തിരുവനന്തപുരം : തിരുവനന്തപുരം ജില്ലാ കലോത്സവത്തിലെ നാടകവേദിയില് കൂട്ടത്തല്ല്. നെയ്യാറ്റിന്കര ജെബിഎസില് നടത്തിയ ഹയര് സെക്കന്ഡറി വിഭാഗം നാടക മല്സരം വേദിയിലായിരുന്നു ഏറ്റുമുട്ടല്. സംഘര്ഷത്തില് ഒട്ടേറെ വിദ്യാര്ഥികള്ക്ക് പരിക്കേറ്റു.
കവടിയാര് ക്രൈസ്റ്റ് നഗര് സ്കൂളിലെ വിദ്യാര്ഥിനികള്ക്കും അധ്യാപകര്ക്കും, നെയ്യാറ്റിന്കര ബോയിസ് സ്കൂളിലെ ഒരു വിദ്യാര്ഥിക്കും സാരമായ പരുക്കുണ്ടെന്നും ഇവരെ മെഡിക്കല് കോളജ് ആശുപത്രിയില് പ്രവേശിപ്പിച്ചുവെന്നും വിവരമുണ്ട്.
കവടിയാര് ക്രൈസ്റ്റ് നഗര് സ്കൂളിലെ പ്ലസ് വണ് വിദ്യാര്ഥിനിയും നടി പ്രവീണയുടെ മകളുമായ ഗൗരി പ്രമോദ്, ഇതേ സ്കൂളിലെ ഗൗരി ജ്യോതിഷ്, അധ്യാപകരായ വിന്സെന്റ്, ലക്ഷ്മി രംഗന് തുടങ്ങിയവര്ക്കാണ് പരുക്കേറ്റത്. ഇവരെ നെയ്യാറ്റിന്കര ജനറല് ആശുപത്രിയില് പ്രവേശിപ്പിച്ച് ചികിത്സ നല്കി. ഗൗരി പ്രമോദിന് കാലിലും ഗൗരി ജ്യോതിഷിന് കൈയ്യിക്കുമാണ് പരിക്ക്.
നാടക മത്സരത്തില് ഒന്നാം സ്ഥാനം കാര്മല് സ്കൂളിനായിരുന്നു. ഇതില് നെയ്യാറ്റിന്കര ബോയ്സ് സ്കൂളിലെ വിദ്യാര്ഥികളുമായി തര്ക്കം ഉടലെടുക്കുകയും വിദ്യാര്ഥികളുടെ പേരിലെത്തിയ ഒരു സംഘം ആക്രമണം നടത്തുകയുമായിരുന്നു. ആക്രമണത്തെ തുടര്ന്ന് കാര്മലിലെ വിദ്യാര്ഥികള് അഭയം തേടിയത് ക്രൈസ്റ്റ് നഗറിലെ വിദ്യാര്ഥികള്ക്ക് അനുവദിച്ചിരുന്ന മുറിയിലാണ്. സംഘര്ഷം ആ ഭാഗത്തേക്കും വ്യാപിച്ചത്തോടെ കാര്മലിലെ വിദ്യാര്ഥിനികള് അതില്പ്പെടുകയായിരുന്നു.
