തിരുവനന്തപുരം : 'ഇന്നു ഞാന് നാളെ നീ' എന്ന യാഥാര്ത്ഥ്യം പ്രതിപക്ഷത്തുള്ളവര് മനസിലാക്കണമെന്ന് കെ.ബി ഗണേശ് കുമാര്. യുവാവിനെ മര്ദ്ദിച്ചുവെന്ന സംഭവത്തില് തന്നെ കരിവാരിത്തേക്കാനുള്ള നീക്കങ്ങളാണ് ഇപ്പോള് നടന്നുകൊണ്ടിരിക്കുന്നത്.
കേരളത്തില് ഇപ്പോള് നടക്കുന്ന കാര്യം മനസിലാക്കണമെങ്കില് ബൈബിളിലെ സങ്കീര്ത്തനം വായിക്കണം. തന്റെ നിരപരാധിത്വം തെളിയിക്കപ്പെടുമ്പോള് ഇപ്പോള് ആരോപണം ഉന്നയിക്കുന്നവര് അത് മാറ്റിപ്പറയുമെന്നും ഗണേശ് കുമാര് കൂട്ടിച്ചേര്ത്തു. ആരോപണം ഉന്നയിക്കുമ്പോള് തന്നോട് അന്വേഷിച്ചിരുന്നുവെങ്കില് വാസ്തവം അറിയാമായിരുന്നു. തന്റെ നിരപരാധിത്വം തെളിയുക തന്നെ ചെയ്യുമെന്നും ഗണേശ് കുമാര് പറഞ്ഞു.
