ന്യൂഡല്ഹി: അതിര്ത്തിസുരക്ഷാ സംബന്ധിച്ച് നൂതനസാങ്കേതികവിദ്യകള് പ്രയോഗത്തില് വരുത്താന് ഇന്ത്യ തയ്യാറെടുക്കുന്നതായി കേന്ദ്ര ആഭ്യാന്തതരമന്ത്രി രാജ്നാഥ് സിങ്. സൈനികര് അതിര്ത്തിയില് മുഴുവന് സമയവും കാവല് നില്ക്കേണ്ടി വരുന്ന അവസ്ഥയ്ക്കാണ് ഇതോടെ മാറ്റം വരുന്നത്. അതിര്ത്തി സുരക്ഷയില് നൂതന സാങ്കേതിക വിദ്യയായ ഇന്റഗ്രേറ്റഡ് ബോര്ഡ് മാനേജ്മെന്റ് സിസ്റ്റം നടപ്പാക്കാനാണ് സര്ക്കാര് ഒരുങ്ങുന്നത് എന്നാണ് രാജ്നാഥ് സിങ് അറിയിച്ചിരിക്കുന്നത്. ഈ സംവിധാനം വരുന്നതോട് കൂടി അതിര്ത്തിയിലെ വിവരങ്ങള് കമാന്ഡ് ആന്ഡ് കണ്ട്രോള് റൂമിലിരുന്ന് തന്നെ കണ്ടെത്താന് കഴിയുമെന്ന് രാജ്നാഥ് സിംഗ് പറഞ്ഞു.
ആദ്യഘട്ടമായി പദ്ധതി ജമ്മുകാശ്മീരില് പരീക്ഷിച്ചതായും അദ്ദേഹം പറഞ്ഞു. ബിഎസ്എഫ് ജവാന്മാരെ അഭിസംബോധന ചെയ്ത് സംസാരിക്കുകയായിരുന്നു രാജ്നാഥ് സിങ്. അതിര്ത്തികളില് വേലികെട്ടി കാവല് നില്ക്കുക എന്നത് പൂര്ണമായും ഫലവത്തായെന്ന് വരില്ല. കുറച്ച് കാലം കഴിയുമ്പോള് അവ തകരാറിലായെന്ന് വരാം. എന്നാല്, പുതിയ സംവിധാനം പൂര്ണമായ അതിര്ത്തി സുരക്ഷ ഉറപ്പ് നല്കുന്നതാണ്.
ആയുധപൂജയോടനുബന്ധിച്ച് നടന്ന ചടങ്ങില് ആഭ്യന്തരമന്ത്രി പറഞ്ഞു. നൂതനസാങ്കേതിക വിദ്യ പ്രാവര്ത്തികമാക്കുന്നതോടെ ഇരുപത്തിനാലു മണിക്കൂറും സൈനികര് കാവല് നില്ക്കേണ്ട അവസ്ഥയ്ക്ക് മാറ്റം വരും. അതിര്ത്തിയിലുള്ള കമാന്ഡ് ആന്റ് കണ്ട്രോള് റൂമിലിരുന്ന് കാര്യങ്ങള് പൂര്ണമായും നിയന്ത്രിക്കാനാകുമെന്നും മന്ത്രി പറഞ്ഞു.
