മലക്കം മറിഞ്ഞ് കേന്ദ്രവും കോടതിയും; തീയറ്ററുകളില് ദേശീയഗാനം വേണ്ട, ദേശഭക്തി നെറ്റിയില് ഒട്ടിച്ചു നടക്കേണ്ട
ന്യൂഡല്ഹി: ഏറെ വിവാദങ്ങള്ക്കും വിമര്ശനങ്ങള്ക്കുമൊടുവിലാണ് തീയറ്ററുകളില് ദേശീയ ഗാനം കേള്പ്പിക്കണമെന്ന നിയമം നിലവില് വന്നത്. കേരളത്തിലുള്പ്പെടെ ഇതിന്റെ പേരില് വന് സംഘര്ഷങ്ങളുണ്ടായി. എന്നാലിപ്പോള് സിനിമ തുടങ്ങും മുന്പ് ദേശീയഗാനം കേള്പ്പിക്കണമെന്ന ഉത്തരവ് തല്ക്കാലം മരവിപ്പിക്കണമെന്ന് ആവശ്യപ്പെട്ട് കേന്ദ്ര സര്ക്കാര് സുപ്രീം കോടതിയെ സമീപിച്ചു.
ദേശീയഗാനം ആലപിക്കുന്നത് സംബന്ധിച്ച് ആറ് മാസത്തിനകം മാര്ഗരേഖയുണ്ടാക്കാന് വിവിധ മന്ത്രാലയങ്ങളിലെ ഉദ്യോഗസ്ഥരുടെ സമിതിയെ നിയോഗിച്ചിട്ടുണ്ടെന്നും സത്യവാങ്മൂലത്തില് സര്ക്കാര് വ്യക്തമാക്കി. ദേശീയഗാനം തീയറ്ററുകളില് കേള്പ്പിക്കണമോ എന്നതിനേപ്പറ്റി പഠിച്ചു റിപ്പോര്ട്ട് നല്കാന് ഡിസംബറില് 12അംഗ സമിതിയെ നിയമിച്ചിട്ടുണ്ട്. ജൂണ് 5നകം റിപ്പോര്ട്ട് ലഭിക്കും. അതിന്റെ അടിസ്ഥാനത്തില് ദേശീയ ചിഹ്നഹ്നങ്ങളെ അവഹേളിക്കുന്നത് തടയുന്നതിനുള്ള നിയമത്തില് മാറ്റം വരുത്തും, ആവശ്യമായ മാര്ഗരേഖ പുറത്തിറക്കും അതുവരെ സുപ്രീം കോടതി ഉത്തരവ് നടപ്പാക്കേണ്ടതില്ലെന്നാണ് സര്ക്കാര് നിലപാട്.
വലിപ്പക്കുറവു മൂലം ഒരു രൂപ നാണയം എടുക്കുന്നില്ല; പിന്വലിക്കണമെന്ന് ആവശ്യം
റാംപൂര് : രാജ്യത്ത് 500/1000 രൂപ നോട്ടുകള് നിരോധിച്ചതു പോലെ ഒരു രൂപ നാണയങ്ങളും നിര്ത്തലാക്കണമെന്ന് ആവശ്യം. ഉത്തര്പ്രദേശിലെ ഭിക്ഷാടകരാണ് ഈ ആവശ്യവുമായി മുന്നോട്ട് വന്നിരിക്കുന്നത്.
അന്പതു പൈസയുടെ വലിപ്പം മാത്രമുള്ള ഒരു രൂപ നാണയങ്ങള് കടക്കാരും ഓട്ടോറിക്ഷാക്കാരും സ്വീകരിക്കുന്നില്ലെന്നാണ് രാമ്പൂരിലെ ഭിക്ഷാടകരുടെ പരാതി. നോട്ട് നിരോധനത്തിന് പിന്നാലെ നാണയങ്ങളുടെ വലിപ്പത്തിലും മോഡി സര്ക്കാര് മാറ്റങ്ങള് വരുത്തിയിരുന്നു.
ഇന്ത്യ നിലപാട് കടുപ്പിച്ചു; അനധികൃത റോഡ് നിര്മ്മാണത്തില് നിന്നും പിന്മാറി ചൈന
ഇന്ത്യന് അതിര്ത്തിക്കുള്ളിലേയ്ക്ക് ഒരു കിലോമീറ്ററോളം അതിക്രമിച്ചു കയറി റോഡ് നിര്മ്മിക്കാനുള്ള ശ്രമം ചൈന ഉപേക്ഷിച്ചു. ചൈന പിന്മാറിയതോടെ ഇവരില് നിന്നും പിടിച്ചെടുത്ത നിര്മ്മാണ സാമഗ്രഹികളും യന്ത്രങ്ങളും ഇന്ത്യന് സൈന്യം തിരിച്ചു നല്കി.
