ഹജ്ജ് സബ്സിഡി നിര്ത്തലാക്കി കേന്ദ്രം; പണം മുസ്ലീം പെണ്കുട്ടികളുടെ ക്ഷേമത്തിന് വിനിയോഗിക്കും
ന്യൂഡല്ഹി : ഹജ്ജ് സബ്സിഡി നിര്ത്തലാക്കിയതായി കേന്ദ്രസര്ക്കാര്. 700 കോടി രൂപ ഹജ്ജ് സബ്സിഡിയായി നല്കുന്നതാണ് നിര്ത്തലാക്കിയിരിക്കുന്നത്. ഈ പണം മുസ്ലീം പെണ്കുട്ടികളുടെ ക്ഷേമത്തിനും പ്രത്യേകിച്ച് വിദ്യാഭ്യാസ പദ്ധതികള്ക്കായി ഉപയോഗിക്കാനാണ് നീക്കം.
പ്രായപൂര്ത്തിയായവര്ക്ക് ഇഷ്ട പങ്കാളിയെ തിരഞ്ഞെടുക്കാം: എതിര്ക്കാന് ആര്ക്കും അവകാശമില്ലെന്നും സുപ്രീംകോടതി
ന്യൂഡല്ഹി: പ്രായപൂര്ത്തിയായവര്ക്ക് ഇഷ്ടപങ്കാളിയെ തിരഞ്ഞെടുക്കാമെന്ന് വ്യക്തമാക്കി സുപ്രീംകോടതി. മിശ്രവിവാഹിതര് പ്രായപൂര്ത്തിയായവരാണെങ്കില് അവര്ക്ക് വിവാഹം കഴിക്കാന് യാതൊരു തടസ്സവുമില്ലെന്നും, ഇവരെ വിളിച്ചു വരുത്താനോ, എതിര് നടപടികള് സ്വീകരിക്കാനോ ഖാപ്പ് പഞ്ചായത്തുകള്ക്ക് അധികാരമില്ലെന്നും ചീഫ് ജസ്റ്റിസ് ഉള്പ്പെടെയുള്ള ബെഞ്ച് വ്യക്തമാക്കി.
ബി.ജെ.പി സ്ഥാനാര്ത്ഥിയായി മത്സരിക്കേണ്ടി വന്നതില് കുറ്റബോധമെന്ന് ഭീമന് രഘു; പത്തു തവണ വിളിച്ചിട്ടും സുരേഷ്ഗോപി പ്രചരണത്തിന് വന്നില്ല
ബി.ജെ.പി സ്ഥാനാര്ത്ഥിയായി മത്സരിക്കേണ്ടി വന്നതില് കുറ്റബോധമെന്ന് നടനും ബി.ജെ.പി അനുഭാവിയുമായ ഭീമന് രഘു. ജനങ്ങള്ക്കിടയിലേയ്ക്ക് ഇറങ്ങി വരാത്ത പാര്ട്ടിയാണ് ബി.ജെ.പി പത്തനാപുരത്ത് തോറ്റത് സംഘപരിവാറുകാര് കാലുവാരിയതുകൊണ്ടു മാത്രമാണെന്നും പത്ത് തവണ വിളിച്ചിട്ടും സുരേഷ് ഗോപി പ്രചരണത്തിന് വന്നില്ലെന്നും ഭീമന് രഘു കുറ്റപ്പെടുത്തി.
വിപണിയില് എത്തിയ മീനില് സയനൈഡിനെക്കാള് വീര്യമുള്ള വിഷം; ജാഗ്രതാ നിര്ദേശം
ടോക്യോ : ജപ്പാന്കാരുടെ പ്രിയ മത്സ്യമായ ഫുഗുവിന്റെ വിഷാംശമുള്ള കഷണങ്ങള് വിപണിയില് എത്തിയതോടെ മത്സ്യം കഴിക്കരുതെന്ന ജാഗ്രതാ നിര്ദേശവുമായി അധികൃതര് രംഗത്ത്. കരളും കുടലും നീക്കം ചെയ്യാത്ത മീന് വില്പനയ്ക്ക് എത്തിച്ചതാണ് ഇത്തരത്തില് ഒരു ജാഗ്രതാ നിര്ദേശം പുറപ്പെടുവിക്കാന് ഇടയാക്കിയിരിക്കുന്നത്.
സുപ്രീംകോടതിയിലെ പ്രതിസന്ധി: വിവാദ വാര്ത്താ സമ്മേളനം നടത്തിയ ജഡ്ജിമാരെ ചീഫ് ജസ്റ്റിസ് കണ്ടു,ഫുള് കോര്ട്ട് വിളിച്ചേക്കും
ന്യൂഡല്ഹി: ചീഫ് ജസ്റ്റിസിനെതിരെ രൂക്ഷ വിമര്ശനം ഉയര്ത്തി വിവാദ വാര്ത്താ സമ്മേളനം നടത്തിയ നാലു ജഡ്ജിമാരുമായും ചീഫ് ജസ്റ്റിസ് ദീപക് മിശ്ര ചര്ച്ച നടത്തി. ചീഫ് ജസ്റ്റിസിനും, അദേഹം കേസ് വിഭജിക്കുന്ന രീതിക്കുമെതിരെ പ്രതിഷേധിച്ചാണ് നാലു ജഡ്ജിമാര് വാര്ത്താ സമ്മേളനം നടത്തിയത്. സുപ്രീംകോടതി പ്രശ്ന പരിഹാരത്തിനായി ഫുള്കോര്ട്ട് വിളിച്ചേക്കുമെന്നാണ് സൂചന. ഇതു സംബന്ധിച്ച് നാളെ അന്തിമ തീരുമാനം ഉണ്ടാകുമെന്നാണ് റിപ്പോര്ട്ട്.
