ശബരിമലയിലെ യുവതി പ്രവേശനത്തിനെതിരെ വിമര്ശനവുമായി തെലുങ്ക് നടി ശ്രീറെഡ്ഡി. ശബരിമലയില് പെണ്കുട്ടികള് പോകുന്നത് നിര്ത്തണം, ആചാരങ്ങള്ക്ക് വില കല്പ്പിക്കണം.- ശ്രീറെഡ്ഡി ഫേസ്ബുക്കില് കുറിച്ചു.
''ശബരിമലയില് യുവതികള് പ്രവേശിക്കുന്നത് അവസാനിക്കണം. ക്ഷേത്രാചാരങ്ങള്ക്ക് വില കല്പ്പിക്കണം. ഹിന്ദുത്വത്തെ സംരക്ഷിക്കണം. മതമൂല്യങ്ങളെയും അയ്യപ്പനെയും ബഹുമാനിക്കുക. ദൈവത്തിനെതിരെ എന്തെങ്കിലും പ്രവൃത്തി നമ്മുടെ ഭാഗത്തുനിന്നുമുണ്ടായാല് നമുക്ക് അനുഗ്രഹം ലഭിക്കാതെ പോകും. പെണ്കുട്ടികളുടെ ഭാവിക്ക് ദോഷം ചെയ്യും''-ശ്രീ റെഡ്ഡി കുറിപ്പില് പറയുന്നു.
ബിന്ദുവും കനകദുര്ഗയും ശബരിമലയിലെത്തിയ വിഡിയോ പങ്കുവെച്ചുകൊണ്ടാണ് നടിയുടെ പോസ്റ്റ്. പോസ്റ്റിന് താഴെയുയര്ന്ന വിമര്ശനങ്ങള്ക്ക് നടി മറുപടിയും നല്കിയിട്ടുണ്ട്.