രണ്ടാഴ്ച മുന്പാണ് അരുണാചല് പ്രദേശിലെ ഇന്ത്യന് അതിര്ത്തിയില് ചൈനീസ് സൈനീകരും റോഡ് നിര്മ്മാണ തൊഴിലാളികളും ഉള്പ്പെടുന്ന സംഘം ഒരു കിലോമീറ്ററോളം കടന്നു കയറിയത്. ഷിയാദ് നദീ തീരം വരെ സംഘം എത്തിയതായാണ് റിപ്പോര്ട്ട്.
സ്കൂള് വിദ്യാര്ത്ഥികള്ക്കിടയിലേക്ക് ലോറി പാഞ്ഞുകയറി ; മൂന്ന് വിദ്യാര്ത്ഥികള് മരിച്ചു
മലപ്പുറം: നിലമ്പൂര് വഴിക്കടവിനടുത്ത് സ്കൂള് വിദ്യാര്ത്ഥികള്ക്കിടയിലേക്ക് ലോറി പാഞ്ഞുകയറി മൂന്ന് വിദ്യാര്ത്ഥികള് മരിച്ചതായി റിപ്പോര്ട്ട്. പത്തു പേര്ക്ക് പരിക്കേറ്റു. ചൊവ്വാഴ്ച രാവിലെ മണിമൂളില് നടന്ന അപകടത്തില് സികെഎച്ച്എസ്എസ് വിദ്യാര്ത്ഥികളാണ് അപകടത്തില് പെട്ടത്. ഒരാള് സംഭവസ്ഥലത്ത് വെച്ചു തന്നെ മരണമടഞ്ഞു. രണ്ടു പേര് ആശുപത്രിയില് വെച്ചും മരണത്തിന് കീഴടങ്ങി. മൂന്നാം ക്ലാസ്സ് വിദ്യാര്ത്ഥികളായ മുഹമ്മദ് ഷാമില്, ഫിദ എന്നിവരുടെ മരണം സ്ഥിരീകരിക്കപ്പെട്ടിട്ടുണ്ട്.
മലപ്പുറം: നിലമ്പൂര് വഴിക്കടവിനടുത്ത് സ്കൂള് വിദ്യാര്ത്ഥികള്ക്കിടയിലേക്ക് ലോറി പാഞ്ഞുകയറി മൂന്ന് വിദ്യാര്ത്ഥികള് മരിച്ചതായി റിപ്പോര്ട്ട്. പത്തു പേര്ക്ക് പരിക്കേറ്റു. ചൊവ്വാഴ്ച രാവിലെ മണിമൂളില് നടന്ന അപകടത്തില് സികെഎച്ച്എസ്എസ് വിദ്യാര്ത്ഥികളാണ് അപകടത്തില് പെട്ടത്. ഒരാള് സംഭവസ്ഥലത്ത് വെച്ചു തന്നെ മരണമടഞ്ഞു. രണ്ടു പേര് ആശുപത്രിയില് വെച്ചും മരണത്തിന് കീഴടങ്ങി. മൂന്നാം ക്ലാസ്സ് വിദ്യാര്ത്ഥികളായ മുഹമ്മദ് ഷാമില്, ഫിദ എന്നിവരുടെ മരണം സ്ഥിരീകരിക്കപ്പെട്ടിട്ടുണ്ട്.
സോളാര് ബ്ലാക്ക്മെയിലിങ്; ബിജു രാധാകൃഷണനുമായുള്ള കൂടിക്കാഴ്ചയെയാണ് ഉദ്ദേശിച്ചതെന്ന് ഉമ്മന്ചാണ്ടി
തിരുവനന്തപുരം : സോളാര് കേസില് ഒരാള് തന്നെ ബ്ലാക്ക്മെയില് ചെയ്തുവെന്ന വെളിപ്പെടുത്തലിനെ തുടര്ന്ന് വീണ്ടും മുന് മുഖ്യമന്ത്രി ഉമ്മന്ചാണ്ടിയുടെ മൊഴിയെടുത്തു.ആലുവയില് ബിജു രാധാകൃഷ്ണനുമായി നടത്തിയ കൂടിക്കാഴ്ചയെയാണ് ബ്ലാക്ക്മെയിലിങ് എന്ന് ഉദ്ദേശിച്ചതെന്ന് ഉമ്മന്ചാണ്ടി അന്വേഷണ സംഘത്തെ അറിയിച്ചു.
