മാല്വെയറുകളെ ആന്ഡ്രോയിഡ് ഉപകരണങ്ങളിലേക്ക് കടത്തിവിടുന്നുണ്ടെന്ന കണ്ടെത്തലിനെ തുടര്ന്ന് 13 ആപ്ലിക്കേഷനുകള് പ്ലേസ്റ്റോറില് നിന്നും ഗൂഗിള് നീക്കം ചെയ്തു. ഈ ആപ്ലിക്കേഷനുകള് അഞ്ച് ലക്ഷം ആന്ഡ്രോയിഡ് ഉപകരണങ്ങളില് ഇന്സ്റ്റാള് ചെയ്തിട്ടുണ്ടെന്നാണ് റിപ്പോർട്ട്. ട്രക്ക് കാര്ഗോ സിമുലേറ്റര്, എക്സ്ട്രീം കാര് ഡ്രൈവിങ്, ഹൈപ്പര് കാര് ഡ്രൈവിങ് ഉള്പ്പടെയുള്ളവയാണ് പ്ലേസ്റ്റോറില് നിന്നും നീക്കം ചെയ്യപ്പെട്ടത്.
ആപ്ലിക്കേഷനുകളില് മാല്വെയറുകളുണ്ടെന്ന വിവരം പുറത്തുവിട്ടത് സൈബര് സുരക്ഷാ സ്ഥാപനമായ ഇസെറ്റിലെ ഗവേഷകനായ ലുകാസ് സ്റ്റെഫാങ്കോയാണ്. ഇവയില് രണ്ടെണ്ണം പ്ലേസ്റ്റോറിലെ ട്രെന്ഡിങ് പട്ടികയില് ഉള്ളവയാണെന്നും ലൂകാസ് പറഞ്ഞു. ഈ 13 ആപ്ലിക്കേഷനുകളുടെയും സ്രഷ്ടാവ് ഒന്നാണെന്നുള്ളതും ശ്രദ്ധേയമാണ്. ലൂയിസ് ഓ പിന്റോ ആണ് ഈ ആപ്പുകളുടെ ഡെവലപ്പര്.
ഈ ആപ്ലിക്കേഷനുകള് ഇന്സ്റ്റാള് ചെയ്ത് തുറന്നാല് 'ഗെയിം സെന്റര്' എന്ന മറ്റൊരു ആപ്ലിക്കേഷന് ഇന്സ്റ്റാള് ചെയ്യാന് ആവശ്യപ്പെടും. തുടർന്ന് സ്വയം അപ്രത്യക്ഷമാവുകയും ഫോണ് അണ്ലോക്ക് ചെയ്യുമ്പോള് പരസ്യങ്ങള് പ്രദര്ശിപ്പിക്കുകയും ചെയ്യും. ഇത് വ്യക്തമാക്കുന്ന ഒരു വീഡിയോയും ലൂക്കാസ് ട്വീറ്റ് ചെയ്തിട്ടുണ്ട്.
