എഞ്ചിനീയറിങിന് പിന്നാലെ മാനേജുമെന്റ് പഠനത്തിനും ആളില്ല. വിദ്യാര്ത്ഥികളെ കിട്ടാത്തതിനെ തുടര്ന്ന് നൂറിലേറെ കോളജുകളാണ് അടച്ചു പൂട്ടാന് അനുമതി തേടിയിരിക്കുന്നത്.
ഓള് ഇന്ത്യ കൗണ്സില് ഫോര് ടെക്നിക്കല് എഡ്യൂക്കേഷന്റെ റിപ്പോര്ട്ട് പ്രകാരം 101 എം.ബി.എ ഇന്സ്റ്റിറ്റ്യൂട്ടുകളാണ് അടച്ചു പൂട്ടാന് അപേക്ഷ നല്കിയിരിക്കുന്നത്. കോഴ്സുകളില് ചേരാന് വിദ്യാര്ത്ഥികള് നന്നേ കുറഞ്ഞ സാഹചര്യത്തില് കോളജുകള് നടത്തിക്കൊണ്ടു പോകാന് പറ്റാത്ത അവസ്ഥയിലാണ് പ്രവര്ത്തനം നിര്ത്താന് അപേക്ഷ നല്കിയിരിക്കുന്നത്.
101 കോളജുകളും പൂട്ടാന് അനുവദിച്ചാല് 10000 സീറ്റുകള് കുറയും ചില ഇന്സ്റ്റിറ്റ്യൂട്ടുകള് അടച്ചു പൂട്ടാതെ കോഴ്സുകള് നിര്ത്താന് എഐസിടിഇയുടെ അനുമതി തേടിയിട്ടുണ്ടെന്ന് ഒരു മുതിര്ന്ന ഉദ്യോഗസ്ഥന് പറഞ്ഞു. 2017 പ്ലേസ്മെന്റ് അഞ്ചു വര്ഷത്തെ ഏറ്റവും താഴ്ന്ന നിലവാരത്തിലാണ്. മൊത്തം പഠിച്ചിറങ്ങിയവരില് 47 ശതമാനം പേര്ക്കാണ് ജോലി കിട്ടിയത്. കമ്പനികള് കൂടുതലായി ആട്ടോമേഷനും ആര്ട്ടിഫിഷ്യല് ഇന്റെലിജന്സിനും പ്രാധാന്യം നല്കുന്നത് ജോലി സാധ്യതയെ ബാധിച്ചിട്ടുണ്ട്.
