കോഴിക്കോട്: യാത്രാവിവരണ എഴുത്തുകാര്ക്കെതിരെ വിമര്ശനവുമായി സാഹിത്യകാരന് ടി. പദ്മനാഭന്. മലയാളത്തില് വ്യഭിചരിക്കപ്പെട്ട ശാഖയാണ് യാത്രാ വിവരണമെന്ന് ടി. പദ്മനാഭന് പറഞ്ഞു. ഒരിക്കലും യാത്ര പോകാതെ യാത്രാ വിവരണം എഴുതിയ വിരുതന്മാരുണ്ട്. ഇക്കാലത്ത് വിവരങ്ങള് ശേഖരിച്ച് യാത്രാ വിവരണം എഴുതാന് വളരെ എളുപ്പമാണ്. ഔദ്യോഗിക യാത്രയ്ക്ക് ബാങ്കോക്കിിേക്ക് പോയി യാത്രാ വിവരണം എഴുതിയവരുണ്ടെന്നും പദ്മനാഭന് പറഞ്ഞു.
മകളുടെ പ്രസവ ശുശ്രൂഷയ്ക്ക് ആഫ്രിക്കയിലേക്ക് നടത്തിയ യാത്ര യാത്രാ വിവരണമായി പ്രസിദ്ധീകരിച്ചവരുമുണ്ടെന്ന് പദ്മനാഭന് വെളിപ്പെടുത്തി. ഇത്തരമൊരു പുസ്തകത്തില് പത്താമത്തെ അധ്യായത്തിലാണ് മുംബൈയില് നിന്ന് വിമാനം പുറപ്പെടുന്നത് തന്നെ് ഇതൊക്കെ കണ്ടു മടുത്തിട്ടാണ് താന് യാത്രാ വിവരണം എഴുതാത്തതെന്നും പദ്മനാഭന് പറഞ്ഞു.
താന് ധാരാളം യാത്രകള് നടത്തിയിട്ടുണ്ട്. വ്യത്യസ്ത അനുഭവങ്ങളുമുണ്ട്. ഇന്ത്യയേക്കാള് താന് കണ്ടത് അമേരിക്കയാണ്. എങ്കിലും എഴുതേണ്ടന്നാണ് തീരുമാനമെന്നും പദ്മനാഭന് കൂട്ടിച്ചേര്ത്തു.
