ഒടിയനു ശേഷം എംടി വാസുദേവന് നായരുടെ രണ്ടാമൂഴം ശ്രീകുമാര് മേനോന് സംവിധാനം ചെയ്യുമെന്നായിരുന്നു വാര്ത്ത. എന്നാല് ചിത്രീകരണത്തിന് കാലതാമസം നേരിട്ടതോടെ എംടി തിരക്കഥ തിരികെ ചോദിച്ചു. എംടി ശ്രീകുമാര് മേനോനെതിരെ ഹര്ജി ഫയല് ചെയ്യുകയും ചെയ്തു. ഇത് വന് ചര്ച്ചയ്ക്കും വഴിയൊരുക്കി. എന്നാല് രണ്ടാമൂഴം നടക്കുമെന്നും സംവിധായകന് പറയുന്നു.
എംടി പറയുന്നതിങ്ങനെ;
രണ്ടാമൂഴത്തില് തെറ്റിധാരണയേയുള്ളൂ. തര്ക്കമില്ല. എംടി സാര് എനിക്ക് ആ തിരക്കഥ തരുമ്പോള് ഒടിയനെക്കുറിച്ച് പോലും ചിന്തിച്ചിരുന്നില്ല. എന്റെ പരസ്യചിത്രത്തിന്റെ മികവ് കണ്ടിട്ടാണ് തന്നത്. അദ്ദേഹത്തിനും സിനിമയുടെ ഭാഗമാകാന് താല്പര്യമുണ്ട്. അദ്ദേഹത്തിന്റെ മനസിലെ സംശയങ്ങള് ദൂരീകരിച്ച ശേഷം രണ്ടാമൂഴം ഷൂട്ട് ചെയ്യും.
താന് ഒരു ശരാശരി സംവിധായകനും പരിശീലനം നേടിയ പരസ്യചിത്രകാരനുമാണെന്ന് ശ്രീകുമാര് മേനോന് പത്രസമ്മേളനതില് പറഞ്ഞു. ഒരു ശരാശരി സംവിധായകന് എംടിയുടെ രണ്ടാമൂഴം ചെയ്യാന് സാധിക്കുമോയെന്ന ചോദ്യത്തിന് ശരാശരി മാര്ക്ക് നേടിയ ഒരാളെ നിങ്ങള് പ്രീഡിഗ്രിക്ക് ചേര്ക്കാതെയിരിക്കുമോ? അയാള് അടുത്ത തവണ ഫസ്റ്റ്ക്ലാസ് വാങ്ങില്ലെന്ന് പറയാന് പറ്റുമോ? എന്നായിരുന്നു ശ്രീകുമാര് മേനോന്റെ മറുചോദ്യം. രണ്ടാമൂഴത്തിന് വേണ്ടി ഒരുപാട് പഠിച്ചിട്ടുണ്ടെന്നും തീര്ച്ചയായും സിനിമയെടുക്കുമെന്നു സംവിധായകന് ആവര്ത്തിച്ചു.
