തിരുവനന്തപുരം: സംസ്ഥാനത്ത് അടുത്ത മൂന്ന് ദിവസത്തേയ്ക്ക് കനത്ത മഴയ്ക്ക് സാധ്യതയെന്ന് കാലാവസ്ഥാ നിരീക്ഷണ കേന്ദ്രം. 24 മണിക്കൂറിനുള്ളില് കേരള-കര്ണാടക തീരത്ത് 35 കിലോമീറ്റര് മുതല് 55 കിലോമീറ്റര് വരെ വേഗത്തില് ശക്തമായ കാറ്റിന് സാധ്യതയുണ്ടെന്നും കാലാവസ്ഥാ നിരീക്ഷണകേന്ദ്രം മുന്നറിയിപ്പ് നല്കി.
മത്സ്യത്തൊഴിലാളികള് ജാഗ്രത പാലിക്കണമെന്നും കടലില് പോകരുതെന്നും നിര്ദ്ദേശമുണ്ട്. കേരള ലക്ഷദ്വീപ് തീരങ്ങളില് പടിഞ്ഞാറ് ദിശയില്നിന്നു മണിക്കൂറില് 30 മുതല് 40 കിലോമീറ്റര് വേഗത്തിലും ചില അവസരങ്ങളില് മണിക്കൂറില് 50 കിലോമീറ്റര് വേഗത്തിലും കാറ്റടിക്കാന് സാധ്യതയുണ്ട്.
കേരള, ലക്ഷദ്വീപ് തീരങ്ങളില് കടല് പ്രക്ഷുബ്ധമാകാന് സാധ്യധയുണ്ടെന്നും മുന്നറിയിപ്പില് പറയുന്നു. ലക്ഷദ്വീപ് തീരങ്ങളില് ഉയര്ന്ന തിരമാലകള്ക്കും (3 മുതല് 3.3 മീറ്റര് ഉയരം വരെ) സാധ്യതയുണ്ട്. മത്സ്യത്തൊഴിലാളികള് ലക്ഷദ്വീപ് തീരങ്ങളില് മീന്പിടിത്തത്തിനു പോകരുതെന്നന്നും ജാഗ്രത പാലിക്കാനും നിര്ദേശിച്ചിട്ടുണ്ട്.
