മാരുതി സുസുക്കി യൂട്ടിലിറ്റി വാഹനങ്ങളുടെ വിപണിയിലും ഈ സാമ്പത്തിക വര്ഷം അവസാനത്തോടെ ഒന്നാമതെത്തും. യൂട്ടിലിറ്റി വാഹന വിപണിയില് ദീര്ഘകാലമായി ഒന്നാമതുള്ള മഹീന്ദ്ര ആന്ഡ് മഹീന്ദ്രയെയാവും മാരുതി പിന്നിലാക്കുക. ഈ സാമ്പത്തിക വര്ഷം ആദ്യ 11 മാസത്തെ കണക്കെടുത്താല് മാരുതി മഹീന്ദ്രയെക്കാള് 21,700 യൂട്ടിലിറ്റി വാഹനങ്ങള് കൂടുതല് വിറ്റഴിച്ചിട്ടുണ്ടെന്നാണ് റിപ്പോർട്ട്.
മാരുതിയുടെ വിപണി വിഹിതം ഏപ്രില് മുതല് ജനുവരി വരെയുള്ള കാലയളവില് യൂട്ടിലിറ്റി വാഹന വിഭാഗത്തില് 28 ശതമാനമാണെന്ന് മാരുതി സുസുക്കി മാര്ക്കറ്റിങ് ആന്ഡ് സെയില്സ് എക്സിക്യൂട്ടിവ് ഡയറക്ടര് ആര്.എസ്. കല്സി വ്യക്തമാക്കി. യൂട്ടിലിറ്റി വാഹന വിഭാഗത്തില് മാരുതിയുടെ വിപണി വിഹിതം അഞ്ചു വര്ഷം മുമ്പ് ഏഴു ശതമാനമായിരുന്നു. വിറ്റാര ബ്രെസ, എസ് ക്രോസ് തുടങ്ങിയ മോഡലുകളുടെ വരവാണ് മാരുതിയെ മുന്നിലേക്കെത്തിച്ചത്.
