മാക്സി സ്കൂട്ടർ ബർഗ്മാൻ സ്ട്രീറ്റിന്റെ വില വിവരങ്ങൾ പുറത്ത്. വിപണിയിൽ അവതരിക്കുന്നതിന് മുൻപെയാണ് സുസൂക്കി വില വിവരങ്ങൾ പുറത്തുവിട്ടിരിക്കുന്നത്. മുംബൈ എക്സ്ഷോറൂം 69,671 രൂപയാണ് വില. ജൂലായ് 19 നാണ് സുസൂക്കി ബർഗ്മാൻ സ്ട്രീറ്റ് 125 യുടെ അവതരണം എന്നാണ് സൂചന.
സ്പോർടി ലുക്കും പ്രീമിയം ഫീച്ചറുകളുമാണ് ബർഗ്മാൻ സ്ട്രീറ്റ് 125 യെ മറ്റു സ്കൂട്ടറുകളിൽ നിന്നും വേറിട്ട് നിർത്തുന്നത്. 8.5 ബിഎച്ച്പിയും 10.2എൻഎം ടോർക്കും നൽകുന്ന 124.3 സിസി സിങ്കിൾ സിലിണ്ടർ എയർകൂൾഡ് എൻജിനാണ് ബർഗ്മാൻ സ്ട്രീറ്റിന് കരുത്തേകുന്നത്. ഇന്ത്യയിലെ ആദ്യത്തെ മാക്സി സ്കൂട്ടർ എന്ന വിശേഷണത്തോടെയാണ് ബർഗ്മാൻ സ്ട്രീറ്റ് 125 അവതരിക്കുന്നത്.
