നോയിഡ: ദേശീയ വാര്ത്താ അവതാരക നാല് നിലകെട്ടിടത്തില് നിന്നും വീണ് മരിച്ചു. ആത്മഹത്യയെന്ന് സംശയം. നോയിഡയിലെ സീ ന്യൂസ് അവതാരികയായ രാധിക കൗശികാണ് മരിച്ചത്. സീ രാജസ്ഥാന് അവതാരികയായിരുന്നു 27കാരിയായിരുന്ന രാധിക.
ജയ്പൂര് സ്വദേശിനിയായ ഇവര് നാലു മാസത്തോളമായി ന്യൂഡല്ഹിയില് താമസിച്ചു വരികയായിരുന്നു. സുരക്ഷാ ഗാര്ഡാണ് പോലീസിനെ ആദ്യം വിവരമറിയിച്ചത്. പുലര്ച്ചെ 3.30ഓടെയാണ് മരണമുണ്ടായിരിക്കുന്നത് എന്നാണ് റിപ്പോര്ട്ട്.
സംഭവസമയത്ത്, ഇവരുടെ വീട്ടില് ഒരു പാര്ട്ടി സംഘടിപ്പിച്ചിരുന്നുവെന്നും നിരവധി മദ്യക്കുപ്പികള് കണ്ടതായും പോലീസ് പറഞ്ഞു. സീ ന്യൂസിലെ മുതിര്ന്ന മാധ്യമപ്രവര്ത്തകനും രാധികയുടെ സഹപ്രവര്ത്തകനുമായ രാഹുല് അവസ്തി സംഭവദിവസം രാധികയുടെ ഒപ്പമുണ്ടായിരുന്നുവെന്നു.
മരിച്ച മാധ്യമപ്രവര്ത്തകയുടെ ഫോണില് നിന്നും വിലപ്പെടുന്ന രേഖകള് ലഭിച്ചുവെന്നും പോലീസ് പറഞ്ഞു. മരണം ആത്മഹത്യയോ കോലപാതകമാണോ അതോ അപകടമരണമാണോ എന്ന് അന്വേഷിച്ച് വരികയാണ്. മൃതദേഹം പോസ്റ്റുമോര്ട്ടം ചെയ്യുന്നതിന് അയച്ചു.
