ന്യൂഡല്ഹി: പോണ് സൈറ്റുകള് അടച്ചു പൂട്ടിക്കാന് കേന്ദ്ര സര്ക്കാര് ഒരുങ്ങുന്നു. പോണ് വീഡിയോകളും ചിത്രങ്ങളുമുള്ള 827 വെബ്സൈറ്റുകള് അടച്ചു പൂട്ടാനാണ് കേന്ദ്രസര്ക്കാര് നീക്കം. ഇത് സംബന്ധിച്ച് ഡേറ്റാ പ്രൊവൈഡര്മാര്ക്ക് കേന്ദ്രം നിര്ദേശം നല്കി കഴിഞ്ഞു. ഉത്തരാഖണ്ഡ് ഹൈക്കോടതിയുടെ ഉത്തരവ് കണക്കിലെടുത്താണ് കേന്ദ്രം ഇത്തരം ഒരു നീക്കത്തിന് ഒരുങ്ങിയത്.
പോണ് ദൃശ്യങ്ങളോ വീഡിയോകളോ ഇല്ലാത്ത 30 സൈറ്റുകള് ഉള്പ്പെടെ 857 സൈറ്റുകള്ക്ക് താഴിടണമെന്നായിരുന്നു ഉത്തരാഖണ്ഡ് ഹൈക്കോടതി ഇലക്ട്രോണിക്സ് ആന്ഡ് ഐടി മന്ത്രാലയത്തിന് നല്കിയ നിര്ദേശം. ഉത്തരവിന്റെ അടിസ്ഥാനത്തില് 30 വെബ്സൈറ്റുകളെ ഒഴിവാക്കി 827 സൈറ്റുകള് അടച്ചുപൂട്ടാനാണ് ഇലക്ട്രോണിക്സ് ആന്ഡ് ഐടി മന്ത്രാലയം നിശ്ചയിച്ചിരിക്കുന്നത്.
കഴിഞ്ഞ സെപ്റ്റംബര് 27നായിരുന്നു വെബ്സൈറ്റുകള് അടച്ചുപൂട്ടണമെന്ന് ഹൈക്കോടതി ഉത്തരവിറക്കിയത്. ഇത് സംബന്ധിച്ച് ഇലക്ട്രോണിക്സ് ആന്ഡ് ഐടി മന്ത്രാലയത്തിന് നിര്ദേശം ലഭിച്ചത് ഒക്ടോബര് എട്ടിനാണ്. തുടര്ന്നാണ് ഇത്തരം നടപടിയിലേക്ക് മന്ത്രാലയം നീങ്ങിയത്.
