ന്യൂഡല്ഹി: സ്ത്രീകള്ക്ക് സ്വാതന്ത്ര്യം ലഭിച്ചുവെന്ന് ഉറപ്പാക്കിയാലേ രാജ്യത്തിന്റെ സ്വാതന്ത്ര്യം പൂര്ണമാകൂ എന്ന് രാഷ്ട്രപതി രാം നാഥ് കോവിന്ദ്. അനാവശ്യ വിവാദങ്ങളില്പ്പെട്ട് രാജ്യത്തിന്റെ വികസനം തടയപ്പെടരുതെന്നും സ്വാതന്ത്ര്യ ദിന സന്ദേശത്തില് അദ്ദേഹം പറഞ്ഞു.
ഇന്ത്യന് സമൂഹത്തില് ഹിംസയ്ക്ക് സ്ഥാനമില്ല, ഗാന്ധിയന് മൂല്യങ്ങള് എല്ലാവരും ഉയര്ത്തിപ്പിടിക്കണം. വികസനത്തിന്റെ ഗുണഫലങ്ങള് രാജ്യത്ത് ദൃശ്യമാണെന്നും രാഷ്ട്രപതി പറഞ്ഞു. വെറും ഡിഗ്രിയോ ഡിപ്ലോമയോ മാത്രമല്ല വിദ്യാഭ്യാസം. മറ്റുള്ളവരെ സഹായിക്കാനുള്ള മനസ്ഥിതി വളര്ത്തണം. സ്ത്രീശാക്തീകരണത്തിന് ഊന്നല് നല്കണമെന്നും രാഷ്ട്രപതി പറഞ്ഞു.
നമ്മുടെ സംസ്കാരത്തില് വനിതകള്ക്ക് പരമപ്രധാനമായ സ്ഥാനമുണ്ട്. വനിതകളുടെ മികവ് പ്രയോജനപ്പെടുത്താന് സാധിക്കണം. വനിതകള് മാത്രമല്ല കര്ഷകരും രാജ്യത്തിന്റെ അടിസ്ഥാന ഘടകമാണെന്നും രാഷ്ട്രപതി പറഞ്ഞു.
