തെലുഗു സിനിമയിലെ പ്രമുഖര്‍ക്കെതിരെ ലൈംഗീകാരോപണം ഉന്നയിച്ച നടി ശ്രീ റെഡ്ഡിക്ക് മുന്നില്‍ ഒടുവില്‍ താരസംഘടനയായ മാ(മൂവി ആര്‍ട്ടിസ്റ്റ് അസോസിയേഷന്‍) തലകുനിച്ചു. ശ്രീ റെഡ്ഡിക്ക് അംഗത്വം നല്‍കാനുള്ള നടപടികള്‍ കൈക്കൊള്ളുമെന്ന് മാ വ്യക്തമാക്കി. തുണിയുരിഞ്ഞുകൊണ്ട് അര്‍ദ്ധ നഗ്നയായി ഫിലിം ചേമ്പറിന് മുന്നില്‍ പ്രതിഷേധിച്ച നടിയെ സിനിമയില്‍ നിന്ന് ആദ്യം മാ വിലക്കിയിരുന്നു.
എന്നാല്‍ ശ്രീ റെഡ്ഡിയുടെ പ്രതിഷേധം വീണ്ടും ഉയര്‍ന്നതോടെയാണ് മാ കടുത്ത നിലപാടില്‍ നിന്ന് അയഞ്ഞത്. തെലുഗു സിനിമയില്‍ പുതുമുഖങ്ങളെ ലൈംഗീക ചൂഷണത്തിന് വിധേയമാക്കുന്നുവെന്ന ആരോപണവുമായാണ് നടി രംഗത്തെത്തിയത്. പിന്നാലെ നടനും സംവിധായകനുമായ ശേഖര്‍ കമ്മൂല,നടന്‍ റാണാ ദഗ്ഗുബാട്ടിയുടെ സഹോദരന്‍ അഭിറാം ദഗ്ഗുബാട്ടി, ഗായകന്‍ ശ്രീറാം, സംവിധായകന്‍ കൊരട്ടല ശിവ തുടങ്ങിയവര്‍ക്കെതിരെ ശ്രീ രംഗത്തെത്തിയിരുന്നു.
നടിയുടെ പച്ച പ്രതിഷേധത്തോടെ ലൈംഗീക ചൂഷണം അവസാനിപ്പിക്കാനും നടിമാരുടെ പ്രശ്‌നങ്ങള്‍ കേള്‍ക്കാനും പ്രത്യേക ഫോറം രൂപവത്ക്കുമെന്നും മാ ഉറപ്പ് നല്‍കി. ശ്രീയുടെ ഒറ്റയാള്‍ പോരാട്ടത്തെ അഭിനന്ദിച്ച് സംവിധായകന്‍ രാം ഗോപാല്‍ വര്‍മ്മ രംഗത്തെത്തി. ശ്രീ റെഡ്ഡിയെ ഝാന്‍സി റാണിയോടാണ് രാം ഗോപാല്‍ വര്‍മ്മ ട്വീറ്റില്‍ രാം ഗോപാല്‍ വര്‍മ്മ ഉപമിച്ചത്. സ്വന്തം രാജ്യത്തിനു വേണ്ടി ലക്ഷ്മി ഭായ് പടവെട്ടിയപ്പോള്‍ ശ്രീ റെഡ്ഡി സ്വന്തം ശരീരമാണ് ആയുധമാക്കിയതെന്നും ട്വീറ്റില്‍ അദേഹം കുറിച്ചത്.
Comments