന്ന് ജിഷ എപ്പോഴും പറയുമായിരുന്നു. ആളുകള് അവര്ക്കിഷ്ടമുള്ളത് പോലെ പറയട്ടെ. ഞാന് അനുഭവിക്കുന്ന വേദന എനിക്ക് മാത്രമറിയാം.
