തിരുവനന്തപുരം: ന്യൂയോര്ക്ക് പോലീസ് ഡിപ്പാര്ട്ട്മെന്റിന്റെ ഫേസ്ബുക്ക് പേജിനെയും (NYPD) പിന്തള്ളി കേരള പോലീസിന്റെ ഫേസ്ബുക്ക് പേജ് ലോക നെറുകയിലേയ്ക്ക് കുതിക്കുന്നു... കേരളാ പോലീസ് ഔദ്യോഗിക ഫേസ്ബുക്ക് പേജിലൂടെയാണ് ഇക്കാര്യം അറിയിച്ചിരിക്കുന്നത്. വിവിധ വിഷയങ്ങളില് ട്രോളുകള് ഉള്പ്പെടെയിട്ട് ‘ന്യൂജെന്’ ശ്രദ്ധയാകര്ഷിച്ച ഫേസ്ബുക്ക് പേജിന് ചുരുങ്ങിയ നാളുകള് കൊണ്ടുതന്നെ നല്ല ജനപിന്തുണയാണ് ലഭിച്ചുകൊണ്ടിരിക്കുന്നത്. കമന്റിടുന്ന എല്ലാവര്ക്കും തന്നെ രസകരമായ മറുപടിയും കൊടുക്കുന്നുണ്ട് എന്നതാണ് ഏറ്റവും ശ്രദ്ധേയം. അതുകൊണ്ടു തന്നെ കാക്കിയോടും ലാത്തിയോടും പലരും കാട്ടുന്ന ‘ആ വല്ലാത്തൊരു പേടി’ മാറ്റിവെച്ച് ഒരു തുറന്ന മനോഭാവമാണ് പോലീസിന്റെ ഫേസ്ബുക്ക് പേജില് കാണുന്നത്.
ഫേസ്ബുക്ക് പോസ്റ്റിന്റെ പൂര്ണ്ണരൂപം:-
രാജ്യത്തെ ഏറ്റവും പ്രചാരമുള്ള 'പോലീസ് ഫേസ്ബുക്ക് പേജ്' എന്ന നേട്ടം കൈവരിച്ച കേരള പോലീസ് ഫേസ്ബുക്ക് പേജ് ലോക നെറുകയിലേയ്ക്ക് കുതിക്കുകയാണ്...
ന്യൂയോര്ക്ക് പോലീസ് ഡിപ്പാര്ട്ട്മെന്റിന്റെ പേജിനെ(NYPD) പിന്തള്ളി കേരള പോലീസ് പേജ് ലോകത്തിലെ തന്നെ പോലീസ് ഫേസ്ബുക്ക് പേജുകളിലൊന്നായി മുന്നേറുകയാണ്...
പ്രളയത്തിന്റെയും പ്രതിസന്ധികളുടെയും വിഷമഘട്ടത്തിലും ഞങ്ങള്ക്കൊപ്പം നിന്നവരെ ഈ ഘട്ടത്തില് നന്ദിയോടെ സ്മരിക്കുന്നു. അഭിമാനകരമായ ഈ നേട്ടം കൈവരിക്കാന് കേരള പോലീസിന്റെ നവമാധ്യമ ഇടപെടലുകള്ക്ക് സഹായകരമായ ഏവരുടെയും പിന്തുണ തുടര്ന്നും പ്രതീക്ഷിക്കുന്നു. നന്ദി.
