കലോത്സവ പൂരത്തിന്റെ ആവേശം ഉയരുന്നതിനിടെ നഗരിയില് പഴയിടം ഇടഞ്ഞു. കലോത്സവ നഗരിയിലെ തന്റെ പാചക കലവറ പൂട്ടി തന്റെ പണിനോക്കി പോകുമെന്ന് പഴയിടം മോഹനന് നമ്പൂതിരിയാണ് ഭീഷണി മുഴക്കിയത്.
കല്ോത്സവനഗരിയിലെ പാചക കലവറയുടെ സമീപത്തായുള്ള മൂത്രപുരയുടെ പേരിലാണ് പഴയിടം ഇടഞ്ഞത്. ഒടുവില് സംഘടാകര് ഇടപെട്ട് പ്രശ്നം പരിഹരിച്ചു. പാചകപ്പുരയില് നിന്ന് മൂത്രത്തിന്റെ മണം വിട്ടുപോകാതെ ആയതോടെയാണ്ള പഴയിടം ചൂടായത്. താല്ക്കാലികമായി സ്ഥാപിച്ചതായിരുന്നു കലവറയുടെ അടുത്തുള്ള ബയോ ടോയ്ലറ്റ്. ബയോ ടോയ്ലറ്റ് എത്രയും പെട്ടെന്ന് എടുത്തുമാറ്റിയില്ലെങ്കില് കലവറയും പൂട്ടി താന് സ്ഥലം വിടുമെന്നായിരുന്നു പഴയിടം ഭീഷണി മുഴക്കിയത്.
പഴയിടം ഭീഷണി മുഴക്കിയതോടെ ടോയ്ലറ്റ് ആകെ വിവാദമായി. ഇതോടെ സംഘാടകര് ഓടിയെത്തുകയായിരുന്നു. തൊഴിലാളികള്ക്ക് സംഭവിച്ച പിഴവാണെന്നും, ഉടന് തന്നെ ടോയ്ലറ്റ് മാറ്റുമെന്നും ഭക്ഷണ കമ്മിറ്റി വൈസ് ചെയര്മാന് ജോണ് സാമുവല് അറിയിച്ചതോടെ പഴയിടം ശാന്തനാകുകയായിരുന്നു.
