വയറും, നെഞ്ചിന്റെ ഒരു ഭാഗവും പരസ്പരം ഒട്ടിച്ചേര്ന്ന നിലയിലാണ് ഭൂട്ടാനിലെ ആദ്യ സയാമീസ് ഇരട്ടകളായ നിമയും ദവയും ജനിച്ചത്. ഒരു വര്ഷത്തിലധികം സ്വതന്ത്രമായ ഒരു ചലനം പോലുമില്ലാതെ ഒരുമിച്ചാണ് ഇവര് ജീവിച്ചത്. ഇപ്പോള് ഇരുവരും പിരിയാനുള്ള തയ്യാറെടുപ്പിലാണ്. ഈ പിരിയല് അനിവാര്യമായതു കൊണ്ടു തന്നെ അതിനുള്ള തയ്യാറെടുപ്പിലാണ് മാതാപിതാക്കള്.
2009-ല് ബംഗ്ലാദേശില് നിന്നുള്ള സയമീസ് ഇരട്ടകളായ തൃഷ്ണയുടെയും കൃഷ്ണയുടെയും ശസ്ത്രക്രിയ വിജയകരമായി നടത്തിയ വിദഗ്ധ സംഘമാണ് ഈ ഭൂട്ടാന് സഹോദരിമാരുടെയും ശസ്ത്രക്രിയ നടത്തുക. 2017 ജൂലൈ 13-നാണ് ഏറെ സങ്കീര്ണ്ണമായ ശസ്ത്രക്രിക്കു ശേഷം ഇവര് പുറത്തു വരുന്നത്. പിന്നീട് 14 മാസം ഒരുമിച്ച്. തന്റെ പെണ്മക്കള് ജീവിതത്തിലേക്ക് ഊര്ജ്ജസ്വലരായി തിരിച്ചുവരുമെന്നാണ് പ്രതീക്ഷയെന്ന് ഈ മാതാപിതാക്കള് പറയുന്നു. സന്നദ്ധസംഘടനകളുടെ സഹായത്തോടെയാണ് ശസ്ത്രക്രിയക്കുള്ള പണം കണ്ടെത്തിയത്.
ഓസ്ട്രേലിയയിലെ മെല്ബണില് അടുത്തയാഴ്ചയാണ് അടിയന്തര ശസ്ത്രക്രിയ. ബംഗ്ലാദേശിലെ സായാമീസ് ഇരട്ടകള്ക്ക് 27 മണിക്കൂര് നീണ്ട ശസ്ത്രക്രിയയാണ് അന്ന് വിദഗ്ദസംഘം നടത്തിയത്. ഇത്തവണ എട്ട് മണിക്കൂര് നീളുന്ന ശസ്ത്രക്രിയയാണ് ഉദ്ദേശിക്കുന്നതെന്ന് ഡോക്ടര്മാര് വ്യക്തമാക്കി.
