വിവാഹം കഴിഞ്ഞ് മാസം ഒന്ന് കഴിഞ്ഞെങ്കിലും ബോളിവുഡ് താരം പ്രിയങ്ക ചോപ്രയും അമേരിക്കന് ഗായകന് നിക്ക് ജോനാസും തമ്മിലുള്ള പ്രായത്തെ സംബന്ധിച്ച് ഇപ്പോഴും വിമര്ശനം തുടരുകയാണ്. ചിലരാകട്ടെ മാസങ്ങള് മാത്രം നീണ്ട പ്രണയത്തിനു ശേഷം പെട്ടെന്ന് വിവാഹത്തിലേക്ക് കടന്നതിനെയും വിമര്ശിച്ചു. ഏതായാലും പ്രിയങ്കയും നിക്കും ഹാപ്പിയാണ്.
പ്രണയത്തെക്കുറിച്ചും വിവാഹത്തെക്കുറിച്ചും പ്രിയങ്കയുടെ വാക്കുകള് ഇങ്ങനെ: 'വിവാഹദിനത്തില് ഒരു രാജകുമാരിയാകണമെന്നാണ് എല്ലാ പെണ്കുട്ടികളുടെയും ആഗ്രഹം. എന്നാല് എനിക്കങ്ങനെ പ്രത്യേകിച്ച് പദ്ധതികളൊന്നും ഉണ്ടായിരുന്നില്ല. രണ്ട് വിവാഹചടങ്ങുകള് വേണമെന്നത് നിക്കിന്റെ ആഗ്രഹമായിരുന്നു. ക്രിസ്ത്യന് ആചാരപ്രകാരമുള്ള വിവാഹത്തിനായി തയ്യാറെടുത്തപ്പോള് കുറച്ച് പരിഭ്രമമുണ്ടായിരുന്നു. നിക്കിനെ വേദിയില് കണ്ടപ്പോഴാണ് അത് മാറിയത്. നിക്കിന്റെ മുഖം കണ്ടതോടെ എല്ലാം സെറ്റില് ആയതു പോലെ തോന്നി. എനിക്കറിയാം, ജീവിതത്തിലെ ഏറ്റവും മികച്ച തിരഞ്ഞെടുപ്പാണ് ഞാന് നടത്തിയതെന്ന്' പ്രിയങ്ക പറഞ്ഞു.
വിവാഹം കഴിഞ്ഞ് ഒരുമാസം പിന്നിടുമ്പോള് നിക്ക് പറയുന്നത് ഇങ്ങനെ : 'എന്റെ ജീവിതം വളരെ നന്നായി പോകുന്നു. എക്സൈന്റ്മെന്റിലാണ്. ഒരുപാട് നല്ല കാര്യങ്ങള് ഇനി സംഭവിക്കാനുണ്ട്. ഇതൊരു നല്ല വര്ഷമായിരിക്കും. ഒരിക്കല് ഒരുമിച്ചാല് അത് എന്നെന്നേക്കുമാണെന്ന് എനിക്കറിയാം. നല്ല സമയത്തും മോശം സമയത്തും ഒപ്പമുണ്ടാകണം. അതാണ് പ്രധാനമെന്നും എനിക്കറിയാം'വികാരാധീനനായി ഇത് പറയുമ്പോള് തന്റെ മുഖം ചുവക്കുന്നുവെന്ന് അറിയാമെന്നും നിക്ക് പറഞ്ഞു.
