ന്യൂഡല്ഹി: ഓഖി ദുരന്തത്തില്പ്പെട്ട് കടലില് പോയി കാണാതായവരുടെ എണ്ണം സംബന്ധിച്ച് ഞെട്ടിക്കുന്ന കണക്കുമായി കേന്ദ്രസര്ക്കാര്. ദുരന്തത്തില്പ്പെട്ട് ആകെ കാണാതായവരുടെ എണ്ണം 661 ആണെന്ന് കേന്ദ്ര പ്രതിരോധമന്ത്രി നിര്മല സീതാരാമന് പറഞ്ഞു. കേരളത്തില് നിന്ന് 261 പേരെ കണ്ടെത്താനുണ്ടെന്നു പറഞ്ഞ മന്ത്രി തമിഴ്നാട്ടില് നിന്ന് 400 പേരെയാണ് കാണാതായെന്നും ലോക്സഭയെ അറിയിച്ചു.
ഈ മാസം ഇരുപത് വരെയുള്ള കണക്കാണ് മന്ത്രി സഭയില് വ്യക്തമാക്കിയത്. ഇതുവരെ 845 പേരെ രക്ഷപ്പെടുത്തിയെന്നും മന്ത്രി വ്യക്തമാക്കി. നാവിക, വ്യോമ സേനകളും, കോസ്റ്റ് ഗാര്ഡും സംയുക്തമായി നടത്തിയ തിരച്ചിലില് ഡിസംബര് 29 വരെ 821 പേരെ രക്ഷപ്പെടുത്തിയിട്ടുണ്ടെന്നാണ് കേന്ദ്രം വ്യക്തമാക്കുന്നത്.
215 പേരെ രക്ഷപ്പെടുത്താനുണ്ടെന്നായിരുന്നു കഴിഞ്ഞ ദിവസം കേന്ദ്ര ആഭ്യന്തരമന്ത്രി രാജ്നാഥ് സിംഗ് വ്യക്തമാക്കിരുന്നത്. ഇതുവരെ രക്ഷപെടുത്തിയവരില് 453 പേര് തമിഴ്നാട്ടില് നിന്നും 362 പേര് കേരളത്തില് നിന്നും 30 പേര് ലക്ഷദ്വീപ്, മിനിക്കോയി എന്നിവിടങ്ങളില് നിന്നുമുള്ളവരാണെന്നും മന്ത്രി അറിയിച്ചു.
അതേസമയം, ദുരന്തത്തില്പ്പെട്ട് കാണാതായവരുടെ വിവരം സംബന്ധിച്ച് കേന്ദ്രം പുറത്ത് വിട്ട കണക്ക് സംസ്ഥാന സര്ക്കാര് തള്ളി. ഈ കണക്ക്ക ശരിയല്ലെന്നും മന്ത്രി പറഞ്ഞു.കണ്ടെത്താനുള്ളത് 143 പേരെ മാത്രമാണെന്ന് സംസ്ഥാന ഫിഷറീസ് മന്ത്രി ജെ.മേഴ്സിക്കുട്ടിയമ്മ വ്യക്തമാക്കി. എണ്ണം സംബന്ധിച്ച് തെറ്റിധാരണ പരത്താന് ശ്രമിക്കേണ്ടെന്നും അവര് പറഞ്ഞു. കേന്ദ്രം നല്കിയ ദുരിതാശ്വാസം അപര്യാപ്തമാണെന്നും മന്ത്രി കൂട്ടിച്ചേര്ത്തു. നിര്മ്മലാ സീതാരാമനുമായി കൂടിക്കാഴ്ച നടത്തുകയും വിവരങ്ങള് ധരിപ്പിക്കുകയുഗ ചെയ്തിട്ടുണ്ട്.ഇതില് കേന്ദ്രം എന്ത് നിലപാട് സ്വീകരിക്കുമെന്നുമാണ് സംസ്ഥാനം ഉറ്റുനോക്കുന്നത്.
