നാഗാര്ജുന-അമല താരദമ്പതികളുടെ മകന് അഖില് അകിനേനിയുടെ വിവാഹം മുടങ്ങിയത് വലിയ വാര്ത്തയായിരുന്നു. വ്യവസായിയായ ജിവികെ റെഡ്ഡിയുടെ മകളും ഫാഷന് ഡിസൈനറുമായ ശ്രിയ ഭൂപാലുമായി 23കാരനായ അഖിലിന്റെ വിവാഹം നിശ്ചയിച്ചിരുന്നു. 2016 ഡിസംബറിലായിരുന്നു വിവാഹ നിശ്ചയ ചടങ്ങുകള്. 2017 മെയില് ഇറ്റലിയില് വച്ച് വിവാഹം നടത്താന് തീരുമാനമായി. ഇതിനിടയിലാണ് അഖിലും ശ്രേയയും തമ്മിലുള്ള അഭിപ്രായ വത്യാസങ്ങള് കാരണം വിവാഹം മുടങ്ങിയത്.
ഇപ്പോഴിതാ ശ്രേയയുടെ വിവാഹം മറ്റൊരാളുമായി നിശ്ചയിച്ചിരിക്കുകയാണ്. അപ്പോളോ ഹോസ്പിറ്റലിന്റെ ചെയര്മാനും സ്ഥാപകനുമായ പ്രതാപ് സി റെഡ്ഡിയുടെ പേരക്കുട്ടി അനിരുദ്ധ് റെഡ്ഡിയാണ് ശ്രേയയുടെ വരന് എന്ന് തെലുങ്ക് മാധ്യമങ്ങള് റിപ്പോര്ട്ട് ചെയ്യുന്നു.
തെലുങ്കാന എം.പി വിശ്വേശര് റെഡ്ഡിയുടെയും സംഗീതയുടെയും മൂത്തമകനാണ് അനിരുദ്ധ്. തെലുങ്ക് നടന് രാം ചരണിന്റെ ഭാര്യ ഉപാസനയുടെ അടുത്ത ബന്ധുക്കളാണ് ഇവര്.
