കൊച്ചി: എം. സ്വരാജ് എം.എല്.എയ്ക്കൊപ്പമുള്ള ചിത്രം ദുരുപയോഗം ചെയ്ത് തനിക്കെതിരെ അപവാദം പ്രചരിപ്പിക്കുന്നതിനെതിരെ മാധ്യമപ്രവര്ത്തക ഷാനി പ്രഭാകരന് ഡിജിപിക്ക് പരാതി നല്കി. തന്റെയും എം.എല്.എയുടേയും ചിത്രം ഉപയോഗിച്ച് ലൈംഗികചുവയുള്ള പരാമര്ശങ്ങളുമായി അധിക്ഷേപം നടത്തുന്നുവെന്നാണ് ഷാനിയുടെ പരാതി.
അപവാദ പ്രചരണം തന്റെ അന്തസിനേയും വ്യക്തി എന്ന നിലയില് സ്വകാര്യതയേയും ബാധിക്കുന്നുവെന്നും പ്രസ്തുത നടപടിയില് ഏര്പ്പെട്ടിരിക്കുന്നവര്ക്കെതിരെ നിയമനടപടി സ്വീകരിക്കണമെന്നും ഷാനി പരാതിയില് പറയുന്നു. അപവാദ പ്രചരണത്തിന് ഉപയോഗിച്ചിരിക്കുന്ന ലിങ്കുകള് സഹിതമാണ് ഷാനി പരാതി നല്കിയിരിക്കുന്നത്.
ഷാനിയുടെ ഫെയ്സ്ബുക്ക് പോസ്റ്റ്
ഡി.ജി.പിക്ക് നൽകിയ പരാതി
_______________________
സര്,
ഞാന് ഷാനി പ്രഭാകരന്, മനോരമന്യൂസ് ചാനലില് മാധ്യമപ്രവര്ത്തകയാണ്. ഇന്നലെ മുതല് എനിക്കെതിരെ അപകീര്ത്തികരമായ പോസ്റ്റുകളുമായി ഒരു സംഘം ആളുകള് ഫേസ്ബുക്കിലും വാട്സാപ്പിലും അപവാദപ്രചാരണം നടത്തുന്നു. സുഹൃത്തും എം.എല്.എയുമായ എം.സ്വരാജിനൊപ്പം ലിഫ്റ്റില് നില്ക്കുന്ന ഫോട്ടോ ഉപയോഗിച്ച് അങ്ങേയറ്റം മോശമായ രീതിയില് സംഘടിതമായി പ്രചരിപ്പിക്കുകയാണ്.ലൈംഗികച്ചുവയോടെയുള്ള പരാമര്ശങ്ങളുമായി അധിക്ഷേപം നടത്തുകയാണ്. സ്ത്രീ എന്ന രീതിയില് എന്റെ അന്തസിനെയും വ്യക്തി എന്ന നിലയില് സ്വകാര്യതയെയും ബാധിക്കുന്ന പ്രസ്തുതനടപടിയില് ഏര്പ്പെട്ടിരിക്കുന്നവര്ക്കെതിരെ നിയമനടപടി സ്വീകരിക്കണമെന്ന് അഭ്യര്ഥിക്കുന്നു. അപവാദപ്രചരണം നടത്താനായി ഉപയോഗിച്ചിരിക്കുന്ന പോസ്റ്റുകളുടെ ലിങ്കുകളും വിശദാംശങ്ങളും ഇതോടൊപ്പം ചേര്ക്കുന്നു.
ഷാനി പ്രഭാകരന്
ചീഫ് ന്യൂസ് പ്രൊഡ്യൂസര്
മനോരമന്യൂസ്
കൊച്ചി
