നീരവ് മോഡിയുടെ വിദേശത്തെ വീടുകള് ഉള്പ്പെടെയുള്ള സ്വത്തുക്കള് കണ്ടുകെട്ടി
ന്യൂഡല്ഹി: നീരവ് മോദിയുടെ ഇന്ത്യയിലും വിദേശത്തുമായുള്ള സ്വത്തുവകകള് എന്ഫോഴ്സ്മെന്റ് ഡയറക്ടറേറ്റ് കണ്ടുകെട്ടി. വിലകൂടിയ ആഭരണങ്ങള്, ആഢംബര വീടുകള്, ബാങ്ക് അക്കൗണ്ടുകള് എന്നിവ ഉള്പ്പെടെ 637 കോടി രൂപ വിലമതിക്കുന്ന വസ്തുക്കളാണ് പിടിച്ചെടുത്തിരിക്കുന്നത്. ഇന്ത്യയ്ക്ക് പുറമെ വിദേശ രാജ്യങ്ങളായ യുകെ, ന്യൂയോര്ക്ക് എന്നിവിടങ്ങളിലുമുള്ള സ്വത്തുക്കളും കണ്ടുകെട്ടിയവയില് ഉള്പ്പെടും.
വൈദ്യശാസ്ത്ര നൊബേല് ജെയിംസ് പി. അലിസണും, തസകു ഹോഞ്ചോയും പങ്കിട്ടു
സ്വീഡന്: ഈ വര്ഷത്തെ വൈദ്യശാസ്ത്ര നൊബേല് സമ്മാനം പ്രഖ്യാപിച്ചു. ജെയിംസ് പി. അലിസണ്, തസകു ഹോഞ്ചോ എന്നിവര്ക്കാണ് പുരസ്കാരം. ക്യാന്സര് പ്രതിരോധത്തില് നിര്ണായകമായ കണ്ടുപിടുത്തത്തിനാണ് പുരസ്കാരം. ക്യാന്സര് പ്രതിരോധത്തില് രോഗപ്രതിരോധ കോശങ്ങളിലെ നിര്ണായ പ്രോട്ടീന്റെ സാന്നിധ്യം കണ്ടെത്തിയതിനാണ് ഹോഞ്ചോയ്ക്ക് പുരസ്കാരം. ക്യാന്സര് പ്രതിരോധം ശക്തമാക്കും വിധം പ്രോട്ടീനുമായി ബന്ധപ്പെട്ട പഠനത്തിനാണ് അലിസണ് പുരസ്കാരം.
നല്ല നടപ്പുകാരായ 36 തടവുകാരെ മോചിപ്പിക്കും; ലിസ്റ്റില് കൊലക്കേസ് പ്രതികള് വരെ
തിരുവനന്തപുരം : ഗാന്ധിജയന്തി ദിനത്തില് ശിക്ഷാ ഇളവ് നല്കി തടവുകാരെ കൂട്ടത്തോടെ മോചിപ്പിക്കാനുള്ള ഉത്തരവ് ഇന്ന് പുറത്തിറങ്ങും. സംസ്ഥാനത്തെ വിവിധ ജയിലുകളിലായി വിവിധ കുറ്റകൃത്യങ്ങളെ തുടര്ന്ന് ശിക്ഷിക്കപ്പെട്ട് കഴിയുന്ന 36 തടവുകാരെ വിട്ടയയ്ക്കാനാണ് മന്ത്രിസഭ ഗവര്ണറോട് ശിപാര്ശ ചെയ്തിരിക്കുന്നത്.
കൊലപാതകക്കേസിലെ പ്രതികള്, ഭാര്യയെ കൊലപ്പെടുത്താന് ശ്രമിച്ചവര്, അന്തര് സംസ്ഥാന സ്പിരിറ്റ് കടത്തുകേസില് ശിക്ഷിക്കപ്പെട്ടവര് എന്നിവര് അടക്കമുള്ളവരെയാണ് വിട്ടയ്ക്കുന്നത്.
ബ്രൂവറി അനുവദിച്ചത് സി.പി.എം നേതാവിന്റെ മകന് വേണ്ടി; ആരോപണവുമായി ചെന്നിത്തല
തിരുവനന്തപുരം: സംസ്ഥാനത്ത് പുതിയ ബ്രൂവറികളും ഡിസ്റ്റിലിറികളും അനുവദിച്ചതില് വീണ്ടും ആരോപണവുമായി പ്രതിപക്ഷ നേതാവ് രമേശ് ചെന്നിത്തല. ബ്രൂവറികള് അനുവദിച്ചത് ഉന്നത സി.പി.എം നേതാവിന്റെ മകന് വേണ്ടിയാണെന്ന് ചെന്നിത്തല ആരോപിച്ചു. ഉന്നത സി.പി.എം നേതാവിന്റെ മകനാണ് ഇപ്പോള് അനുവദിച്ച ബ്രൂവറിയുടെ പ്രോജക്ട് മാനേജര്. കിന്ഫ്രയിലെ സ്ഥലം ലഭിച്ചത് ഈ സ്ഥാപനത്തിനാണെന്നും ചെന്നിത്തല വാര്ത്താ സമ്മേളനത്തില് ആരോപിച്ചു.
ഫ്രാങ്കോയെ യേശുക്രിസ്തുവിനോട് ഉപമിച്ച് കാഞ്ഞിരപ്പള്ളി ബിഷപ്; ജയിലില് സന്ദര്ശിച്ചു
കോട്ടയം: കന്യാസത്രീയെ ബലാത്സംഗം ചെയ്തുവെന്ന കേസില് പാലാ സബ് ജയിലില് റിമാന്ഡില് കഴിയുന്ന മുന് ജലന്ധര് രൂപതാദ്ധ്യക്ഷന് ഫ്രാങ്കോ മുളയ്ക്കലിനെ കാഞ്ഞിരപ്പള്ളി രൂപതാ മെത്രാന് മാര് മാത്യു അറയ്ക്കലും സഹായമെത്രാന് മാര് ജോസ് പുളിക്കലും പത്തനംതിട്ട രൂപതാ സഹായമെത്രാന് സാമുവല് മാര് ഐറേനിയോസും സന്ദര്ശിച്ചു.
