കേരള ബ്ലാസ്റ്റേഴ്സ് വിട്ട മുന് താരം മാര്ക്ക് സിഫ്നിയോസിനെതിരെ ഐ.എസ്.എല് മലയാളം കമന്റേറ്റര് ഷൈജു ദാമോദരന്. സിഫ്നിയോസിനെതിരെ ബ്ലാസ്റ്റേഴ്സ് ആരാധകര് സോഷ്യല് മീഡിയയില് വിമര്ശനം തുടകരുകയാണ്. ഇതിന് പിന്നാലെയാണ് താരത്തെ വിമര്ശിച്ച് ഷൈജു ദാമോദരന് രംഗത്ത് വന്നിരിക്കുന്നത്.
സിഫ്നിയോസിനെ വിമര്ശിച്ച് ഷൈജു ദാമോദരന് ഫെയ്സ്ബുക്കില് പോസ്റ്റ് ചെയ്ത കുറിപ്പിന് ആരാധകരില് നിന്നും വന് സ്വീകാര്യതയാണ് ലഭിക്കുന്നത്. കൂടുതല് പണം മോഹിച്ചുള്ള കൂടുമാറ്റമാണ് സിഫ്നിയോസിന്റേതെന്ന് ഷൈജു ദാമോദരന് കുറ്റപ്പെടുത്തി. ആംസ്റ്റര്ഡാമിന് ഫ്ളൈറ്റ് പിടിക്കാന് പോയ ആള് മംഗള എക്സ്പ്രസില് കയറി ഗോവയില് ഇറങ്ങിയത് മറുകണ്ടം ചാടല് തന്നെയാണെന്നും ഷൈജു കുറ്റപ്പെടുത്തി.
''അമ്പട കള്ളാ സിഫ്നിക്കുട്ടാ !!
പത്തു തലയുള്ള രാവണാ !!
ആംസ്റ്റർഡാമിന് ഫ്ലൈറ്റ് പിടിക്കാൻ പോയ ആൾ
മംഗള എക്സ്പ്രസിൽ കയറി ഗോവയിലിറങ്ങി !!
Mark Sifneos Signs with FC Goa.
ശരിക്കും ഒരു മറുകണ്ടം ചാടൽ തന്നെ.
കൂടുതൽ ചില്ലറയ്ക്കു വേണ്ടിയുള്ള ഈ സെക്കന്റ് വിന്റോ ഏർപ്പാട് ശരിക്കും
മറ്റേപ്പണിയായിപ്പോയി സഹോ.''
സിഫ്നിയോസ് ഡച്ച് ക്ലബില് ചേരുന്നതിനായി ബ്ലാസ്റ്റേഴ്സ് വിട്ടുവെന്നായിരുന്നു വാര്ത്ത. എന്നാല് ഇന്നലെ ഗോവ എഫ്സിയുമായി ചര്ച്ച നടത്തിയ താരം ഗോവ ടീമില് ചേരുകയായിരുന്നു. താരത്തിന്റെ ഫെയ്സ്ബുക്ക് പേജില് ആരാധകുടെ പ്രതിഷേധം തുടരുകയാണ്. വിക്കിപീഡിയ പേജില് മാര്ക്ക് ട്രൈറ്റര് ശശി എന്ന് പേര് എഡിറ്റ് ചെയ്തും മാറ്റിയിട്ടുണ്ട്.
