തിരുവനന്തപുരം: മംഗലപുരം പള്ളിപ്പുറം ടെക്നോസിറ്റിയില് അസ്ഥികൂടം കണ്ടെത്തിയ സഭേവത്തില് പോലീസ് അന്വേഷണം തുടങ്ങി. ചൊവ്വാഴ്ച രാത്രിയോടെയാണ് പള്ളിപ്പുറം കാരമൂടുള്ള ടാറ്റ കണ്സള്ട്ടന്സിയുടെ ഭൂമിയില് പ്ലാസ്റ്റ്ിക് കവറില് ഉപേക്ഷിക്കപ്പെട്ട നിലയിലുള്ള തലയോട്ടിയും എല്ലിന് കഷണങ്ങളും കമ്പനിയുടെ സുരക്ഷാ ജീവനക്കാര് കണ്ടെത്തിയത്.
ഡോഗ് സ്ക്വാഡും ഫോറന്സിക് വിദഗ്ധരും സ്ഥലത്തെത്തി പരിശോധന തുടങ്ങി. വിദഗ്ധ പരിശോധനയ്ക്കായി അസ്ഥികൂടങ്ങള് മെഡിക്കല് കോളജ് ആശുപത്രിയിലേയ്ക്ക് മാറ്റി.
സമീപപ്രദേശത്തു നിന്നും കാണാതായവരുടെ വിവരങ്ങള് ശേഖരിച്ച് അന്വേഷണം നടത്താനും പോലീസ് തീരുമാനിച്ചിട്ടുണ്ട്.
