പ്രീ പെയ്ഡ് ഉപയോക്താക്കള്ക്കായി ബി.എസ്.എന്.എലിന്റെ പുതിയ പ്രൊമോഷണല് ഡേറ്റാ പാക്ക്. ഫിഫ വേള്ഡ് കപ്പ് സ്പെഷ്യല് റീച്ചാര്ജ് എന്ന പേരിലാണ് 149 രൂപയുടെ റീച്ചാര്ജ് അവതരിപ്പിച്ചിരിക്കുന്നത്. 149 രൂപയ്ക്ക് 28 ദിവസത്തേക്ക് പ്രതിദിനം നാല് ജിബി ഡേറ്റയാണ് ബിഎസ്എന്എല് വാഗ്ദാനം ചെയ്യുന്നത്. വേള്ഡ് കപ്പ് ഫുട്ബോള് മത്സരങ്ങള് അവസാനിക്കുന്നത് വരെ ഈ ഓഫര് ലഭിക്കുമെന്നാണ് വിവരം.
149 രൂപയുടെ ഫിഫ വേള്ഡ് കപ്പ് റീച്ചാര്ജ് ജൂണ് 14 വ്യാഴാഴ്ച മുതല് ലഭ്യമാവും. ബിഎസ്എന്എലിന്റെ എല്ലാ ടെലികോം സര്ക്കിളുകളിലും ഈ ഓഫര് ലഭ്യമാവും. അതേസമയം, സൗജന്യ വോയ്സ് കോള്, സൗജന്യ എസ്എംഎസ് ഓഫറുകള് 149 രൂപയുടെ ബി.എസ്.എന്.എല് റീച്ചാര്ജില് കിട്ടില്ല.
എയര്ടെല് നല്കുന്ന 149 രൂപയുടെ പ്ലാനില് രണ്ട് ജിബി ഡാറ്റയാണ് ലഭിക്കുക. പ്രതിദിനം മൂന്ന് ജിബി ഡേറ്റയാണ് റിലയന്സ് ജിയോയുടെ ഡബിള് ധമാക്ക ഓഫറില് പെടുന്ന 149 രൂപയുടെ പ്ലാനില് ലഭിക്കുക. ഈ രണ്ട് പ്ലാനുകളേക്കാള് കൂടുതല് ഡേറ്റയാണ് ബി.എസ്.എന്.എല് ഓഫറിലുള്ളത്.
