ഷിക്കാഗോ: മദ്യപിച്ച് കാര്ഗോകള്ക്കിടെ കിടന്ന് ഉറങ്ങിയ ജീവനക്കാനേയും കൊണ്ട് അമേരിക്കന് എയര്ലൈന്സ് പറന്നത് കാന്സാസില് നിന്ന് ഷിക്കാഗോ വരെയാണ്. അമേരിക്കന് എയര്ലൈന്സിന്റെ ബോയിങ് 737 വിമാനമാണ് മദ്യപിച്ച് ലക്ക് കെട്ട ജീവനക്കാരനെയും കൊണ്ട് പറന്നത്. ഷിക്കാഗോയില് എത്തുന്നത് വരെ ഇക്കാര്യം ആരും ശ്രദ്ധിച്ചില്ലെന്നും പോലീസ് പറയുന്നു.
വായു മര്ദവും താപനിലയും നിയന്ത്രിക്കാത്ത കാര്ഗോ ഹോള്ഡില് ഒന്നര മണിക്കൂര് തങ്ങിയ ഇയാള്ക്ക് ആരോഗ്യ പ്രശ്നങ്ങളൊന്നുമില്ലെന്നും അധികൃതര് പറഞ്ഞു. ഇയാളെ പോലീസ് ചോദ്യം ചെയ്തെങ്കിലും കേസ് ഒന്നും ചാര്ജ് ചെയ്തിട്ടില്ല. ഇയാളെ ഇപ്പോള് ജോലിയില് നിന്നും മാറ്റി നിര്ത്തിയിരിക്കുകയാണ്. കഴിഞ്ഞ 27നാണ് സംഭവം.
അമേരിക്കന് എയര്ലൈന്സിന്റെ ബാഗേജ് റാമ്പില് ജോലി ചെയ്യവെ ക്ഷീണമകറ്റാനാമ് ഈ 23കാരന് വിമാനത്തിലെ കാര്ഗോ ഹോള്ഡില് കയറി കിടന്നത്. ഷിക്കാഗോയില് വിമാനം ഇറങ്ങിയ ശേഷമാണ് സംഭവം അധികൃതര് ശ്രദ്ധിക്കുന്നത്. പ്രാദേശിക സമയം പുലര്ച്ചെ 5.52നാണ് വിമാനം കാന്സാസില് നിന്നും പറന്നുയര്ന്നത്. 7.30 ഓടെ വിമാനം ഷിക്കാഗോയിലെത്തി. ഒന്നര മണിക്കൂറോളം ഇയാള് കാര്ഗോ വിഭാഗത്തിലുണ്ടായിരുന്നു.
ഷിക്കാഗോയില് ഇറങ്ങിയതോടെയാണ് ഇയാളെ കണ്ടെത്തിയത്. വിമാനത്താവള അധികൃതര്ക്ക് ഇയാളെ കൈമാറി. പിന്നീട് പോലീസും എഫ്ബിഐയും ചേര്ന്ന് ഇയാളെ ചോദ്യം ചെയ്തു. മദ്യലഹരിയില് ഉറങ്ങി പോയതാണെന്ന് ഇയാള് പോലീസില് മൊഴി നല്കി. ഇയാള്ക്കെതിരെ കേസ് ഒന്നും റജിസ്റ്റര് ചെയ്തിട്ടില്ല.
