ഒക്ടോബര് ഒമ്പതിന് പുതിയ ഗോ, ഗോ പ്ലസ് ഫെയ്സ്ലിഫ്റ്റ് മോഡലുകളെ ഡാറ്റ്സന് വിപണിയില് കൊണ്ടുവരും. ഔദ്യോഗിക വരവിന് മുന്നോടിയായി ഇരു മോഡലുകളുടെയും പ്രീ-ബുക്കിംഗ് കമ്പനി ആരംഭിച്ചെന്നാണ് റിപ്പോർട്ട് . ഒരുപാട് മാറ്റങ്ങളോടെയാണ് ഡാറ്റ്സന് ഗോ ഹാച്ച്ബാക്കും ഗോ പ്ലസ് എംപിവിയും എത്തുന്നത്.
ബുക്കിംഗ് തുക 11,000 രൂപയാണ്. ഗോ, ഗോ പ്ലസ് ഫെയ്സ്ലിഫ്റ്റ് മോഡലുകളെ രാജ്യത്തുടനീളമുള്ള ഡാറ്റ്സന് ഡീലര്ഷിപ്പുകളില് നിന്നും ബുക്ക് ചെയ്യാം. ആംബര് ഓറഞ്ച്, സണ്സ്റ്റോണ് ബ്രൗണ് എന്നീ പുതിയ രണ്ടു നിറപതിപ്പുകളും മോഡലുകളില് തെരഞ്ഞെടുക്കാം.
അഞ്ചു വകഭേദങ്ങളാണ് ഗോ, ഗോ പ്ലസ് ഫെയ്സ്ലിഫ്റ്റ് മോഡലുകളില്. 14 ഇഞ്ച് അലോയ് വീലുകളാണ് പുതിയ ഗോ, ഗോ പ്ലസ് മോഡലുകളുടെ ഏറ്റവും ഉയര്ന്ന വകഭേദങ്ങളില് ഒരുങ്ങുന്നത്. എന്നാൽ, താഴ്ന്ന വകഭേദങ്ങളില് സ്റ്റീല് വീലുകള് മാത്രമെ ഇടംപിടിക്കുകയുള്ളൂ. ടേണ് ഇന്ഡിക്കേറ്ററുകള് മിററുകളില് തന്നെയാണ് .
