തിരുവനന്തപുരം: നടന് ദിലീപിനെ താരസംഘടനയായ അമ്മയില് തിരിച്ചെടുത്തതിനെതിരെ താരസംഘടനയായ അമ്മയ്ക്കെതിരെ രൂക്ഷവിമര്ശനവുമായി മന്ത്ര ജി.സുധാകരന് രംഗത്ത്. നേരത്തെ ആരോഗ്യമന്ത്രി കെ.കെ ശൈലജയും സംസ്ഥാന വനിതാ കമ്മിഷന് അദ്ധ്യക്ഷ എം.സി ജോസഫൈനും രംഗത്തെത്തിയിരുന്നു.
അമ്മയില് നിന്ന് രാജിവച്ച നടിമാര് അഭിമാനം ഉള്ളവരാണെന്നായിരുന്നു സുധാകരന്റെ പ്രതികരണം. പണം ഉണ്ടെന്ന് കരുതി എന്തുമാവാമെന്ന് ആരും കരുതേണ്ടെന്നും സുധാകരന് പറഞ്ഞു. ദിലീപ് ധിക്കാരിയെന്നും മന്ത്രി വ്യക്തമാക്കി.
പണ്ടും ഇപ്പോഴും ദിലീപിനെക്കുറിച്ച് നല്ല അഭിപ്രായമില്ല. തിലകനോട് ചെയ്തത് മറക്കാനാകില്ല. അമ്മ സ്വയം തിരുത്താന് സ്വയം തയ്യാറാകണമെന്നും അമ്മ ഭരണസമിതി വേണ്ടത്ര ആലോചനയില്ലാതെ തീരുമാനമെടുത്തുവെന്നും അദ്ദേഹം പറഞ്ഞു. സിനിമാ രംഗത്തുള്ളവര് സ്വയം വിമര്ശനത്തിന് വിധേയരാകണം. പണമുള്ളതുകൊണ്ട് എന്തുമാകാമെന്ന് കരുതരുത്. രാജിവെച്ച നടിമാര് അഭിമാനമുള്ളവരാണ്. മുകേഷും ഗണേഷും തെറ്റിദ്ധാരണകള് തിരുത്തണമെന്നും സുധാകരന് വ്യക്തമാക്കി.
മലയാള സിനിമയില് കൊച്ചി കേന്ദ്രീകരിച്ച് ലോബി പ്രവര്ത്തിക്കുന്നുണ്ടെന്ന് മന്ത്രി ജി.സുധാകരന് വ്യക്തമാക്കി. ഒരു കാലത്തും ദിലീപിനെ കുറിച്ച് നല്ല അഭിപ്രായമില്ല. ദിലീപ് തിലകനോട് ചെയ്തതൊന്നും മറക്കാനാകില്ല. സംസ്കാരത്തിന് ചേരാത്ത കാര്യങ്ങളാണ് സിനിമയില് നടക്കുന്നതെന്നും അദ്ദേഹം കുറ്റപ്പെടുത്തി.
