ലോക്സഭാ തിരഞ്ഞെടുപ്പിന്റെ സെമി പോരാട്ടം; അഞ്ച് സംസ്ഥാനങ്ങളില് തിരഞ്ഞെടുപ്പ് തീയതി പ്രഖ്യാപിച്ചു
ന്യുഡല്ഹി: അഞ്ച് സംസ്ഥാനങ്ങളിലേക്കുള്ള നിയമസഭാ തിരഞ്ഞെടുപ്പ് പ്രഖ്യാപിച്ചു. ഛത്തീസ്ഗഡ്, മിസോറോം, മധ്യപ്രദേശ്, രാജസ്ഥാന്, തെലങ്കാന എന്നീ സംസ്ഥാനങ്ങളിലേക്കുള്ള തിരഞ്ഞെടുപ്പാണ് പ്രഖ്യാപിച്ചത്. അഞ്ച് സംസ്ഥാനങ്ങളിലും തിരഞ്ഞെടുപ്പ് പെരുമാറ്റച്ചട്ടം നിലവില് വന്നു. കേന്ദ്ര തിരഞ്ഞെടുപ്പ് കമ്മീഷന് ഒ.പി റാവത്താണ് തിരഞ്ഞെടുപ്പ് തീയതി പ്രഖ്യാപിച്ചത്.
ഛത്തീസ്ഗഡില് രണ്ട് ഘട്ടമായാണ് തിരഞ്ഞെടുപ്പ്. നവംബര് 12നും 20നും രണ്ട് ഘട്ടമായി വോട്ടെടുപ്പ് നടക്കും. ബി.ജെ.പിയാണ് നിലവില് ഛത്തീസ്ഗഡിലെ ഭരണകക്ഷി. മിസോറാമിലും മധ്യപ്രദേശിലും നവംബര് 28ന് തിരഞ്ഞെടുപ്പ് നടക്കും. മിസോറാമിലും കോണ്ഗ്രസും മധ്യപ്രദേശില് ബി.ജെ.പിയുമാണ് ഭരണകക്ഷി. രാജസ്ഥാനിലും തെലങ്കാനയിലും ഡിസംബര് ഏഴിന് തിരഞ്ഞെടുപ്പ് നടക്കും. തെലങ്കാനയില് തെലങ്കാന രാഷ്ട്ര സമിതിയും രാജസ്ഥാനില് ബി.ജെ.പിയുമാണ് നിലവില് ഭരിക്കുന്നത്.
കെ.എസ്.ആര്.ടി.സിയില് കൂട്ടപ്പിരിച്ചുവിടല്; 773 പേര് ഒന്നിച്ച് പുറത്തേയ്ക്ക്
തിരുവനന്തപുരം: കെഎസ്ആര്ടിയിസില് കൂട്ട പിരിച്ചുവിടല്. സര്വ്വീസില് പ്രവേശിച്ചിട്ട് ദീര്ഘകാലമാ ജോലിക്ക് വരാത്തവരെയും ദീര്ഘകാലമായി അവധികഴിഞ്ഞ് നിയമ വിരുദ്ധമായി ജോലിയില് പ്രവേശിക്കാത്തവരെയുമാണ് പിരിച്ചി വിട്ടിരിക്കുന്നത്. 304 ഡ്രൈവര്മാരെയും 469 കണ്ടക്ടര്മാരെയുമാണ് പിരിച്ചുവിട്ടവരിലുളളത്.
മെയ് 31ന് അകം ജോലിയില് തിരികെ പ്രവേശിക്കുകയോ കാരണം കാണിക്കല് നോട്ടീസിന് മറുപടി നല്കാതിരിക്കുകയോ ചെയ്ത സാഹചര്യത്തിലാണ് പിരിച്ചുവിടലെന്നാണ് വിശദീകരണം.
മിനിമം ചാര്ജ് 10 ആക്കണം; നവംബര് ഒന്നു മുതല് സ്വകാര്യ ബസ് സമരം
തൃശ്ശൂര് : സംസ്ഥാനത്ത് നവംബര് ഒന്നു മുതല് സ്വകാര്യ ബസ് സമരം. നിരക്ക് വര്ധന ആവശ്യപ്പെട്ടാണ് സമരം. മിനിമം നിരക്ക് 10 രൂപയാക്കണമെന്നും വിദ്യാര്ത്ഥികളുടെ കണ്സഷന് അഞ്ചു രൂപയാക്കണമെന്നുമാണ് ആവശ്യം. തൃശ്ശൂരില് ചേര്ന്ന ബസ് ഉടമകളുടെ യോഗത്തിലാണ് തീരുമാനം.
കുല്ദീപ് ചുഴലിയില് വിന്ഡീസ് നിലംപതിച്ചു: രാജ്കോട്ടില് ഇന്ത്യയ്ക്ക് ഇന്നിങ്സ് വിജയം
രാജ്കോട്ട്: രാജ്കോട്ടില് ആഞ്ഞടിച്ച കുല്ദീപ് ചുഴലിയില് വിന്ഡീസ് നിലംപതിച്ചു. രാജ്കോട്ട് ടെസ്റ്റില് വിന്ഡീസിനെതിരെ ഇന്ത്യയ്ക്ക് ഇന്നിങ്സിനും 272 റണ്സിന്റെയും മധൂരമൂര്ന്ന വിജയം.
ആദ്യ ഇന്നിങ്സില് ഇന്ത്യ ഉയര്ത്തിയ കൂറ്റന് സ്കോര് പിന്തുടര്ന്ന വെസ്റ്റ് ഇന്ഡീസിന്റെ ആദ്യ ഇന്നിങ്സ് 181 റണ്സിന് അവസാനിച്ചിരുന്നു. ഫോളോ ഓണ് വഴങ്ങി രണ്ടാം ഇന്നിങ്സില് തോല്വിയുടെ ആഴം കുറയ്ക്കാന് ഇറങ്ങിയ വിന്ഡീസ് ഇന്നിങ്സ് തോല്വി ഒഴിവാക്കാന് പൊരുതിയെങ്കിലും 196 റണ്സിന് ഓള്ഔട്ടാകുകയായിരുന്നു.ഇതോടെ രണ്ടു ടെസ്റ്റുകളുള്ള പരമ്പരയില് ഇന്ത്യ 1-0 ന് മുന്നിലെത്തി.
വയനാട്ടില് നാലംഗകുടുംബത്തെ തോട്ടത്തില് തുങ്ങിമരിച്ച നിലയില് കണ്ടെത്തി
സുല്ത്താന് ബത്തേരി: വയനാട് ഒരു കുടുംബത്തിലെ നാല് പേരെ തൂങ്ങിമരിച്ച നിലയില് കണ്ടെത്തി. വീടിന് സമീപമുള്ള തോട്ടത്തിലാണ് ഇവരെ തൂങ്ങിയ നിലയില് കണ്ടെത്തിയത്.
തവിഞ്ഞാല് തിടങ്ങഴിത്തോപ്പില് വിനോദ് ,ഭാര്യ മിനി, മക്കള് അനുശ്രീ, അഭിനബ് എന്നിവരാണ് മരിച്ചത്. വീടിന് പിന്നിലുള്ള തോട്ടത്തില് തൂങ്ങി മരിച്ച നിലയില് കണ്ടെത്തിയിരുന്നു.
