ന്യൂഡല്ഹി : വരാപ്പുഴയില് ശ്രീജിത്തിന്റെ കസ്റ്റഡി മരണത്തില് സിപിഎമ്മിന് പങ്കുണ്ടെന്ന് കെ.പി.സി.സി അധ്യക്ഷന് എം.എം ഹസ്സന്. ഡല്ഹിയില് മാധ്യമപ്രവര്ത്തകരോട് സംസാരിക്കുകയായിരുന്നു അദ്ദേഹം. ശ്രീജിത്തിനെ കസ്റ്റഡിയിലെടുക്കാന് റൂറല് എസ്.പിയ്ക്ക് സിപിഎമ്മിന്റെ പ്രാദേശിക നേതൃത്വം നിര്ദേശം നല്കിയതായി ശ്രീജിത്തിന്റെ സഹോദരന് മൊഴി നല്കിയിട്ടുണ്ട്. മുഖ്യമന്ത്രിയ്ക്കും സിപിഎം നേതാക്കള്ക്കും ശ്രീജിത്തിന്റെ വീട്ടില് പോകാനും മാതാപിതാക്കളെയും ഭാര്യയേയും ആശ്വസിപ്പിക്കാനും കഴിയാത്തത് കുറ്റബോധംകൊണ്ടാണെന്നും അദ്ദേഹം പറഞ്ഞു.
ആലുവ മുന് റൂറല് എസ്.പി എ.വി ജോര്ജിനെതിരെ കൊലക്കുറ്റത്തിന് കേസ് എടുക്കണമെന്നും ഹസന് ആവശ്യപ്പെട്ടിട്ടുണ്ട്.
