കൊച്ചി: 'കമ്മാരസംഭവ' ത്തിന്റെ പ്രദര്ശനം തടയണമെന്നാവശ്യപ്പെട്ടു ഹൈക്കോടതിയില് ഹര്ജി. സ്വാതന്ത്ര്യ സമരസേനാനികളെയും ദേശീയ നേതാക്കളെയും അപമാനിക്കുന്ന കഥയാണെന്നും പ്രദര്ശിപ്പിക്കാന് അ നുവദിക്കരുതെന്നും ആവശ്യപ്പെട്ട് ഓള് ഇന്ത്യാ ഫോര്വേഡ് ബ്ലോക്ക് ദേശീയ സെക്രട്ടറി ജി. ദേവരാജനും സംസ്ഥാന ജനറല് സെക്രട്ടറി റാം മോഹനുമാണ് ഹര്ജി സമര്പ്പിച്ചത്. നേതാജി സുഭാഷ് ചന്ദ്രബോസിന്റെ ചരിത്രം തെറ്റിദ്ധരിപ്പിച്ചാണു സിനിമയില് അവതരിപ്പിച്ചിട്ടുള്ളതെന്നു ഹര്ജിയില് പറയുന്നു.
നിര്മാതാവ് ഗോകുലം ഗോപാലന്, സംവിധായകന് രതീഷ് അമ്പാട്ട്, തിരക്കഥാകൃത്ത് മുരളി ഗോപി, നടന് ദിലീപ് എന്നിവരെ എതിര്കക്ഷികളാക്കി അഭിഭാഷകരായ ഇ.എസ്. സനീജ്, ഡിപിന് ഘോഷ് എന്നിവര് മുഖേനയാണ് ഹര്ജി സമര്പ്പിച്ചത്.
